مجبوس لحم كويتي وبالصور... من نونو ... حيااااااكم

هاااااااااااااااااااااي بنوتات اليوم يايبتلكم مجبوس لحم عمايل ايديا ....
كويتي 100% وانشالله يعجبكم...
طبعا ماراح اكثر حجي واحط مقادير وسوالف لأنمن الطبخ بتعرفون المقادير انشالله...
بسم الله نبدي ...
1- تغسلين اللحم عدل عدل وتحطينه بمصفاة عشان ينزل الماي منه ...
2- تنقعين العيش بعد ما تغسلينه اربع الى ست غسلات او لمن تشوفين الماي صفى وتحسين العيش صار نظيف ... وترشين عليه شوية ملح ((واهو منقع طبعا)) وملعقة خل أبيض ...
3- تنقعين نخي بماي حار وملح وتغطينه وتخلينه على صوب ...
4- تقصين بصل ... وثوم ...
تحتاجين ...
1- حق اللحم ...بس الثوم انا ما ادقه أقصه نصين أو أرباع
2- حق الحشو... والثوم لازم مدقوق
يعني لمن تقصين عشان تزهبين حق الاثنين مره وحده ...
...........
ألحين نييب جدر ونحط فيه اللحم ونقلب لمن يطلع مايه ((الزفر)) ... ونكته تالي نحط شوية دهن ... او سمنه وانا أحط سمنه لاني افضلها ((أستخدم سمن مازولا وااااااااااااااااو))


واقلب اللحم تالي أحط البصل




والثوم اللي مقطعته نصين او ارباع (( المهم ما يكون مفروم او مدقوق))<<< وااااااااو وتعالي شمي الريحة اتهبل عجييييييييبه ...


تالي انقلب اللحم مع البصل والثوم وبعدين نحط البهارات الصحيحه والبهارات الناعمه
الناعمه ...((كمون , كزبرة , دارسين , كركم , فلفل أسود , بهارات مشكله ويفضل بهارات خاصة بالبرياني بس ماتكون صفره اللي تيي بنيه هذي واااااااااايد حلوه))




ونقلب باللحم ... تالي نحط ماي لمن نغرق اللحم ونقلب ربع قلبه تالي نحط البهارات الصحيحه قبل ما نسكر الجدر ....
الصحيحة ... ((نفس البهارات الناعمه بس تكون حب ... وزيادة عليها مسمار , ورق غار , روز ماري, ليمون سحاري وحده , أعواد دارسين))


ونخليه يطبخ ساعة ونص في ناس يخلونه ساعة بس انا أخليه ساعه ونص ...


تالي أشيل الغطى وارش ملعقتين ملح وأسكر الغطى وأخليه نص ساعة او اللي تبي ساعة عشان ينظى عدل عدل ...
.......
ألحين بحمد الله سبحانه استوى اللحم عندي أشيله واحطه بالمشخال


وأشيل مايه لاني بحتاجه حق العيش وحق الحشو وحق اللحم بعد لمن بدخله الفرن (( وتكون اخر طبخه للحم))
....
اهني اكون مصفيه العيش من ماي النقع وأغسله أخر غسله عشان أطيح منه الملح والخل...


ونفس الجدر اللي طبخت فيه اللحم ...أرده عالنار وأحط ملعقه كبيره زيت او سمنه (( وقتلكم انااحب السمنه ... يمي يمي يمي))
وأحط العيش وأقلب فيه عالخفيف عشان ما يتكسر ...
تالي أكون طبعا مصفيه الماي اللحم من البهارات الصحيحة ... وأصب عالعيش وأخليه أعلى من العيش بقياس 2سم
وأحط ليمون سحاري وحده ,,, وأخليه يطبخ شوي يعني لمن ينشف الماي وينزل والعيش يصعد تقصرين عالنار عالأخر وتحطين حديده وتخلينه تعالي بعد 20 دقيقه بتشوفين العيش يهبل


وطعمه ولا اروع ... خليه لي وقت النجاب ...
.........
نحط اللحم بصينية الفرن ونرش فوقه كركم وشوية دارسين وماي من اللي تبقى من ماي اللحم بس مو كله لان راح أحتاج حق الحشو بعد ... وأحطه بالفرن لمن يشرب الماي وخذا اللون...


ومن قبل طبعا احنا مزهبين ثوم مدقوق وبصل مقطع ونخي منقع بماي حار ...وللي يحب يحط كشمش يحط بس قبل يكون منقعه عشان ينتفخ ...
طبعا في ناس تفوح النخي انا لأ ...
طريقتي أحط البصل أشوح لمن ينشف مايه تالي احط فوقه النخي المنقوع وأحط الثوم وماي اللحم وأغطيه واخليه يطبخ ... بس ما اكثر ماي طبعا ...أنطرلمن يخف الماي شوي تالي احط سمنه او زيت والثوم ورشة كركم وشوية دارسين وملح وأقلب فيه واخليه مكشف ما اغطيه بس أحط تحته حديده وأقصر عالنار ...
وهذا شكله بعد ما استوى ...




وهذا بعد النجاب


وانشالله ما نسيت شي لاني قعد اكتب بسرعة بسرعة ... وما ننسى الدقوووووووووووووس والمعبوووووووووج
وبالهنا والشفا....
وسامحوني عالقصور...:o:o:o