محتاجه لكم ساعدوني الله يفرج همكم

اول ربي يتمم لك على خير

ثانياً ماأتوووقع الدكتورة بتعطيك شي يضرك او يضر البيبي

وانا بالنسبه لي سمعت النبض بالاسبوع السادس او السابع

انتظري قلبي للاسبوع الثامن ويبان اذا هو جنين او كيس باذن الله

موفقه

نجد شكرا لك غلاتي
وريف ان شاء الله بنتظر وربي يقدم الي فيه الخير ربي يسعدك قلبو

وينكم بنات

الله يتمم لك حملك على خير

وان شاء الله الجنين مافيه الاالعافيه بس انتي لاتوسوسي

والدكتوره مانصحتك ترتاحي

لانه الشهور الاولى لابد من الراحه

الله اثبته ليش خيوو انى نفسش بس انى ينزل عليي دم
ورحت امس الى الدكتورة قالت ما يبين بس سوت ليي
فحص الهرمون وقالت انتين حامل بس ما يبين البيبي الحين
تعالى عقب ثلاثة ايام بنشوف وعطتني حبوب عشان اوقف الدم
وعطتني الفوليك والله اثبته ليش ان شاء الله وتمم عليش وعلينه
يارب وما اشوفين شر ان شاء الله الله يرزقش بالذرية الصالحة :)

اللي نزل عليج بني ,, وهذا شي يطمن
لأن كل الخوف من الدم الأحمر ..
وانتي الحين بالاسبوع السادس ,, طبيعي جداً انه يبين كيس صغير من غير نبض
النبض عادةً يبين في الاسبوع الثامن

التزمي بأخذ المثبت اللي عطتج إياه الدكتورة واهم شي الراحه التامه
يعني حاولي قد ما تقدرين انج ما تقومين من الفراش إلا للحمام أو للضرورة القصوه

بداية حملي نزلت عليي اوساخ وكنت مثل حالتج ظلت وياي جم يوم والنبض ما بين مع إني كنت بالاسبوع السابع تقريبا
وما عطتني مثبت ولا شي ,, قالت لي ارتاحي ومافي جماع في هالفتره وقالت لي تعالي بعد اسبوع عشان نشوف النبض
مع الايام خفت الافرازات ولما رحت الموعد بعد اسبوع شفت النبض والبيبي كان واضح

الله يطمن قلبج وما عليه البيبي إلا العافية

عادي خيوو

انا ينزل بني ودم وانا اخذ مثبتات من بدايه الحمل غير الابر المثبته وبعد ينزل علي في حمليني صادني جدي ..

ريحي وشربي ماي وايد الماي يثبت وانا كنت اشرب ماي مخلوط بنشا واحسه انه فعلا وقف الدم والنبض يبين في الاسبوع الثامن ,,

ربي يطمن قلوبكم زي ماطمنتوني
ويسعدكم يارب
مع ان اليوم ينزل نقط دم الا اني تطمنت من ردودكم
ربي يفرح قلب كل من مرت من هنا ويرزقها ما تتمنى

حبيبتي خل تعطيج مع التحاميل ابر تثبيت .. والمثبت ربج ادعي وتكلي عليه بس روحي لغيرها نصيحه فبداية حملج لازم تعطي مقويات للحمل ابر تحاميل ابذلي الاسباب ... والله يثبته لج ان شاء الله