محتارة فى قرارالطلاق

مش عارفة ابدا ازاى انا محتارة فى قرار الطلاق وسبب الحيرة ان معاى اولادانا :'(حكايتى طويلة جدا:o اناعمرى 27ومتزوجة من تسع سنوات اول مااتزوجت مكنش عندى خبرة فى الزواج ولاازاى اتعامل مع زوجى ونصدمت من اول يوم فى زواجى والسبب ان امى لم تعلمنى اى شئ ابدا ولاعن اى شئ ولا حتى قبل ما ازوج لم تفهمنى اى شئ حتى فى الحاجات اللى بتتغير فى الفتاةلدرجة ان اول مرة احيض فيهامكنتش عارفة اعمل اية لجات لصديقتى وقالتلى اعمل اية امى عندها حياء شديد حتى مع بنتها اصلنا خمس بنات المهم عديت الايام واتزوجت زى مابيقولى بعد قصة حب وبدات المشاكل من اول يوم لان محصلش علاقةصحيحة بينى وبين زوجى بمعنى انة تم فض غشاء البكارة فقط واستمر هذ الوضع خمس سنوات مرت كلها فيها الكثيييييييييييير من المحاولات كى تصيح العلاقة الخاصة صحيحةولكن كل مرة تيوء بالفشل وكان زوجى يقول انا السبب هو كويس مفيهوش حاجةلحد ماانا صدقت ان العيب منى لانى كنت بحس بخوف شديدوبعد خمس سنوات رايت فى المنام طريقة عملناها انا وزوجى ونجحت فجربناها فى الحقيقة ونجحت وبعد سبع شهور حملت بابنى ويعد ابنى بسنة ونصف حملت بنتى الحمد للةوانا من اول مااتزوجت وانا مع زوجى فى الغربةتحملت حاجات كتير ضرب واهانة وكمان هو بيكرة اهلى جداجداومع اننا فى الغربة وبعاد عنهم بس دايما يتكلم عنهم بطريقة وحشة انا مبرداش ارد علية علشان مش عايزة مشاكل وكمان لورديت ودافعت عنهم بيقولى جاية مع اهلك وعلى طول يقولى ياانا يااهلك وانامبعملش مع اهلة زى ما هو بيعمل ولما بتحصل اى مشكلة يطلعنى انا الغلطانةوانا لوحدى فى الغربة مليش اى حد كل كلامة انتقاد لى وبس ودايما يقولى ان مبعملش اى حاجة كويسة بس ربنا شاهد انى ياما عملت معاة حاجات كويسة انا قبل ماجيب اولاد كنت بروح المسجد احفظ القران الكريم وبعد ما حفظت سبع اجزاء فى وحدة قالتلى ان فى مدرسةطالبة معلمات قران ومش مهم المؤهل وفعلا روحت واختبرت ونجحت واشتغلت اربع سنين اول سنتين كانو بيعطونى الراتب فى ظرف كان زوجى يفتحة قبلى وياخذ الراتب كلة ويعطينى مصروف بسيط انا فى الاول كنت راضية وكنت فاكرة اننا واحد وكانت المشاكل فى هذا الوقت بسيطة كنت بعديها لحد ما حصل موقف غير كل تفكيرى والسبب ان فى الشغل فتحت حساب وطبعا كان فى بطاقة ووكانت معاة هو كان بيسحب الراتب وفى مرة كنا مسافرين فاخذت بطاقتى من غير ما اقولة وجبت شوية حاجات بمبلغ بسيط واول ما عرف اتخانق معاى وحلف على يمين طلاق انى مسحبش تانى من بطاقتى وكان حارمنى انى اكون اى صدقات حتى ميراثى اخذ نصفة ورافض يعطهولى ومع انى كنت بشتغل وباخذ راتب بس عمرى ما حسيت انا معاى فلوس عمرى ماحملتة فوق طاقتة ومكنش يرضا حتى يخلينى اكلم اهلى كنت بكلمهم من تليفون وحدة صاحبتها فى الشغل وكانت المكالمه على حسابها بس واللة بعد اصرار منها انى اتكلم كنت جدا محرجة لانى بشتغل زيها كنت لما احكى لصحبتى تقولى لما تجيبى اولاد هيتغر وصيرت وجبت اولاد وتغير بس للاسوء :'(واللة مهما حكيت عن المشاكل اللى بتحصل
المهم ان من ساعت ماخلفت وهو مهملنى مفيش لى رومنسية انا بفضل اقولة انا اللى عايزة منةحاجة ببلاش بس نفسى فى كلمة حلوة نفسى يعاملنى بما يرضى اللة خلاص مليت من المشاكل هو كل اهتمامة بابننا وكل المشاكل بتحصل بسبب ابننادايما محسسننى انى مرات ابوة مش امة على طول متهمنى بالا همال والتقصيرحاولت بشتى الطرق انى ارضية مفيش فايدة والمشكلة ان هو دايما شايف نفسة صح يحب يتحكم فى كل حاجة مش مهم عندة انا عايزة اية المهم عندة هو انانى جداواحنا مختلفين فى حاجات كتير حارمنى من صلة رحمىوبيفرق فى معاملة اولادنا عندة الولد احسن من البنت كل اهتمامة بالولدوانا وبنتى مهملنا مش عايز يكون لى راى ابدا فى اى حاجة هو قالى كدا قالى عايزاى حاجة اقولها تتنفذ من غير تفكير دايما يتهمنى بحاجات انا مبعملهاش مش عارفة اقول اية ولا اية بس بجد انا تعبت انا قلتلة يروح يتزوج ويسبنى اربى عيالى يقولى خذى بنتك وروحى بيت اهلك انا نفسيتى تعبانى جدا حاولت اطنش بس معرفتش انا من كتر البكى نظرى ضعف تعبت من الانسان دةبجد الحياة بينا بقيت مستحيلة وربنا يعلم انى بحاول اعاملة بما يرضى اللة بس مفيش اى حاجة عجباة وانا شكلى كويس ومهتمةبية بنفسى وباولادى وبيتى زهقت كل يوم مشاكل مشاكل ولساعات بتكون اسباب تافهه انا بفكر بالطلاق بس ابنى نقطة ضعفى
اعمل اية محتارة محتارة :'(:'(:'(:'(ياريت تفيدونى وسامحونى على الاطالة