السلام عليكم
بنات عندي مشكلة مع اختي
اختي عمرها سنه و و8 شهور
اهي وااااااااااااااااااااااااااااااااااااااايد عصبيه بشكل مو طبيعي
تعصب على اقل شيء وباسباب مانعرفها
واحنا نحاول نتجنب عصبيتها باي شكل لانها دايما دايما لمن تبكي توصل لدرجة تفتح فيها فمها وما تقدر تتنفس يعني توقف بكي وبعدها يغمى عليها دايما
ومامتي دايما تنفخ في فمها لمن تلاقيها ما تقدر تتنفس
اليوم كانت داخلة غرفتي واخذت منها فةط صحية وكان ابوي بالصالة حاولت اخده منها وركضت فيها غرفتي وخذيتة من عندها عصبت وبكت وصار واغمى عليها مدة طويلة وابوووي فشلني وامي قامت تشتمني يعني لو صار فيها شيء بيكون انه السبب :'(
مانعرف شنو نسوي بهل الحالة اخاف دايما تكون معاي تعصب وبعدها ماعرف اتصرف :sick::sick:
شوروا علي فيه احد من عيالة يصير له هالشيء وشلون يتصرف معاه
مرو عليي اطفال عصبيين بس مو لدرجة الاغماء
مادري بصراحه شقول ليش بس ما حبيت امر من غير ما ارد عليش
الله يهديها انشاء الله وتكبر و تبطل عصبيه
م
مهاا والحلا لهاا
عروس ماسية
01-12-2010 | 07:41 PM
بسم الله عليها قلنا البنات عوبات وعنيدات بس موجذي !!!
حبيبتي اقري عليها يومياً وحطي يدج على راسها وهي نايمه لأن لوبتسوين هالشي وهي صاحيه يمكن بتعصب
ورددي دعاء الرسول صلى الله عليه وسلم
" اعيذك بكلمات الله التامه من كل شيطان وهامه ومن كل عين لامه " يومياً صباحاً ومسااءً 3 مراااات
وادهنيها بزيت زيتون مقري فيه او حاولوا تستشيرون دكتور اطفال متخصص بعلم النفس ... اخاف لاسمح الله يكون عندها مشكله مثل التوحد لأن سمعت هالحاله وايد عصبيين وعنيديين ويجيهم حالة اغماء او يكون عندها عدوانيه وعصبيه وحركه مفرطه , او شحنات كهربائيه بالراس ماأدري مابي اخوفج والله بس ودوها طبيب افضل لاتستهينون بالموضوع عشان تطمنون عليها أكثر .... وان شاءالله مافيها الا الدلع ^_^
اتوقع والدتج كانت تعصب وتزعل وايد وقت الحمل !
المهم عطوها حنان ضموها سمعت دراسه تقول لازم الأم تضم طفلها اكثر من 40 مره باليوم تخيلي !!
لعبي معاها اشغلي وقتها باللعب جيبولها العاب تفيدها كتب تلوين او اشكال تركبها وهيك
قوليلها قصص سولفوا معاها كأنها بنت كبيره لازم احد يفهمها اللي تسويه غلط , مو واحد يعصبها والثاني يضرب اللي عصبها جذي تزيد , لاحاولوا معاها بالسياسه سايسوها ,
جيبولها هدايا يمكن البنت تبي تلفت النظر ترى بهالسن وايد اذكياء ماشاءالله عليهم وعليهم فناتك فضيعه ...
ووقت المغرب لاتخلونها تنام ولا تطلع بره مو زين صكوا البيبان والدرايش "الشبابيك" وسموا بالرحمن لأن بهالوقت تكثر الشياطين واكثر عرضه هم الأطفال غالباً لأن مايكونون محصنين مع الاسف !
وهم الأكل لاتأكلونها اكل مكشوف من الليل لأن هم الشياطين تكثر عند الأكل المكشوف بالليل !!
وخففوا من اكلات البقاله والتلفزيون سمعت انها تزيد الاطفال نشاط وعصبيه وعدوانيه وحركه مفرطه ...
وهم لاتخلونها تنام واهي لابسه لبس فيه اشكال حيوانات والغرفه شيلوا منها الصور ,,
والالعاب شيليهم بعيد عنها وقت النوم .. والموبايلات والتلفزيون لاتخلونه عندها لأنها تزيد الشحنات الكهربائيه بالراس !!
ونسيت اقول شغله بما انج بالبحرين ودوها البحر ترى وايد زينه تربة البحر حق الاعصاب بس بليييز انتبهوااا عليها << وحده تخاف من البحر ^^
وخلوا القرآن بالغرفه بذات سورة البقره وابتعدوا عن الاغاني وما ادراك مالأغاني والله اهي سبب كل المشاكل تطير البركه من البيت وتكثر الشياطين ..
وان شاءالله ماعليها إلا العافيـــه ... المهم زيدوا جرعه كبيييييييره من الحنان والضم والسوالف ..
ودايم استودعيها الله ... وماشاءالله لاقوة إلا بالله .... الله يحفظها
اتمنى اكون افدتج ... وبالنسبه لردة فعل والدتج عادي حياتي انا شكثر انطقيت ايام الطفوله اخواني يطيحون وانا انطق < انا شكو اهئ : ( هههههه عادي حياتي امج خافت عليها والله يلوم اللي يلومها
وصلى اللهم وسلم وبارك على نبينا محمد وعلى آله وصحبه اجمعين
دعواتكم لي ربي ينصرني على من ظلمني ويوفقني ويرزقني بحياتي وبمماتي والستر وتيسير الامور لما فيه الخير والصلاح ,,
اللهم آميـــــــن
هههههههههههههههههههههههههههههههههه حلاتها اتخيل موقفهااااااااااااا تركض بالكتكس هع وانتى وراها تحفهههههههههههههه
حبيبتي ما ابي اخوفك بس عرضوها على دكتور و تطمنوا
س
سندريلا الكون
عروس ركن التربية و الطفل
02-12-2010 | 12:00 AM
نفس حالة ولد اختى واختي الصغيره بس انا احس انه شي عادي مجرد عصبيه ومع الوقت تروح
هذا اللي يجيها تشنج
تصير لونها بنفسجي او اسود ؟؟
هذي طريقه لفت انتباه الكبار يستخدمونها الاطفال عادةً ولدي يصير عنده نفس الشئ ووديته دكتور وقال ليي هذا تشنج عند البكاء يجيه لانه يحبس تنفسه وهو يظل يصيح وكل ما يشوف الجاهل الربكه اللي يصيرون فيها الام والاب والاهتمام الزائد يكرر هذي العمليه
هذا الموقع بفيدج وايد
http://go.3roos.com/6mtiw4j7mvf
الله يشافيها ان شاء الله
R
Rabea3 al-ward
عروس مبدعة
02-12-2010 | 03:58 AM
ماعليها شر خيتي
بس ليش ماتودونها المستشفى احس تطمنون احسن
وماعليها شر اليهال عليهم حركاات
ما ادري حبيبتي احس موضوع العصبية شي عادي عند الأطفال
بس اللي مو عادي سالفة الإغماء هاي اللي تصيدها..عرضتونها على طبيب؟
ضحكت:lol: على موضوع الفوطة الصحية هههههههه .
هلا اختي
موضووع العصبية عادي عند الجهال وعندي وحده نفس حالتها بس اللي عندي تفتح بوزها وتم تصيح وماتتعب من الصياح عادي ساعتين مناحة
بس موضوع انه يغمى عليها اختي حاولوو تعرضونها على دكتور احسن عشان تطمنون عليها
وبالنسبة لانه امش وابوش عصبوو عليش عادي اختي طوفيها ولاتفكرين
لانه خافوو على بتهم الصغيرة
السلام عليكم اختي بنتي زي اختك تجيها حالة اغماء من البكاء وكانت تبكي على اتفه شي وعند الخروج بس تصيح لين ندخل البيت وعرضتها علىطبيب مرتين يقول عادي لا تخافون يجي اطفال كثير بس انتو لاتدلعونهاوكنت اخاف بصراحه بس ماتطول الاغماءة شوي وتفوق ولكن اقرو عليها وفعلا هي تبي حنان ولفت انتباه وضم لازم تضميهاوامها وكل منحولها يضمها لاني جربت في بناتي يغير النفسيه كثيرويحسون بالاهتمام ومع الوقت خف وراحت الحين هاذي الحالة وخف بكاها كثيرحاولوتشغلونها بالعاب وعجينةالصلصال والوانويحبون الالعاب الحرفيه مثل الاكسسوارات والله يهديها ويصلحها لكم
شكرا لكم كلكم يا بنات ما قصرتوا
وانشاء الله نصايحكم كلها تتطبق