ما عندي ثقة في نفسي والسبب امي

تربة القمر;13819468:
الله يعينج حبيبتي احس من كلامج ان انتي بنيتي هذي الافكار في مخيلتج لانة كثرة ماترددين انا متينة انا قبيحة تترسخ هذي الافكار في نفسج وهذي دراسة قارية عنها ان العقل البطن يوحي للانسان بالشي اليي هو يفكر فيه يعني مثلا لما الشخص يردد بقناعتة ان انا قبيح راح يشوف نقسة جذي وترسخ بداخلة ولما واحد بالعكس يردد انا جميل راح يشوف نفسة جميل .. اولا لازم تبنين الثقة في نفسج وثاني انتي تقدرين تطلعين جمالج بلبسج واهتمامج بنفسج قد تلقين وحده حلوة ومايبين جمالها لانة مو مهتمة بنفسها يعني اول نقطة حاولي تخففين من وزنج واهتمي فش شعرج سوي صبغات اشتري ثياب تبرز احلى شي في جسمج وتخبي مناطق العيوب مثلا .. شوفي ترى الكشخة والباس له دور كبير في المظهر والجمال انتي شوفي الفنانات في النت شوفيهم بالتلفزيون جنهم البخت وفي النت شوفيهم قبل التجميل والمكياج والشغلات تجوفيهم شي ثاااني ..!

انتي سوي لج لوك جديد قصة شعر صبغة وثياب واهتمي ببشرتج وبتشوفين التغيير

البحـNooRــرين;13819644:
>>> اختـــــــــــــــــــــــــي امج مب ملامة في هالموضوع <<<
اناا ماا اقولج ان كلام امج لج ماا يضايق ... بس الثقة بالنفس تنبع من داخلج ...
و إذا انتي اتحسين نفسج متينة ... ضعفي روحج ...
و إذاااا ويهج فيه حبوب او شااااااااااااااااااحب اهتمي في ويهج
مب تهملين نفسج ... و تتوقعين المدح لنفسج من الغير ....
ويمكن امج اسوي جذي عشاااان تبي اتشغل غزيرة المنافسة بينج و بين اختج في االااهتمام .. و بعد غزيرة الاقتداء .. عشاان تفتدين بأختج
وهذاا كلش مب غلط ولا عيــــــــــــــــــــــــــــــــــــب

اتمنى ان تتقبلين كلامي برحابة صدر
لأن ماا ابي اقول كلام ينافي الواقع و المنطق

حشيمـ&#64423; راقـيـ&#64423;;13819769:
يا هلا فيج يا اختي ..

اول شي احب اقولج .. الجمال جمال الروح و الاخلاق العاليه يعني بيني وبينج نشوف بنات كثير في حياتنا اليوميه جمالهم يفوق الوصف بس تعالي و اسالي عنهم تلقين ان اخلاقهم و لا شي و لا حد يتكلم عنهم كلام زين عيل قوليلي وش فايده الجمال و اخلاق ماشي صح و الا لا و فيه العكس بنات ما فيهم اي جمال بس تعالي سولفي وياها تلقينها قمة في الاخلاق و تحبين سوالفها و تتمنين انها تكون اختج او صديقتج .. اهم شي الجوهر و خلي عندج ثقة في نفسج و قولي في نفسج انا شعلي منها حلوه و الا لا اهم شي اني خلوقه و محبوبه و لا تحسسين اي احد انج محبطه و يائسة و حزينه من هالموضوع بالعكس بيني ان هالشي ما يهمج و كوني واثقه ان الجمال ما هو كل شي هالزمن الناس تبي الاخلاق و ما تبي الجمال لان اكثر الجمال ما يدوم .. و اذا فعلا هالموضوع مسبب لج ازمه نفسيه حاولي تغيرين من نفسج .. يعني تهتمين في نفسج اكثر تشغلين نفسج في اشياء مختلفه بعيده عن المقارنات اللي تسمعينها غيري من استايلج سوي ريجيم مع الرياضه استخدمي كريمات و حطي ميكب خفيف .. و لا تشعرين بالغيره من اختج لان سبحان الله كلنا عز و جل خلقنا في احسن تقويم سبحانه رب العالمين و كل شخص عطاه مميزات و اشياء تميزه عن الاخرين و اعرفي ان سبحانه و تعالى معطيج شي اكيد بيميزج عن اختج او عن اي احد ثاني .. اذا امج قالت لج شوفي فلانه او اختج احلى عنج .. ردي بأدب وقولي : ايه صحيح كلامج يا يمه بالفعل ما شاء الله عليها جميله و ابتسمي .. و كل مرة تقولج هالكلمه قوليلها نفس الكلام على انج توافقينها الراي قولي ايوه صح كلامج يمه ما شاء الله حلووه بجد .. حسسيها انه عادي عندج و ما تفرق معاج دامج واثقه بنفسج و انتي عارفه منهو انتي .. فلا تشغلين بالج ابدا في هالمواضيع و اعرفي ان الجمال الاول و الاخير هو جمال الروح و الاخلاق وبس ..

شكري لج و اتمنى اني افدتج ..

صباحك سكر;13819799:

السلام عليكم ورحمة الله وبركاتة

شوفى حبيبتى احذري ان تنظري لنفسك من خلال نظرات الآخرين ، وتنزلي سلبياتها على نفسك وتفقدك الثقة بنفسك بل انظري لنفسك بتفاؤل وامل . ولا تتأثري بالصفات التي تطلق عليك ،

احرصي على إبراز أوجه جمالك الشكلية، واختيار الملابس التي تخفي بدانتك، وانظري لنفسك في المرآة بالعين التي تبحث عن المزايا لا العيوب

حبيبتي حاولي تتقربين من أمك وتأكدي ان مافيه ام ما تحب بنتها

.. أمــ عــلــيــ ..;13821124:
الله يعينك ويسهل امورك

بصراحه البنات ما قصروا قالوا لك كل الحلول المناسبة لمشكلتك ..

أمك يمكن نيتها زينة من كلامها لك .. يمكن تشوفك مقصرة على عمرك بكل شي فتبيك تحسين وتنتبيهن على نفسك أكثر .. !!!

قوي ثقتك بنفسك .. وادخلي الانترنت وابحثي على رياضة مناسبة لك وأكل صحي مناسب لك .. وابحثي عن الازياء اللي تساعد على تخفيف مظهر البدانة في جسمك ..

يعني السنين هذي مافيه شي صعب .. كل شي متوفر لنا وبين يديننا .. بس لازم قوة ارادة وبداية زينة .. وان شاءالله تتحسن نفسيتك .. ويتحسن شكلك ..

:)

ام بيادر;13824653:
الله يعينك ياختي

الوان شفافة;13826255:

يمكن انا افهمج اكثر لان ياتني فتره وحسيت هالشي

انتي مو ناقصج ثقه
ناقصج الحناان والاحساس ان احد يحبج وانج مميزه عند اقرب الناس لج اللي اهي امج
بس لاتخلين هالمشاعر تتعبج حبي نفسج وتاكدي محد بيحبج اكثر من روحج قولي الحمد لله انا بصحتي وغيري الله حرمه من باقي النعم
انتي طيبه وحساسه ومحتاجه الامان والعاطفه اكثر شي
انشاءالله الله يرزقج ولد الحلال اللي يحبج ويقدرج
قطي كل شي وراج وعيشي حق نفسج وكوني افضل بكل شي شكلج وشعرج وجسمج
حبي روحج مثل ماهي وابتسمي حق حياتج

وخلي الدنيا تبتسم معاج

مناكير أحمر;13826359:
[BACKGROUND="70 #CC0033"]

هلا أختي حبوبه
لاحظت الكل يقول انه امج يمكن ماتقصد ولو كانت ماتقصد مو من حقهاااااااا تقول انه اختج أحلى انا اللي اعرفه انه مهما كان شكل البنت او الولد يظل بعيون امه غزال ,,, بس امج ذكرتني بوحده من عايلتنا تقارن بين ولدها وولد اخوها تقول ولد اخوهاااااااا أجمل واحلى وكان قدام زوجها رد عليها زوجها تخسين !!!
هي بطلت عينها وسكتت ومنها ماعادتها انتي تبين حل صح !!!!
اولا: انتي ياحبوبه حبي نفسج خلي رايج هو الأول بروحج مومهم امج او اي احد يقول عنج حلللللللللوووه عشان ترضين اذا انتي ماحبيتي نفسج وعزيتيها تنتظرين أحد يعزج لا حبيبتي خلج جبل مايهزه ريح ولا تسمحين لأي مخلوق كان يغلط عليج او يهينج !!!
انا اقولج فتره جت لأهلي يقارنون بينا وبين نسايبنا فلانه حلللللوه وفلااااااااااانه متفوقه وفلاااااااانه انخطبت وزوجها وراث ورث !!!
وظلوا لحد ما كبرنا وهم يقارنون بينا بالجمال وبحظوظهم وبكل شي !!!
وهم بعد ظلوا يفوشرون علينا تدرين احنا صار عندنا تحدي (البنات)!!!
صرنا نعز نفسنا ونحبهاااااا ولا نسمح لأهلناااااااااا بالغلط علينا كانوا يقولون شطار احنا حتى لو فشلنا نحاول مره وثنتين وثلاث والحمدلله تخرجنا من الجامعه حالنا حالهم !!!
احنا ظلينا بأقسامنا وهم في عز التفوق ظلوا يدورون من قسم لقسم مو عاجبهم العجب واهلي ينصدمون بس مايبينون لنااااااااا!!!
هذا مثال ونقطه في بحر جنب الجمال لما قالوا هم أحلى قلنا احنا اقل لانه اهالينا بعد مهم ذوات جمال فيصدمهم الرد :rolleyes:
معليش تحدي نفسج مو عشان الناس او عشان امج عشان نفسج انتي !!!
دُبه اوكيه خلج دُبه في الف طريقه وطريقه تنحفين !!!
روحي لأخصائية تغذيه وسوي لج نظاااااااااااااااااااااااااااااااام انحفي لنفسج !!!
مو لأمج وللنااااااااااااااااس لااااااااا
تبين تطورين درسي ودرسي ودرسي وخذي دورات طوري من نفسج !!!!
انتي اتخذي القرار وخليه سري بينج وبين نفسج واتبعي قول(استعينوا على قضاء حوائجكم بالكتمااان),,,
اثبتي ذاتج وارمي كلامهم وراااااااااااااااااااااااااااااااااااااااااا
شعرج ليفه فيه شي اسمه كراتين وشي اسمه تنعيم وغيريه !!!
مكياج ماتعرفين وماتحبين تعرفين كيف تاخذين دوره فيهااااااااا!!!
طبعا ضربت لج امثله تقدرين كيف تغيرين من نفسج فيها مثل الشعر والجسم والدراسه !!!
انا ما ادري كم عمرج تقدرين تتصرفين وتروحين تقدمين على شغل مومهم يعجبهم أهم شي انتي تثبتين ذاتج وقدرج !!!
لمتى تسمحين لهم بالإهانه ارفعي راسج وخلج واثقه وتغيري !!!
انا متأكده انه فيه ناااااااااااااس كثير !!!
ينظرون لج بنظرررررررررررره ماتتخيلينهاااااااااا!!!
ابهريهم بالفعل وليس بالقووووووووول سكتيهم بدون نطق كلمه !!!
هنا لحظتهااااااااااا راح يضربون اخماس في اسداس وبالذات امج قبل لا ينطقون بأي كلمه فرضي احترامج عليهم !!!
اما انج تقومين تقارنين وتركزين ترى حياتج بتذمر كذاااااااااااا
دورت راسج ادري بس لأني مريت بنفس المواقف ووقفت الكل عند حده :thumbs_up:

[/BACKGROUND]

lazord;13829251:

لا تخلي أمك شماعة تعلقي عليها عدم ثقتك بنفسك

اللي ذكرتيه أمر عادي ويصير فكل بيت

غيري طريقة تفكيرك وبتتغير شخصيتك إن شاء الله

وياما حريم ما فيهن جمال - فالمظهر - لكن شخصيتهن أهلتهن يمسكن أعلى المناصب

مثل ما قلت لك، غيري طريقة تفكيرك ونظرتك لنفسك وبتتغير شخصيتك

بالتوفيق
F:

حبوبة البحرين الحلوة;13829437:
بس لا تنسين يا اختي ان الكلام يجرح وانا ما خلقتك شكلي عشان تقارنيني باختي رب العالمين هو اللي صورني الله كريم شكرا على الرد