بنات عروس الحلووووووين
كل سنة وانتم طيبين عشان فصل الشتا :lol:
دي مناسبة خاصة جداااااااا عليا زيها زي العيد بالضبط ههههههههههه
طبعا في الشتا بينتج محصول القرنبيط كتير
وليه كذا طريقة لطبخه
والطريقة اللي هقدمها دلوقتي، قرنبيط مقلي
بنات كتير سالو عليه،، فقولت اقدمهولكم ويارب يحوز على اعجابكم ;)
بسم الله نبدأ
::المكونات::
2 قرنبيط وسط، ونقطع الزهرات كل زهرة لوحدها، ولو الزهرة كبيرة نقطعها بالطول
المهم تكون قد قبضة اليد مش كبيرة
ودي شكل الجزء الاخضر اللي قطعنا منه الزهرات
*مكونات الخلطة*
3 بيضات
3 ملاعق كبيرة مليانة دقيق ابيض
معلقة صغيرة كمون
معلقة صغيرة فلفل اسمر (نسيت احطه في الصورة)
نصف ملعقة صغيرة شطة
ملح
:: الطريقة ::
نملى حلة مية ونضيف لها معلقة صغيرة كمون ونملحها ملح مناسب للقرنبيط نفس ملح التذوق العادي
اول ما المية تغلي ننزل زهرات القرنبيط فيها
وملاحظة مهمة جدااااا
الزهرة تكون فوق والقمع يكون تحت، لان القمع بياخد وقت في التسوية
لكن الزهرة نفسها بتستوي بسرعة
وتكون كده بالشكل ده، واغطي الحلة بس افتح الغطا شوية عشان ما يفور وتتكب المية
بعد حوالي 3 دقايق، اغرز الشوكة في القمع اللي تحت
واشوفها لو غرزت يبقى استوت اشيلها في مصفة
اسيبها تبرد شوية واجهز الخلطة
في طبق اخلط الدقيق بالمية لحد ما تكون زي البشاميل يعني كريمي بس تقيل
واخفق البيض بالفلفل الاسمر والكمون والشطة والملح
واضيفه على الدقيق والبقدونس
ونقلب كويس واحاول اضبط الملح طبعا
اغمس زهرات القرنبيط في الخلطة ، بحيث انزلها على جمبها واقلبها بعدين امسك القمع واسيبها ربع دقيقة تصفى من الخلطة او لحد ما يكون مفيش خيوط كده
وانزله في زيت غزير حامي واقليه على نار متوسطة
ولما انزله يكون الراس تحت والقمع فوق، ولما تتحمر الراس كويس اميل القرنبيط على الجنب وكل شوية اقلب على جنب لحد ما كله يتقلى عشان ما يكون فيه طعم البيض ويتحمر حلو
واطلعه على ورق يشرب الزيت
ويكون ده شكله النهائي
وده التحمير من الجناب، هو تحميره مش غامق كده بس التصوير بقى
وده كان غدانا كله في اليوم ده :D
قرنبيط مقلي طبعا
وبذنجان مقلي، وفلافل مقلية
وسلطة قرنبيط بعشقها جداااااااااااااا
::سلطة القرنبيط::
ناخذ الزهرات الصغيرة اللي نزلت في السلق، او ناخد زهرتين كبار
ونقطعم صغير جدااااااااااا زي ما انتو شايفين في الصورة
نعمل سلطة طحينة عادية
طحينة + عصير ليمون + معلقة خل + ملح + فص ثوم + كمون + فلفل اخضر + شطة + ماء
ونعمل سلطة طحينة عادية ونصبها على القرنبيط وتهرسي شوية بالشوكة
وصبي على الوش زيت وزودي اللمون شوية بس مش قوي
على فكرة سعات بعملها من غير طحينة
يعني اقطعها واضغط عليها بالشوكة بعد ما ارش كمون وشطة واعصر لمون وشوية زيت
بجد مش باشبع منها باحبها اكتر من المقلي
ان شاء الله تجربوها جميلة قوووووي والله :L:
وشكرا ليكم جميعا على التقييم ;) :D F:
