فيـــــــــــــــه ناس يوصل فيهم الشر لهذه الدرجه

زي ما شفتوا بعيونكم العنوان فيه ناس يوصل فيهم الشر والحقد لهذي الدرجه
يتآمرون عشان يفرقون بين ام وولدها ---اخوان واخوهم
هذي السالفة قالتها لي صديقتي من سالفة ومعاناة طويله بس اللي اثر فيني هي السالفة شي من الخيال
تقول صديقتي الله يكون بعونهم
في بيت اهلها القديم اللي قبل هذا اللي هم فيه
اتفقت مرت اخوها ووحده من خواتها (صديقتي عندها اخوان واخوات خليص واخوان واخوات من امها واخوان واخوات بعد من ابوها ما شاء الله)
على ان الاخت تستدرجهم بالكلام على مرت اخوها وفي هذا الوقت تتصل الاخت هذي المتآمرة على مرت
اخوها وتترك الجوال مفتوح وتخلي مرت اخوها تسمع كلام ام وخوات صديقتي وهم يتكلمون فيها وعشان تكتمل فصول
المؤامرة مرت اخوها عطت زوجها التلفون عشان يسمع كلام امه وخواته فيها
طبعا الاخ الان كاره اهله (امه وخواته الخليص) واللي بينه وبينهم شعره ويبغون يقطعونها باي وسيله تخيلوا ...


ام صديقتي مرة طيبه وخواته من النوع اللي مايتدخلون بحياة احد من اخوانهم ابدا
بس اللي محيرني شلون الاخ يشاركهم في هالحركه ..........
تخيلوا قبل رمضان مرت اخوهم كتبت عنهم بالنت القافله تسير والكلاب تنبح والاخ وصله الخبر ولا تحركت فيه شعره
بالعكس لما جا رمضان من عادته يجي يفطر عند امه كل اسبوع قطعها ولم يفطر عندها ولا يوم حتى نسايبه ازواج
خواته يجون ويروحون ما يشوفونه ليه ...لان لازم عند اخوهم وزوجته كل وحده من خواته اذا جات لااااازم ام زوجها او خوات زوجها يدقون عليها ويقولون لها تجي
وهم ما يدقون لانه عندها خبر اذا جاو ولا هي غريبه عشان ينادونها كل ازواج اخوانهم يجون من نفسهم ما احد يقول لهم تعالوا وبيتهم بيت عايله مفتوح وسوت سالفه لهم على هالشي وقالت لهم من جا بلا عزيمه بات بليا فراش واخوهم مع زوجته طبعا...
الغريب انه اللحين طبعا ماتجي لما يجون حمواتها ولاحتى زوجها بس اذا جا احد ثاني شوي الا هي عندهم من غير ماااحد يناديها ...طيب وين كلامها من جا بلا عزيمه....والا السالفة قطع الاخو من اخوانه وبس ....
اخوهم اذا جا الغريب قام بالواحب معاه ...ماااااايقصر ابداااا مع اخوانه وخواته الباقين والاهل
جميعا الا اخوانه وخواته الخليص فهم من آخر اهتمامته لان فيه شرط عشان يرضى هوعنك لازم مرته ترضى عنك اول مو بس كذا لازم عليك تبوس القدم وتبدي الندم........

وهذي الاخت هل ينقال عنها اخت ....انا من رأيي انو حتى العدو مايسوي هالمؤامرة القذرة
احس انها عدت على ابليس
هي ايش جنت من هالمؤامرة الا انها فرقت بي ام وولدها واخوان واخوهم
ايش راح يكون جزائها ومن على شاكلتها
هاللي يفرقون بين الارحام ما يخافون ربهم
بس احب اقول لهذه الاشكال من الناس ان الواحد اذا طغى وتجبر وزاد في شره وشاف ان ربي يفتح له الدنيا من جميع الابواب فليعلم ان الله يستدرجه وانه له بالمرصاد
شرايكم عمركم شفتوا ناس زي كذا !!!!!!!!!!