ازيكوا يا أحلى عرايس فى أحلى منتدى
ان شاء الله ده أول موضوع ليا فى ركن المطبخ
الحمدلله اجتهدت وعملت بيتــــزا ما شاء الله بتطلع معايا حلوة جدا
ان شاء الله تعجبكم :D
يالا نبتدى يا حلوين
المقاديــــر :
1ك دقيق
4 علب زبادى
1 بيضه
خميره
ملعقه سكر
ملعقه ملح
كوب من الزيت
قليل من الماء (اذا احتاجت العجينه)
الطريــــقه :
اولا: ننخل الدقيق مع الملح
ثانيا: نخلط الزيت بالدقيق جيدا
ثالثا: نضرب البيض بالمضرب او بالشوكه ثم نضعها على الدقيق ونعجن
رابعا:نضع السكر على الخميره ونخلطها حتى تذوب الخميره ثم نضعها على الدقيق ونعجن
خامسا: نضيف الزبادى الى الدقيق ونعجن جيدا الى ان تتماسك العجينه ويمكن اضافه قليل من الماء اذا احتاجت العجينه
سادسا: العجينه بعد تمام العجن
نتركها لتخمر من ساعتين الى ثلاث ساعات فى مكان دافئ
فى اثناء ما العجينه تخمر حضرت الحشو
ابنى وزوجى يحبون البيتزا بدون اى اضافات يعنى صلصله البيتزا وزيتون وجبنه
ولكن طبعا يمكنك اضافه اى شئ مثل لحمه مفرومه او تونه او سجق على حسب راحتك
مكونات الحشو :
اولا: الجبنه دائما احب استعمل اكتر من نوع جبنه بيبقى طعمها الذ (موتزاريلا وجبنه شيدر وجبنه رومى) اوقات بحط الجبنه الرومى مبشوره او قطه زى كده (اصلى كسلت ابشرها):D
ثانيا : الزيتــــون (اخضر واسود)
ثالثا : الصلصــــه
بصله متوسطه مقطعه صغير
طماطم مقطعه صغير
فلفل مقطع صغير
بهارات(بهارات بيتزا-ملح-فلفل اسود-زعتر-سماق-نعناع)
* نضع الزيت فى طاسه تيفال ثم نضع البصله ونقلب حتى تدبل البصله
*نضع عليها الطماطم ونقلب الى ان تدبل ثم نضع الفلفل ونقلب ونتركها حتى تشرب الماء
* نضع عليها البهارات ونقلب ونطفئ النار وفى النهايه بتبقى بالشكل ده
* نحضر صينيه اى مقاس تحبيه وتفردى فيها العجينه (نسيت اصورها):o ونضع عليها الصلصه ثم الزيتون ثم الجبنه وتبقى بالشكل ده
وندخلها الفرن ولما تستوى تبقى بالشكل ده
وخلاص الحمدلله بالهنا والشفا لينا:lol:
ملحوظه :
كل الموضوع من مطبخى وتصويرى وتعبى
ياريت كل واحده على الاقل تذكر المصدر
احلى طبق بيتزا لاحلى اخوات
وبألف هنا وشفا
تقبلوا تقديرى واحترامى
F: :L:
واو عايزه حته على فكره احب البيتزاء المصريه لانهم يتوصوا فيها بكل حاقه 