الوحآم وما ادراك ما الوحآم ,’

بس من دخلت الشهر الثاني كرهت الاكل وبشكل خاص اللحوم يعني لالحم ولا دجاج ولا سمك ولا حتى ربيان

ولين اكل هالاشياء بالغلط تلوع جبدي بشكل غير طبيعي حتى ما اقدر اقعد مكاني ولا اقدر ارجع اقوم ازوع روحي بالغص

وساعات احب اكل الحار

اما عن نفسي تو ببداية حملي يعني بس 7 اسابيع صار لي

وآآآآآآآآآآآآآآآآآآآآآآآآآه لو تشوفين

بالبداية توحمت على اكل الحار اول يومين من الاسبوع الثالث

وبعدها خلاص ما احب اكل ولا شي وكله منسدحه ومن اقوم تجي اللوعه اللي الله لايوريك

ولحد يومي هذا وانا على هالحال ما احب اشوف الاكل وكله استفراغ وكل يوم بالتخصصي يحطون مغذي وارجع البيت

ادعي لي الله يحفف علي تكفيييين

اما بالنسبة للأكل الحار واللي هو موضوعج الرئيسي طبيا يقولون ان الحار يؤثر على المعده وخصوصا عند الحامل لانه اولردي تكون مضغوطه من الحمل

والعصاره ترتفع فوق والحار يزيد هالشي فابتعدي شوي عنه

اما عن شخصية الطفل انا زوجة اخوي توحمت عالحار ولدها طلع شعره كثيف عكس اللي قلتيه والحين كبر ومسكين هادئ

فأحس ماياثر بالشخصيه والله اعلم

اتمنى افدتج

الله يتمم عليج