بنتي حبيبتي والمدرسه...

حاولي تسوين لها تقويه في البيت بطريقه تشجعها وترغبها للدراسه
تلعبين وانتي تدرسينها او تطبعين لها اشياء تعليميه وتلون فيها وانتي تشاركينها
موجودين في النت تطبعينها
او تسوين لها اختبارات وتلصقين اوراقها يعني حببيها في الدراسه يمكن كرهه للدراسه يخليها ماتركز
حاولي ترفعينها في البيت بس لا تعايرينها بالعكس ثبتي شخصيتها انها شاطره وتعرف وتقدر تسوي كل شي

وفي مواضيع حطوها البنات تساعدج ويه اختي بوح الكلمات

عادي هاي طباع اساليها ايش ماضايقها با المدرسه وانشالله تاحبها انا مدرسه

(قلبي عن غيره تسكر ) مشكوره على اقتراحج انا بديت معها هذا الاسبوع مثل التقويه بس هي من النوع اللي تمل بسرعه اذا درستها ..

جوجونجم مشكوره على المرور..

هلا اختي
يمكن للحين ماتعودت على جو الدراسة وجو المدرسة

حاولي تنمين قدراتها في البيت وتدرسينها ع الاقل الاساسيات من حرووف وارقام وقراءة وكتابة

واذا كانت من النوع اللي تملل من الشي بسرعة حاولي تنوعين لها في اسلوب التدريس

يعني يوم ع السبورة ويوم اخذي لها دفاتر وكتب ملونة
ويوم اشتري لها سيديات تعلمية على شكل اناشيد

ويوم جربي معاها الالعاب التعليمية والعاب الذكاء

وانشالله مع الوقت راح تحفظهم وتتعلم وبتقدرين تدخلينها صف الاول

وحاولي تسالينها عن السبب اللي مايخليها تحب المدرسة او تتفاعل معاهم

وبالتوفيق

um 3looy تسلمين اختي على الافكار الحلوه يمكن انا ماانوع في وسائل التدريس عشان جذيه تمل بسرعه وحلوه فكرة السيديات باجربها وان شاء تجيب فايده..

حبيبتي لا تحاتين بنتي كانت مثل بنتج مستواها جدا مرتفع في الروضة بعدين لما دشت المدرسة والله تقولين عطوها عين حسبي الله ونعم الوكيل عليهم نزل مستواها وااااااايد ( آه يا قلبي) بس أنا ما خليتها والله قعدت أدرسها وهي تعال يا صياح بس لما شافت ما مني فايدة مستحيل أخليها تقبلت الوضع طبعاً مو في يوم وليلة بل سنة كااااااااااااااااااااااملة لما أتي من المدرسة أخليها تلعب ومن الساعة 5 إلى الساعة 7 دراسة وهي ألحين في الصف الثاني ومستواها جيد جداً اللهم لك الحمد والشكر وإن شاء ما فيها إلا العافية إن شاء الله والله يحمي عيالنا من العين ويرفع مستواهم الدراسي قولووووووووووووووووووووووووا آمييييييييييييييييين

توته حياتي;13846015:
بنتي عمرها خمس سنوات و تدرس تمهيدي في مدرسة دوليه سالت عنها في المدرسه قالت المدرسة انها لحد الحين ما تعرف الحروف
هل اهي فعلا ماتعرف الحروف ؟؟ وله بالمدرسه بس تبين انها ماتعرف؟؟ طيب اذا اهي ماتعرف الحروف شلون مرت عليك انتي امها لزم تكونين متابعه لتطورها الدراسي ؟؟؟ والحين احنا بشهر 12 يعني على ماااذكر انه الدراسه باديه من شهر 8 تقريبا ؟؟

وما فيه اي تفاعل في الصف ولا تتكلم مع المدرسه انصدمت من كلامها لان بنتي خارج المدرسة جريئه بس ثقتها بنفسها مهزوزه والسبب بعض الاهل الله يسامحهم
شلون يعني من بعض الاهل؟؟
وهل انتي تناقشينها وتوظحين لها انه الي يبدر منم غلط وانه ماله اي شي من الصحه وانهم يمزحون معاها ...؟؟؟

بنتي من عمر 3 سنوات وهي عندها شخصية قوووية والاحظ التركيز عندها ضعيف
طيب من الناحيه الاكل هل تلاحظينها تاكل عدل خاصه الريوق والفواكه مهمه جداا ... لاحظي صحتها اسم الله عليها
والابله قالت صعب السنة الجاية تكون صف اول للعلم بنتي ما دخلتها روضه كانت راااافضه ايش الحل مع بنتي ياليت تساعدوني انا في هم ما يعلمه الا الله...
لاتحاتين ياقلبي ان شاء الله تتحسن حالتها وصدقيني انا بعد ظايقت علشانها ..
وبنتي السنه الجايه بتروح تمهيدي وكل احااتيها خاصه انه باستراليا واهي ماتعرف انجليزي بس انا معلمتها بالعربي كل شي الحروف والارقام وتتكلم الفصحى عدل يعني حاولت اني ئئسسها ....ومن الحين مسويه لها جدول وافكار وببلش اطبقها الشهر الياي واحفظهم لان ولادتي ثاني شهر من دراستها بكون مستعده لتعليمها الارقام والحروف اسماء الحيوانات واسماء الفواكه وهالشغلات استفدت من اخت هني جزاها الله خير بفكره الحيوانات المصوره وقلت بسوي لها والحروف كذالك..

انا نصيحتي لك اختي انك تتقربين منها اكثر وتشوفين شنو الاسباب الي تخليها ماتتفاعل تعالي لها من غير باب لزم تعرفين هل المدرسه تصرخ عليهم هل في احد يظايقها اهي تحس بشي
استخدمي اسلوب التشجيع قولي لها ابيك تشاركين وتبينين لهم شطارتك انتي شاطره وذكيه لزم تتكلمين وتشاركين علشان يعرفون انك ذكيه وابي ان سئلت المدرسه وقالت لي انك تشاركين بيبلك احلى هديه وان شاء الله تتحسن يارب

لا تيئسي معها وانتي حاولي بالبيت تعمليلها كراسة وكل يوم درسيها حرفين ورقمين
وخليها تكتبهم اكثر من مرة وكل ماتعدي وتروحي جنبها اسئليها ايش هالحرف ...
انا هيم عم اتعامل مع بنتي والحمد لله نفع معها هالشي ... وبصراحة المس مالها حق تقولك ان صعب تكون صف اول السنة الجاية
قوليلها انتي اهتمي فيها ونحنا بالبيت نساعدك وان شالله ماتخلص السنة الا وهي فاهمة وعارفة كل شي
واذا حسيتي الابلة تبعتها ماهي راضية تساعد بنتك كفاية انا برايي تنقليها مدرسة ثانية او حتى صف غير صفها
لان الابلة هي الاساس بالمدرسة فاذا مافي منها تعاون معناها بنتك مارح تستوعب كفاية

فعلا انا مع الاخت دمشقيه شكو الابله تقولك ماتروح الصف الاول مبين اهي الي تكسر بالطلبه

اريج المحرق الله يحفض لج بنتج وبحاول اتبع نفس اسلوبج وان شاء الله يجيب فايده...

rose2006
لا هي في البيت لما تمسك قلم وورقه تكتب بعض الحروف بس ماتميز اساميها اذ سالتها وبعدين طول الفتره اللي راحت رحت المدرسه وسالت عنها قالت المدرسه لاتضغطين عليها لانها شوي شوي بتعرف وهم بدو من اخر شهر 9..
ومن ناحية الاكل ماشاء الله اكلها زين الا وجبة الفطور استحاله تاكل الصبح تجيها لوعه ما تحب تاكل بس تشرب شوية حليب..
وتسلمين على مرورج الرائع..

الدمشقية
المدرسه نفسها درست ولدي والصراحه ماشاء الله اسلوبها حلو بس خجل بنتي هو اللي يخليها ماتركز وبحاول معها لين اوصل للمستوى المطلوب الصراحه عطيتوني دافع بوقفتكم معي وطمنتوني وبتواصل اكثر مع مدرستها عشان تحاول تكسر الخوف اللي فيها..