أصرخ في داخلي ........ :(

السلام عليكم ورحمة الله وبركاته


اختي المشرفة شريفة مشكلتي حساسة وخطيرة :( بالنسبة لي وهي انعدام احساسي تجاه زوجي أكره يلمسني ويجامعني :'( ،، في اسباب ادت لهالشي وهو اني من الشهر التاسع ييت بيت اهلي بطلب منه عشان قربت ولادتي وعشان اريح واجهز اغراضي حق الولادة وبعد ما ولدت قام يسوي صيانة في شقتنا ولا قدرت ارد والحين طاف 5 شهور وانه في بيت ابوي ولحد الآن ما رجعت بيتي بسبب ان المكان للحين ما جهز وهو ما عنده وكت يجهزه على طول مشغول ،، الحين راح الكثير وما بقى غير سبوع سبوعين وارد بيتي مع زوجي وبنتي وأنه خايفة من اني انكشف اهو طول هالفترة اذا يبي اينام معاي اتحجج له بأن المكان غير مناسب ولا النفسية مناسبة عشان انام مع بعض وهو فعلاً هذا السبب لأن احنه قاعدين في بيت أهلي ودايم اتهرب منه وساعات ما اقدر اتهرب منه وانام وياه وانه في داخلي كارهة هالشي ولايعة جبدي :'( وثانياً افكر في بنتي حتى في هالوكت احس انه ياخذني منها :'( وبعد ما انام وياه وانه اجامله بالغصب يكتشف ويقولي انتي ما عندج احساس :'( ويحس بالغضب وخيبة الامل وساعات يجرحني بكلام قاسي على هالموضوع ،، وانه افهمه ان المكان والنفسية اهي اللي خلتني جذي وان الين رجعنا بيتنا كلشي بيتغير للأحسن وانه خايفة اني اظل على هالحال حتى بعد ما ارجع واللي مخوفني ان زوجي قام يلمح لي بطريق المزاح انه بيتزوج :'( حتى لو ما سواها اخاف يكرهني مادري شنو اسوي احس ان قلبي واحساسي كل منصب على بنتي خصوصا ان ربي رزقني اياها بعد طول انتظار


اتمنى القى حل ومسامحة طولت عليج