اريد مشورتكم

سلام

بنات انا حبيت اعرض موضوعي.. هي مو مشكلة بس هي سالفة شاغلة بالي عشان اخذ مشورتكم بالسالفة و اعرفكم ما مرة رديتوني

سالفتي اني تزوجت و سكنت في بيت عمي بعد اصرار من اهل زوجي مع انه احنا كنا في ذيك الفترة ندور شقة بس اهله اصروا نسكن معاهم بالبيت و اخذوا يقنعون بزوجي بانه الحياة صعبة و صعب يبتدي حياته في شقة بروحه و من هالقبيل

انزين انا كانوا بيت عمي يبون يقعدوني بغرفة من غير حمام بس طبعا رفضت بشكل قاطع .. انا بطبيعتي ما احب استخدم حمام مشترك و بعدين قرروا يضحون بحمام صوب غرفتنا و نسوي لنا بارتشن .. طبعا هذا الحمام الوحيد الي فوق مافيه عندهم غيره .. فاضطروا يستخدمون الحمام تحت..

طبعا الحمدلله على كل حال بس انا مو مرتاحة بقعدتي ببيت عمي غرفتي عبارة عن غرفتين بس حدهم صغار.. يعني شلون اوصف ليكم امممم يعني الغرفة الوحدة ما تكفي كامل اغراض طقم غرفة النوم فمظطرين الكبت نحطه بالغرفة الثانية و الثانية اصغر من الاولى يعني محطوط فيها الكبت و صايرة حددددددها ضيقة يعني حتى كرسي ما اقدر احط فيها.

وقلت لزوجي ما عليه هم راضية لكن بس بنقعد سنة ببيت اهلك لاني مو مرتاحة من الوضع بس عشانك بقعد.. و طبعا وافق زوجي و قال انشالله بعد السنة ننتقل

الحين طافت 7 شهور من زواجنا .. يعني ما باقي شي عن السنة .. بس انا حملت و قرر زوجي انا نقعد بالغرفة لين ما يصير عمر البيبي ست شهور:confused: و الحين قاعدة افكر شلون بخلي سرير للبيبي بالغرفة^o) يعني انيمه بالارض؟؟ او اذا حطيت سرير ما بيصير لنا مكان نطوف.. يعني ننرعص بين سرير البيبي و الكبت عشان نوصل الغرفة الثانية:thumbs_down:
المهم كلمته وايد بس هو كل مرة يطلع اعذار :'( و اليوم انا قاعدة اتفرفر بالمنتديات شفت شقة جدا مناسبة و بسعر مناسب جدا جدا و كلمته .. بس ما وافق حتى نروح نشوفها يقول مو على قد استطاعتنا الحين و عندنا بيبي جاي .. مع اني قلت له انا بدفع اجارها انا اشتغل و هو يشتغل و فلوسنا كل شهر تروح على خرابيطه من كافيهات و شيشة و مطاعم على الاقل نحطه بشي يفيدنا من بدل ما يبذرها:(

شرايكم بنات بليز شورا علي.. احس روحي مشتته افكاري؟؟ هل تحسون يسوى اتناقش معاه بالموضوع و لا شلون؟؟

ملاحظة: ام زوجي مرقدة بيسون لها عملية بظهرها و لازم ما تتحرك وايد .. اخاف ننلزم انا نخلي الحمام مالنا لها عشان ما تقدر تركب و تنزل كثير!!!

بليز بنات انتظر رايكم؟؟؟؟