طريقتي في أزالة شـعر المنـطقة الحـساسة..!

هاااااااااي يا بنات

أحب أبـشركم إني و أخيـرا تشجعت و شلت شعر المنطقة الحساسة بالشيرة

رغم اني كنت رافضه رفض تاااام اني اشيلها فيه وكنت خايفة حدي ان يألمني

و ظليت اشيل المنطقة الحساسة كل بالكريم للين ما جاني يوم من جد لقيت

نفسي طفشانه ما عندي شي اسوويه ضرب بدماغي اني اقوم اشيل شعر هالمنطقة

ومن جذي قمت وجهزت العدة وكل شي وقلبي من قلب كان يرقع لان خطوة كنت خايفة منها

من زمان اول شي سميت بالرحمن وفردت الشيرة وشدت المنطقة وغمضت عيني

لان انا من النوع الا ما يهون علي اني اوجع نفسي فشديت وكانت الصدمة ان ما عورني

صار شكلي جذي:biggrin: مو مصدقة ان ما ألمني وجيكت مرة ثانية ونفس الشي ما آلمني

واااااااااو هني تحمست وظليت اشيل المنطقة بس طبعا ما قدرت اشيلها كلها تعبت فكملتها

يوم ثاني


بس اللي احب اقوله لكل بنت لا تسمعين تجارب البنات ابداً ابداً لان انا صراحة صديقاتي

والبنات صوروا لي الألم كأنه نهاية العالم كأني بموت خلاص فأنصدمت يوم ان ما وجعني

غير بمكان واحد لما تبدين تنزلين تحت شوي والم كلش خفيف مو ذاك الزود يعني خلج

ريلاكس وقومي جهزي العدة وبدي اشتغلي بنفسج ولا تسمعين ابداً كلام فلانه وعلانه


واحب انصح كل بنت للحين ما نزعت هالمنطقة ان بمجرد ما تزيل شعر هالمنطقة تحط زيت

زيتون مباشرة لانه يخفف ظهور الشعر ويشد المنطقة ويهدأ المنطقة من بعد أزاله المنطقة

بالحلاوة.

لان انا احين شايلة من بداية 11 الشعر كلش خفيف وناعم ومقرره استمر كل مرة على الزيت

زيتون .

ولكن انا ما زالت من المناصرين للي يقولون ان الحلاوة ترهل المنطقة لان فكروا فيها بمنطق

شي تشدينه وترجعين تتركينه يترهل بعد فترة لازم فالزيت زيتون هالشي يخفف من الترهل

ويمكن يجنبنا الترهل ;).


بسسسس هذي تجربتي كانت وحبيت اطرحها علشان افيد كل بنت:thumbs_up: