العزل لتنظيم الحمل - منتديات عروس

ف

فاطمه 86

عروس متألقة

18-11-2010 | 01:48 PM

السلام عليكم

خواتي من منكم تستخدم العزل او القذف الخارجي وبقت عليه وماحملت

انا والده من 4 شهور ونص تقريبا واستخدمت الواقي وهالشهر استخدمنا القذف الخارجي مرات الواقي بس اعصابي بتفلت ميته خوف الدوره موعدها بعدبكره واحس انها مابتجي احس اني حامل الله يستر

ماابي احمل عندي ثلاث اطفال وكلهم ورا بعض كنهم توائم

استغفر الله احس لو بطلع حامل بطيحه باي طريقه لان كلش تعبانه ومابتحمل تعب زياده مستحيل

ادعووو لي تجيني الدوره وارتاح وتوبه مااستخدم قذف خارجي مره ثانيه :'(

Q

Qtr.82

عروس مبدعة

18-11-2010 | 01:55 PM

القذف الخارجي الكامل ضمان انا مجربته ..

B

Bride Dreams

عروس مشاركة

18-11-2010 | 02:15 PM

لا تستخدمي العزل لوحده
استخدمي معاه واقي او اي وسيلة اضافية أضمن
وربي يحفظ لش صغارش

ض

ضحكة كذوووووووووبة

عروس مشرقة

18-11-2010 | 08:07 PM

ان شاء الله خير

بس حبيت اقول معلومة العزل الخارجي مضمون مية بالمية بس عن تجربة يؤدي الى مشاكل صحية للمرأة منها خلل هرموني وتكييس في المبايض مع جفاف مهبلي
لان معروف لما يحدث انزال داخلي سبحان الله له تأثير على هرمونات المرأة ويمكن سؤال الدكتورة او البحث في قوقل للتأكد

أ

أم عبدالعزيــــــز

عروس مشرقة

18-11-2010 | 08:18 PM

القذف الخارجي ليس ضمان

اختي لا تقولين هل كلام

الصغار نعمه من الله وانه

نفسج كل عيالي وره بعض

فرق بينهم سنتين الله يحفظهم

قولي الحمدلله

ف

فرحانه اني لقيتك

عروس جديدة

18-11-2010 | 11:14 PM

الله يخليهم لج انا عكسج
كنا نستخدم القذف الخارجي ومن 4 شهور نحاول على بيبي بس ما يصير وتضااايقه من زود الحجي اللي اسمعه

انا كنت ااجل على حساب دراستي يعني
الله كريم

ش

شجرة الاراك

عروس مشرقة

19-11-2010 | 12:28 AM

فاطمه 86;13714869:
السلام عليكم

خواتي من منكم تستخدم العزل او القذف الخارجي وبقت عليه وماحملت

انا والده من 4 شهور ونص تقريبا واستخدمت الواقي وهالشهر استخدمنا القذف الخارجي مرات الواقي بس اعصابي بتفلت ميته خوف الدوره موعدها بعدبكره واحس انها مابتجي احس اني حامل الله يستر

ماابي احمل عندي ثلاث اطفال وكلهم ورا بعض كنهم توائم

استغفر الله احس لو بطلع حامل بطيحه باي طريقه لان كلش تعبانه ومابتحمل تعب زياده مستحيل

ادعووو لي تجيني الدوره وارتاح وتوبه مااستخدم قذف خارجي مره ثانيه :'(

حرام الكلام الي قاعده تقولينه والله فتحت عيني على وسعهم من كلامك:woo:8o|

ناس متحسره على طفل مثلي انا وانتين تبين تطيحينه

عاذرتنش لأنه نفسيتش تعابه

بس مو لدرجة انش تتخلصين منه

وثانيا انتين للحين ما جا موعد دورتش ليش تسبقين الاحداث

انتظري شوي وعسى ان تكرهوا شيئا وهو خيرا لكم

ف

فاطمه 86

عروس متألقة

19-11-2010 | 02:33 AM

يااالله يارب ترزق كل محرومه

بس الحمل ورا بعض والتربيه صعبه ومتعبه ماتتخيلون شكثر تعب خصوصا اذا مرضوا العيال كلهم مره وحده

الحمد لله جاتني الدوره من شوي وارتحت نفسيا

كنه العيد عندي .. استغفر الله بس والله الضغط النفسي اللي اعيشه شي مو طبيعي

ا

المرأه الجذابه

عروس مبدعة

19-11-2010 | 11:00 AM

اختس قولي الحمدلله و ربي يخليلك اطفالك تاني شي القذف الخارجي مضمون 100% انا مجربته و ما صار حمل

ر

روح ريلها

عروس مبدعة

19-11-2010 | 11:46 AM

القذف الخارجي مضمون وانا مجربته بس اذا كان اكثر من مره يعني بين الجماع الاول والثاني لازم تتغسلون عن بقايا القذف ان وجدت علشان مايصير حمل

م

منوى

عروس ذهبية

19-11-2010 | 03:20 PM

خيو طريقة القذف الخارجي لمنع الحمل مو مطمونة العزلبالكندوم +القذف الخارجي = طريقة مضمونة

.

.: الحالمة :.

عروس مبدعة

19-11-2010 | 06:32 PM

أختي اذا كانت دورتك منتظمة مية بالمية استعملي هالطرقة انا استعملتها سنتين ولما صار وقت مناسب للحمل حملت بدون اي صعوبات الحمدلله

لو كانت دورتك فرضا 7 أيام حيكون أخر يوم الدورة هو اليوم رقم سبعة عدي يوم 8 . 9. 10 . لا يحصل فيهم حمل

الأيام من 11 ... 20 أيام حدوث الحمل يصير فيها قذف خارجي ثم من يوم 21 إلى قدوم الدورة يعني 9 أو 10 أيام لا يحدث فيها حمل كوني مطمنة

بس لااااااااااازم تكون الدورة منتظمة

والله يحفظلك العيال

f

fanan

عروس نشيطة

20-11-2010 | 01:21 AM

اختي انا استخدمتها من ثلاث سنوات
ولحد الان ماشيه عليها الحمدلله احسها اظمن حتى من الحبوب
اهم شي التفاهم من الطرفين ..

ف

فاطمه 86

عروس متألقة

21-11-2010 | 01:56 AM

ماادري خواتي جربت طريقة العد مثل ماذكرت الحالمه وحملت بولدي الثاني مع ان دورتي مضبوطه ماتتاخر ابدا ولا تتقدم وجربت حبوب الرضاعه وحملت عليها بالثالث .. و قريت لبنات واجد حملوا وهم على القذف الخارجي ومااقدر اجازف اخاف احمل

مافيني قوه لحمل رابع وانا اولد عمليات وكلهم ورا بعض

ابتم على الكندوم والله يقدم اللي فيه الخير ويوقفني عن العيال ست سبع عشر سنين ليما يصير خاطري في بيبي :)

ا

العيناوية

عروس ماسية

21-11-2010 | 08:57 AM

الواقي مع القذف الخارجي افضل شي .. وانا استخدمتهم ل 3سنوات ونص