زوجى وامة هيخربوا بيتى محتاجة ردكم (التطورات ص2)

انا متزوجة منذ 7 شهور ومنذ زواجى اتضح لى ان زوجى شخصية شكاكة جدااا فدائما يشك بى وبكلامى ودائما يكذبنى فى كلمة اقولها حتى فى اتفة الاشياء وعندما اشتكيت لاختة قالتلى ان ذلك طبعة وانا تعبت من طريقتة دى بلاضافة انة دكتاتورى جدا وعنيد ودائما يصمم على راية حتى لو فى شىء يخص سيدة البيت مثل المطبخ فى احدى غالايام كنت عاملة عزومة لاهلة فجاء لى بالمطبخ وقالى قدمى البيبسى قبل العصير فتعجبت بصراحة ولكنى لا اضع فى بالى فقدمت العصير قبل البيسبسى فقالى امام اهلة انتى بتتحدينى واتعصب بشكل غير طبيعى لم اصدق نفسى انى متزوجة شخص بذلك العقل الطفولى وكثير من المواقف التافهة التى يعمل منها مشاكل دون سبب فهو شخص بطبيعتة نكدى بلاضافة الى انة يحب يخلق مشاكل معايا من غير اى سبب انا بجد تعبت من عصبيتة كل يوم يسمع الجيران صوتة من غير سبب اضافة الى انة طلب منى قبل الزواج ان لا اعمل وانا وافقت وبعد الجواز فو جئت انة عايزنى اصرف على نفسى طيب منين عايزنى اصرف على نفسى من ورثى الى سايبهولى والدى الله يرحمة هل دة ينفع قلتلة انزل اشتغل واساعدك قالى لا ودة طبعا لانة شكاك ميقدرش لاكن عايزنى اصرف على نفسى وانا قاعدة فى البيت :| بلاضافة الى انة ابن امة مامتة بتتحكم فية وبتدخل فى كل حاجة فى البيت دة حتى حاجات المنزل من اكل وشرب هى الى بتجبها وبتحاسب زوجى ولو اعترضت على حاجة من الى بتجبها يتخانق معايا ويقولى ماما اكتر خبرة منك ياعنى مامتة بتاكلنى على مزاجها على الرغم انها ساكنة فى مكان بعيد عنى الا نها بتدخل فى كل حاجة تخصنى بلاضافة الى تدخلها فى المشاكل :'( ودة من خلال التقرير اليومى الى بيدهولها عن حياتنا من خلال التليفون وفى المشاكل بتسلطة علية انة يطردنى من البيت وانا مطرودة للمرة التانية دلوقتى بقالى شهر فى بيت اهلى لاسال علية ولا اتصل وانا مش عارفة نيتة اية من ناحيتى المرة الاولى الى طردنى فيها اهلى رجعونى كنت لسة مكملتش 3 اشهر ودى المرة التانية وكان سببها انى قلتلة نفسى اشوف ماما ممكن تودينى عندها راح قالى هوديكى واخوكى يجيبك وانا مقدرش احكم على اخوية رحت قلتلة اخوية مش راضى راح قالى لمى هدومك وانا هاوديكى عشان هتعدى هناك عالطول :hysterical: ساعتها اتصدمت وراح طردنى بجد كان رد فعل عنيف اوى وفى كمان حاجة عايزة اقولها لما بتعب بيقولى روحى عند مامتك مدام تعبانة ياعنى مرة جاتلى شوية برد انفلونزا عادية راح قالى مدام انتى تعبانة هاوديكى عند مامتك مع انى كنت ساعتها عملة الاكل ومنظفة البيت بجد انا استغربت جدااا من موقفة دة دة انا لو بموت المفروض انت توقف جنبى المهم يا جماعة انا دلوقتى بقالى شهر عند اهلى ومشعارفة اعمل اية ومش عايزة اهلى يتصلوا عشان كرامتى الى داس عليها هو ومامتة ارجوكم انا محتاجة ردكم جدااااااااااااااااا الطلاق ام الرجوع مع انى خايفة من الطلاق لاكن واضح ان مافيش حل غيرة:confused: