طـحت من عيون أبوي بليز ساعدوني ...

احس بالحقاره واحس نفسي حقيره و ما استاهل اني اعيش ..
انا احب اصور نفسي مو علشان شي بس احب اني اتصور ولاني ما اقدر اروح استيديوهات وهالاماكن اصور نفسي بالتلفون وانزل الصور على الجهاز وكنت اصور كل التغييرات الي تصير فيني وكل شئ
وكنت احب شخص يدرس معي في نفس الجامعه ... من دخلت الجامعه وهو مو مقصر معي بشئ وكل مره احتاجه الاقيه احسه فعلا يحبني لان سمعته واجد طيبه والي يعرفه ويعرف اهله ما يتكلم عنه الا بكل خير وهو بالشهاده شخص شريف وطيب وما غلط معي بس بالعكس كان ينبهني ويحافظ علي وما يرضى احد يغلط معي او اني اغلط او اتهور باي حركه ... جرحته كثير بس هو ظل يحافظ على مصلحتي ويصبر علي لما حبيته وعشقته وبعد فتره الي معي حسوا بعلاقتي معاه وظلوا يتناقلون كلام ويطلعون اشاعات عنا وهو لما حس بالموقف كان يبي يتقدم لي بس حالته الماديه ما تسمح لانه للحين يدرس وكان يحاول بكل الطرق انه يجمع فلوس علشان يخطبني وكلمت امي واختي عنه بس وماقلت لابوي او اي احد ثاني ومهما كان يقول لي ما يعجبني وما ارضى وما ابغي وكنت احرجه واقول له ان هالمبالغ ما تكفيني والافضل تنتظر لما نتخرج احسن
كان يترجاني اني اوافق بس كنت ما ارضى وما ابغي استعجل وكنت اتمنى زوج اكبر منه ومستقر ماديا اكثر منه ..

بعد فتره غلطت غلطه فظيعه لما طرشت بعض الصور على جهازه ما كنت اتوقع نتائج هالشي ..
ابوي فتح جهازي وشاف الصور ... وانجن وخاصه انه ما مرت سنه على طلاقه من امي وظل معصب مني واخذني معاه في السياره وظل يستجوبني وانا كنت خايفه منه حدي وقلت له اني طرشت الصور للشخص الي احبه الي معي في الجامعه بدون ما يكون عندي حتى الجرأه علشان اشوف عيونه ...:-o 8o| :mad:
وما يحتاج اتكلم عن الي صار بعدين فيه ...:mad::mad:
وحلفته انه ما يقول لامي او لاي احد من عمومي وقلت له اني بمسح الصور وخلاص وقال لي شنو بتستفيدين اذا هالصبي وزع صورج والله اقتلج وقلت له اني اعرفه واثق فيه وهو ما يسويها قال لي عيل ليش للحين ما خطبج قلت له انه كان يبي بس ما يقدر ولو اطلب منه يجي يخطبني راح يجي وطبعا ما صدقني وطردني من السياره وهو معصب واعصابه منهاره:mad: وانا اول مره في حياتي كلها 21 سنه ما شفته يتصرف معي كذا ... خفت كثير منه وخفت اكثر ان امي تعرف بالموضوع وخاصه انها مريضه وما تتحمل .. اتصلت له وانا ابكي وقلت له عن الي صار ... بس قال لي انه ما يقدر يجي يخطبني لان ما عنده فلوس كفايه والي كانوا معاه صرفهم وما ظل معه شي وما يقدر يسوي لي اي شئ


وفي نفس اليوم اتصلت فيني وحده من اهلنا تبي تخطبني حق اخوها وانا قلت لها وقلبي متحطم عطوني فرصه افكر على الاقل اسبوع ....

وانا من هذاك اليوم مو طايقه آكل او أشرب او ادرس او حتى اتحرك انا فعلا حبيت زميلي في الجامعه من اعماق كياني وخايفه اني انفضح وخايفه اني اكون غلطت ووثقت فيه وهو مو قد الثقه واحبه وما اعرف شنو اقول
مدري شنو اسوي وخايفه من ابوي ومن كلامه ومتألمه لاني حسيت اني خنت ثقته





..........