ادخلي من فضلك ، يهمني رايك . . .

عن نفسي إذا قال كلمة ما عجبتني والا سوى حركة قرعة (مثل هالأطفال اللي يتفوا:|) أسكت عنه، ولا أرد عليه، ولا أعلق، عشان لا يحس إنه قال شي يلفت الإنتباه، ويضل يعيد ويكرر فيه.

لأني لو عصبت عليه بيضل يعاند زيادة ويعيد في الكلام اللي قاله، وبيركز في مخه أكثر، وبتعجبه السالفة، وكل ما عصبت عليه والا زعلته بيسوي الشي اللي ما أرضاه وبيقول الكلمة اللي منعته منها.

"فأسلوب التطنيش هو أحسن حل بالنسبة ليي":thumbs_up:

بصراحه انا عن نفسي اقول ان اللفظ هذا غلط ومو زين وعشان الناس يحبونك لازم تكون الفاظك حلوة
بس لو كررها يمكن اضرب

بما ان بنتي بعيد عن الاطفال ..,, الحمدلله الى الان ماشفتها قالت شي سئ ..,,


بس لو قالت شي طبعا بحاول احرمها من شي تحبه ..,,

تسلمي بوح عالمواضيع الجميله ..,,

اذا سمعت طفلي يقول كلمه مو تمااااام ,,, اذا كان من سن الاربعه سنوات اوضح له انو هالكلام عيب وبصراحه اهدد ,,,

اما اذا كان اقل من كذا فما ابين انو الكلمه فيها شي عشان ماالفت نظره انو هالكلمه فيها شي

هلا خيوتي بوح
موضوع رائع و مفيد للجميع
بالنسبه لي
زنوب ما شاء لله عليها كبيره و تفهم
و تربيتها كانت كلش سهله
اللهم صلي على محمد
ما تعبتني
وحتى لمن راحت الروضه تجي اتقول لي ماما فلان قالت جذي و اني اعاملها كانها كبيره و اقعد افهمها انه هذا شي غلط نقوله
الى درجه انه حتى كلمه هبله اذا احد يقولها تقعد اتصيح اتقول قالو كلام وصخ
و اخاف اقول لها شنو اتقول قالت يا هبله

حسون الحمد لله الحين في الروضه بس معلمتهم واجد زينه من هالناحيه
بس طريقتي ليهم
كرسي العقاب اثنينهم
اذا سوا اي شي
سواء كلام وصخ او تصرف مو زين
او طفشونس و تعبت
ماليهم الا كرسي العقاب
كرسي احمر و راسمه عليه رسمه شيطان احمر
خخخ
و حاطه صورهم زنوب و حسون
و احط لهم نقاط سودان
و اشيل نجمه من جنب صورهم اللى حاطتنهم لهم في قائمه الاعمال الحلوه
بجذي يصيرون شاطر
من اقول كرسي العقاب اثنينهم يصيرون ويش حلاوتهم

شكرا لمروركم ، راجعة بالتعليق على الردود ، بس حبيت ارفع الموضوع :)

عن نفسي مامريت بهالتجربة مع طفلي الاول


كانت تربيته الاخلاقية جداً سهلة مايقتبس افعال ولاكلمات بالرغم انه كان في الروضة والروضة خليط !!
لكن مع الحلوة الامورة طفلتي اختلف الوضع كانت قبل تدخل الروضة بسهولة تقول ياحمار مثلاً
بالرغم من أن عمرنا مااستخدمنا هاللفظ وحتى بعض العلاقات قطعتها لان هالالفاظ معهم عادية وانا ماأبغى اولادي يتربوا على انها عادية !!!

لكن تجاهلت الموضوع تماما ً وعطيت بنتي الاذن الصمخة ومااشوفها عادتها
والان لسانها نظيف والله يستر من الجاي

الله يعين على تربيتهم .. !!!

طريقة التطنيش يمكن مفيدة ..

او مثلاً اذا كان الطفل أقل من 3 سنوات ممكن اذا بدأ التلفظ او التصرف بشئ سئ .. حاولي لفت انتباهه لأي شي آخر .. لعبة .. أو تلفزيون .. أو عمل بسيط .. انا جربت الطريقة هذي مع ولدي والحمدلله .. نتيجتها مضموووونة على طوووووول ..

ولدي جاه فترة تعود على " البصق " ويحسبها لعبة .. طبعاً جايبها من عيال العائلة خخخ .. صار يسويها في البيت واستخدمت معاه طريقة لفت انتباهه لشئ ثاني .. والحمدلله نسى الحركة هذي ..

:)

اني بنتي الحمد لله ما تتلفظ بالفاظ سيئه لكن جت ايام اشوفها تتفل وانتو بكرامه
قمت احقرها واطنشها شفتها ما تابت
قمت اقول ليها عيب غلط و بتصير في بوزش دوده بعد ما فاد
بس قلت بحط في بوزها شي ما تحبه او طعمه ينرفز الاطفال وقت اللي تسوي هالحركه
اول شي حطيت ليها هيل شفتها حبته
بعدين حطيت ليها سماق وقامت تلوع جبدها وكل مره تسوي الحركه احط ليها سماق لين ما تركت الحركه

بنت الاهاجيس;13797696:

يسعدني اكون اول وحده ترد

انا لسى ماعندي عيال في الطريق انشاءالله
بس عن تجربتي مع اخواني ماردعليهم واذا قالو شي لا تضحكي بوجهه كشري

واعملي نفسك زعلانه ولا تعطيه الشي الي يحبه شويه شويه ومع الوقت يبطلون

مشكوورة اختي على مرورك ، مريت بهدي التجربة مع ولدي الكبير ولمن يقول كلمة خطأ ما أضحك وانبهه ان هذي الكلمة غلط وعيب نقولها والله يزعل منا لين قلناها وحتى اليهال ما يحبون يلعبون وياك لين قلت جدي لأن هدي الكلمة مب حلوة ، ماهتم وظل بين فترة والثانية يرددها ، فقلت اتجاهله أحسن وفعلا بالتدريج خفف منها لين مانساها نهائيا بس ولدي الصغير وااايد صعب وكذامرة يلقط كلمات مو لائقة وانبهه في البداية ان هدي الكلمة موب حلوة ما في فايدة ، وحسيت انه مرات كثيرة يتعمد يقولها ويطالعني ويضحك عشان يستفزني فقررت اتجاهله بعد وتم يكررهم كثير ومب راضي ينساهم ابدااااااااا ، مرة بينت له اني زعلانة وصرخت عليه شوي وضربته على فمه وقلت ليه يألمك فمك صح ، لأنك ماتسمع الكلام وقلت كلمة مب حلوة وآنة منبهتنك انها خطأ وماااااافي فايدة يتعمد يقول الكلمات لا نافع التجاهل ولا النصيحة ولا الضرب :badly:

أم هادي 10;13797707:
عن نفسي إذا قال كلمة ما عجبتني والا سوى حركة قرعة (مثل هالأطفال اللي يتفوا:|) أسكت عنه، ولا أرد عليه، ولا أعلق، عشان لا يحس إنه قال شي يلفت الإنتباه، ويضل يعيد ويكرر فيه.

لأني لو عصبت عليه بيضل يعاند زيادة ويعيد في الكلام اللي قاله، وبيركز في مخه أكثر، وبتعجبه السالفة، وكل ما عصبت عليه والا زعلته بيسوي الشي اللي ما أرضاه وبيقول الكلمة اللي منعته منها.

"فأسلوب التطنيش هو أحسن حل بالنسبة ليي":thumbs_up:

اسلوب مفيد جدا في هذا الموقف بس جربته وما نفع للأسف ، شكرا لمرورك الحلو ام هادي F:

كلي تفاؤل وأمل;13797903:
بصراحه انا عن نفسي اقول ان اللفظ هذا غلط ومو زين وعشان الناس يحبونك لازم تكون الفاظك حلوة
بس لو كررها يمكن اضرب

شكرا لمرورك وعرض تجربتك للافادة ، للأسف سويت نفس الشي ما نفع ويا ولدي :thumbs_down:

الغائبه .. الحاضره;13797927:
بما ان بنتي بعيد عن الاطفال ..,, الحمدلله الى الان ماشفتها قالت شي سئ ..,,


بس لو قالت شي طبعا بحاول احرمها من شي تحبه ..,,

تسلمي بوح عالمواضيع الجميله ..,,

تسلمي مرورك هو الأجمل F:

للرفع

فديتك عيونك بوح
انا موجوده

بالنسبه للكلمات السيئه بنتي عندها كلمه ترددها دايم هي مو سيئه كثير بس ماحبيتها مع انها تكررها بس انا دايم اهاوشها واقولها عيب بس ماهي فاهمه شي

وخاصه اذا عصبت مني اول ماتقول هالكلمه
وان شاء الله مع الوقت تنساها لانها الحين توها صغيره ماينفع معاها العقاب والثواب

سلمت يمينك على هالموضوع المفيد

.. أمــ عــلــيــ ..;13800249:
الله يعين على تربيتهم .. !!!

طريقة التطنيش يمكن مفيدة ..

او مثلاً اذا كان الطفل أقل من 3 سنوات ممكن اذا بدأ التلفظ او التصرف بشئ سئ .. حاولي لفت انتباهه لأي شي آخر .. لعبة .. أو تلفزيون .. أو عمل بسيط .. انا جربت الطريقة هذي مع ولدي والحمدلله .. نتيجتها مضموووونة على طوووووول ..

ولدي جاه فترة تعود على " البصق " ويحسبها لعبة .. طبعاً جايبها من عيال العائلة خخخ .. صار يسويها في البيت واستخدمت معاه طريقة لفت انتباهه لشئ ثاني .. والحمدلله نسى الحركة هذي ..

:)

حلووووة الفكرة بس انشالله تنجح ، ولدي مشكلته ان احب هواية الى قلبه العناد لما اقوله يمين يقول شمال وطالع ليي بطلعة اذا كلمته بحزم يقولليي : ما اكلمك وادري ابه يحب يعاند اقول ليه زين لا تكلمني يرد عليي عجل باكلمك ! !

زاجل;13800671:
اني بنتي الحمد لله ما تتلفظ بالفاظ سيئه لكن جت ايام اشوفها تتفل وانتو بكرامه
قمت احقرها واطنشها شفتها ما تابت
قمت اقول ليها عيب غلط و بتصير في بوزش دوده بعد ما فاد
بس قلت بحط في بوزها شي ما تحبه او طعمه ينرفز الاطفال وقت اللي تسوي هالحركه
اول شي حطيت ليها هيل شفتها حبته
بعدين حطيت ليها سماق وقامت تلوع جبدها وكل مره تسوي الحركه احط ليها سماق لين ما تركت الحركه

بعد زينة الفكرررة كثيير باجربها وباشوف ، شكرا لمرورك الحلو

بوح الكلمات مشكورة موضوع حلو


انا اطفالي بعدهم صغار بس عندي بنتي عمرهة سنتين واربع شهور متعلمة من الحضانة تكول كلمة يااااااااااا من تعصب يعني بالعربي ولج هاي بالعراقي انتو ماعرف شتكولولهة مرات بمكان عام فالكوريين يظلون يطالعونة ومبتسمين ماعرف يمكن لان مستغربين انة بنتي تتكلم مثلهم بس اني استحي اكولهة بس خلاص اتعلي صوتهة اكثر وتكول ياااااااااااااااااااااااااااااا خخخخخخخخ ماعرف شسويلهة بس كلمات ثانية لا الحمد لله لحد الان مافي

مشكوره بوح على الموضوع اللي صدق اتعب القلب

المصادفه البارحه اهل زوجي جاييين وعندهم بنت كأن عمرها 4 سنوات لكن لسانها صدق يبغي ليه قصاص تقول كلام واجد واجد وصخ امها تقول امتعبتنها كل ضرب امحصله والكلام سمعته من بره والحين ما يفارق لسانها غير التتفيل والضرب
لكن قعدت افكر لو علوي اقول وش بسوي فيه اللي ادري عنه الضرب ما ينفع ومو اسلوب للتربيه بالعكس بعور ايدي على الخالي
بس اللي فهمته من الخوات ان الحقران نفع وياهم

زاجل
حلوه الفكره يتراوى لي فلفل بعد ينفع اذا كان حار عاد