رأيكم ايش احسن (محاسبة او نظم معلومات إدارية او تمويل ) ؟؟

السلاااااااااام عليكم

انا في سنة تخصص ومحتارة بين دي التلاتة تخصصات بقووة والله تهت شوية اقول ابى دا وشوية اقول ابى دا ..

ولمن كتبت دا الموضوع في منتدى االجامعة قالولي نظم معلومات واقريت عليها لكن ماما مررا مو راااضية تقول محاسبة احسن يابنتي لااحد يحبطك هما يقولولك كدا عشان يبو يتخصصو محاسبة ويكونو من الاولوية ويبو يمهدو لنفسهم الجوو

معرووفة المحاسبة تخصص علمي ولاكن النظم باين عليه من اسمو ادبي ..

ولمن اجي اكلم طلاب الجامعة يقولو التخصص في جدة لسة جديد نازل ومطلووب وشهادتو معترف بيها

واحلى شي فيلو انو حاسب وانا احبب الحاسب لكن يدرس حاسب واداري بنفس الوقت ..

والله تهت تهت تهت اما التمويل زي المحاسبة بس التمويل اجدد ..

ابى رأيكم الله يخليكم ايش احسنننن ؟؟


التمويل ونظم دي السنىة فتح لكن المحاسبة قدييم جدا ومعروف اسمياً انو لو مستقبل ..


برتاح على رأي واحد وقرار واحد ..

واذا بتسألو عن ميولي اميل للحاسب اكتر لكن اسم التخصص مو عاجبني (نظم معلومات) طويل والي يسمعو يحسبو حق مكاتب ..و انا علاماتي في الحاسب ممتاز .. بس والله قهر مايخلو الادبي يتخصصو حاسب مدري لييش مع انو احنا درسنا في الثانوية نفس الي درسوه العلمي ليش التفرقة مااعرف ..

اما المحاسبة الي هو الرياضيات والاحصاء جيب فيهم (90 في الرياضيات مع مدرسة خاصة و 86 في الاحصاء من غير مدرسة)

اما التمويل فهو تخصص جدييييد ومو عارفة ايش يدرس ..


ايــــــــــــــــــــش آرااائــــــــــــــكم ؟؟