صباكم // مسائكم عسل
طبعا انا هاذي اول مشاركة لي بهالقسم وان شاء لله مو اخر مشاركة ..
انا اليوم ان شاء لله بوريكم طريقتي في عمل البسبوسة وهي اختي الله يحفظها ويهدي ذريتها اللي علمتني عليها
يلاه بسم الله نبدأ
مشالله لا حوة ولا قوة الا بالله
اول شي المقادير ( المعيار عندي هو علبة روب < الزبادي > )
1 كوب سكر - 1 كوب جوز الهند - 1 كوب سميد- ملعقة فانيلا - 1 علبة قشطة واذا مو متوفرة قشطة علبة زبادي - 1كوب زيت - 3 بيضات-ملعقة هيل - شوية زعفران
حسب الرغبة = مكسرات انا هني استعملة الوز والفستق ممكن تخلطينه مع المقادير او تزينينه من فوق ولج حرية استخدام اي نوع مكسرات
انا اضيف المقادير على خطوات وهي ما تفرق اي شي بس انا هاذي طريقتي :D
1- البيض - الزعفران- السكر- الهيل -ماء الورد-الفانيلا
2- السميد - جوز الهند
3- الزبادي - الزيت - المكسرات
وهني الخليط وهو ينخلط
وهني طبعا لج الخيار
اذا بتحطينه في قالب كبير تدهنين الصينيه
واذا مثل انا هني ما احط زيت بس الورق واصب الخليط
وانا احس الاغلبية تحبها بهذي الطريقة ومايحبونها قالب كبير
طبعا نكون قبل شغلنا الفرن على 180 درجة
وهني بعد ما طلعتها من الفرن
تفضلو بالعافية على قلوبكم :)
مشالله لا حوة ولا قوة الا بالله
طبعا اللي يميز هالبسبوسة هو الهيل والزعفران والمكسرات
اتمنى ان الطبق يحوز على اعجابكم ورضاكم
واي سوال انا حاظر ,, واللي بتقيمني جزاها الله الف خير
وابي منكم دعوه في ظهر الغيب انه ربي يوفقني ويرزقني من اوسع ابوابه
F: F: F: