ضربني ز انكر كل شي

بسم الله الرحمن الرحيم
ااااااااااااااااه من الالم والعذاب و الله انا اكتب ودموعي .... خلوها على الله
اكثر من مرة كتبت عن زوجي ومشاكلنا و اخر مرة قلت اني حاسة بنار بس موقادرة اتكلم
اليوم خلاص .... انفجرت وقررت انفصل
من 11 شهر انا وزوجي في مشاكل ... بعد ولادة ولدي الاول ... و لنا سنة و 9 شهور متزوجين
امس رحت اودع اخوي المسافر رجعت البيت فتح لي الباب سلمت عليه ورد السلام
دخلت الغرفة وحطيت ولدي على السرير الا وهو داخل ويصارخ شنو سويتي للولد من وراي و انا مستغربة واسال شنو صاير ... مو فاهمة .... اشرح لي ....و هو ما يكرر غير شنو سويتي للولد من وراي ... وانا اقول ما سويت شي
بعد حوالي دقيقتين صراخ قال لي وديته الطبيب من وراي
تذكرت قبل شهر كان تعبان وايد وكنت في بيت اهلى قامت امي ودته الطبيب .... وقلت له ايوا وديته بس خليني اشرح لك اللي صار .... قام وضربني في وجهي وفي ايدي .....
قلت له انت تضربني قام وقف ... وبعدها قال لي شنو سويتي بعد اعترفي .... وانا اقول له والله ما اذكر اني سويت شي .... قام قال لي الفلوس اللي اعطيتك اياها عشان اقساط السيارة وين قلت له دفعتها كلها لامي (لان انا ماخذة سيارة على حساب امي في البنك بس انا ادفع الفلوس ... لان هي حسابها قديم في البنك وانا حسابي كان جديد) المهم قال لي ما وديتيها قلت له اتصل فيها واسألها وجبت له الموبايل قام دزني على الارض بقوة ... وصارخ وقال لي حياتي معاك جحيم ومشاكل... قلت له انا اسفة وانا غلطانة اني وديت الولد من غير ما اقول لك بس والله كان تعبان
اصلا السبب هو اني من زمان مافي بينا حوار كل واحد عايش بغرفة لوحده ... وكل واحد ياكل لوحده .... انا اروح اودي ولدي الحضانة و اروح الدوام واجيب ولدي وارجع البيت ... ما اروح مكان بالدنيا غير بيت اهلي ... ما اكلم حد غير اهلى ... وبعد هذا كله موراضي
يشهد الله اني ما قصرت معاه في شي
اغسل الملابس ...يقول لي لاتغسليها
اكويها ...لا تكوي
اطبخ ... لا تسوي لي اي شي
اصحى من النوم اروح الحمام ....يقول ما ابي اشوفك الصبح .... واذا ما لقى ملابسه جاهزة يتهاوش معاي واذا لقاها جاهزة يقول لي انا قلت لك لاتسوي لي شي ... اقول طيب انت امس قلت العكس قال لي عارف .. انا بس عشان غصبا عنك تكونين مقصرة معاي وتخلين الشغل
وبعد هذا كله بخيييييييييييييييييييييييييييييل ... طول الفترة اللي قبل ما اشتغل فيها ما كان يعطيني غير 750 درهم اقساط السيارة ... وحتى لما اطلب منه اغراض للولد ... يقول لي ما عنده فلوس ... وهو عارف ان الفلوس انا بايدي اطلعها من جيب القميص و احطها في قميص جديد
اخر شي منعني من الشغل
لميت اغراضي ... ما خف وزنه وغلا ثمنه ... وشلت اغراض ولدي ورحت بيت اهلي
...وجا البيت واتكلم مع ابوي وقال له انا ابي ولدي هي اذا تبي ترجع خليها تجي ما بكلمها ابدا ... ويوم الجمعة بنسافر نهائيا برا الامارات ... بدور شغل في مكان ثاني ( لان نحنا اصلا مقيمين في الامارات من 25 سنة ) المهم ابوي اتكلم و امي اتكلمت و في النهاية
نكر ان هو رفع ايده على .. ونكر كل شي ... وابوي شو سوا
رجعني له مة ثانية
تخيلو بس
رجعت البيت وولدي يصيح يبي يرضع عشان ينام ما رضى يعطيني ارضعه ولا اغير الحفاظ ....قاعدة ساعة احاول معاه والولد يصيح ... في الاخر رضى ... وبعد ما رضع ونام جا وخذاه مني وما خلاني انام معاهم في الغرفة وانا عارفة ان ولدي يصحى نص الليل يرضع شوي ويكمل النومة وقلت له ... قال لي خليه ... اصلا لا ترضيعنه مرة ثانية موليه... خليته لما نام وقمت شلت الولد نيمته معاي وصلاه الفجر رجعته جنب ابوه ....
قام من النوم جا فتح النور وقال لي مرة ثانية ثيابي تكون جاهزة ... ولما ارجع يكون ملابس السفر جاهزة .. قلت له انا مومقتنعة بفكرة السفر ... قال لي بكيفك انا وولدي بنسافر الجمعة
والحين وديت ولدي الحضانة واتصلت بابوي وقلت له بنفصل عنه نهائيا
قال لي اصبري لما ابوه يجي من السعودية ونحنا ننهي الموضوع نهائيا... الله يصبرني ....

شفتو ليش احس بغصة وبنار تحرقني