برجر صحي وبالبيت

السلام عليكم
جيت لكم اليوم بشي كل الاطفال و الكبار يحبونه
((البرجر))
ناخده من بره و لا ندري شنو مكوناته بس اليوم بقول لكم طريقتي في عمل البرجر في البيت وبطريقه سهله وصحيه

اول شي المقادير:

نص كيلو لحم او دجاج فيليه خالي من العظم والجلد
1 كوب بقسمات
نص كوب بصل
نص كوب طماطم
فصين ثوم
ملح + فلفل اسود

نجي للطريقه:

تفرمين اللحم في المفرمه ثم تضيفين عليه الطماطم والبصل و الثوم وتواصلي الفرم

تسكبين الخليط اللي تكون في اناء وتضيفي عليه الملح و افلفل و البقسمات وتعجني الى ان يتماسك

تقدري تشكلي البرجر بالحجم اللي يعجبك

برجر اللحم عادة ما يحتاج الى زيت في الطبخ بس برجر الدجاج يحتاج مسحة خفيفه زيت حتى ما يلصق

وتقدري تستخدمي شواية الكهربا وتعطي نتيجة حلوة بس على النار اسرع

وبالهنا و العافيه
اتمنى يعجبكم