سأكون من الشاكرين...؟!

هلا حبوبة
في البداية مبروك
والله يخليكم لبعض يارب

بخصوص التزين وكل شي
اول شي لازم تاخذين قرار بخصوص المخطط
يعني هل تبين تحتفلين برع البيت مثلا في مطعم او على البحر ؟
او تبين تحتفلين بالبيت ؟
او تبين الاثنين ؟

اذا تبين تحتفلين في مطعم
تقدرين تحجزين طاولة في المطعم اللي تبينه
وتتفقين معاهم على تزين الطاولة لج علشان عندج مناسبة
وتحجزين من عندهم كيك او تطلبين كيك من برع
واطرشين دعوة حق زوجج على الشغل بانه مدعو حق عشا
ومن طرف شخص غالي وخاص واتخلينه اييي ويكون متفاجئ
طبعا لازم اتكونين موجوده هناك قبله علشان اتفاجئينه

واذا تبين تحتفلين على البحر
طبعا تاخذين معاج الاغراض اللي تحتاجينها
مثل الاكل وبعض من الذكريات الحلوة اللي محتفظه فيهم
واتروحين وتقعدون على البحر بهالجو الرااااااااائع
وتستمتعون بوقتكم

واذا تبين تحتفلين بالبيت
طبعا اول شي زيني غرفة نومكم
بالورود الحمره وبالشموع الحلوة وبالذكريات القيمة
وتقدرين اتغيرين فراش السرير واتخلينه احمر
وتقدرين تطبخين له احلى طبخه يحبها
او تطلبين عشا من برع من المطعم اللي يحبه
وطبعا العشا يكون بضوء ونور الشموع علشان يكون الجو رومنسي
ولا تنسين اتحطين موسيقى هادئة او اغاني رومنسية هادئة
علشان يزيد من رومنسية المناسبة واليوم

وطبعا لا تنسين تشترين له هدية حق هالمناسبة
واشتري له هدية قيمة وغلفيها بأحلى تغليف
لان التغليف يجذب الانظار اكثر واكثر

وفي الاخير وليس آخر لاتنسين تلبسين احلى لبس لهاذي المناسبة
اشتري لج احلى لبس ناعم وراقي وسوي شعرج وحطي لج ميك آب ناعم
وصيري مره ثانية في عيونه كالعروس ورجعي الذكريات الحلوة اللي ما بينكم

وان شاء الله قدرت افيدج يا الغلا
واذا بقيتي اي شي لا تترددين
وان شاء الله الكل بيساعدج
والله يهنيكم دوم ويسعدكم
والله يعطيج العافية

يزاااج الله ألف ألف خير خيتو

ربي يسعدج ويوفقج

فديتج لا شكر على واجب
والله يسهل عليج كل شي
والله يعطيج العافية

انا اسفه ماعرف بس برفع لج الموضوع يشموووه

مشكوووورة أختي :: الروح الخجووولة ::

باااااااااااانتظآآآآآآآآآآآركــــــــــمــ .............؟؟!