السلام عليكم ورحمة الله وبركاته
كل عام وأنتي بخير ..... بصراحه قبل لاأكتب مشكلتي نطرت شوي ليما هديت لأن أبي أكتب الحاصل والصاير والحكم والنصيحه الصادقه من حضرتج .. بقولج وقوليلي أنا غلط ولاصح أنا يمكن قبل تحجيت عن هالموضوع س الموضوع صاير فيه تطور ووصلت أنها تطردتني من البيت بقولج أنا عايشه مع خواتي 2 ووالدتي مره مريضه حيل ولابأيدها تاخذ أي قرار وحالها يقطع القلب خواتي الثنتين العوده فقيره ومغلوبه علي أمرها وكلمه تويديها وكلمه أتيبها واختي الوسطيه لاعبه بحسبتها لعب ومسيطره عليها فوق ماتتصورين طبعا أهي تزوجت ويابت ولد والحين عمره 11 سنه وعقب تزوجت قبل سنه ويابت بنيه وموجوده عندنا بالبيت مع أنه لها بيت ثاني بس كله عندنا لضروف زواجها وخناقاتها أللي مع ريلها أللي ماتخلص وفوق هذا أتكاليه علي الغير أتيي تاكل وتشرب والأهتمام بولدها وبنتها علي أكمل وجه أن كان مني أو من أختي العوده أو من الخدم واهي بس طلعات ونوم وأنترنت والضغط بصوره كبيره علي اختي العوده وبالمرتبه الثانيه انا والخدم أنا طبعي ماسكت أذا شفت غلط أتحجي لو علي قص رقبتي أهي ولدها خجوول وخواف طبعا مو عندنا بس مع الغير لكن معاي ومعي خالته العوده الغلط علينا وطقتنا عنده أبيزه ومايحترمنا ولدها توه متعرف علي صبيان وكل يووم أييون عندنا أوكي يهال وأيوون عندنا عادي مافيها شي يلعبون كيفهم أن كان بالحديقه أو بالديوانيه بلي ستيشن أو أي شي لكن لايوا ربع ولدها طلبت لهم من المطعم مو قصة بخل والخير وايد والياهل فيه أجر بس اليهال فهموا الغمنده قاموا كل يوم أييون وأيبون معاهم باجي ربعهم طبعا مايلعبون معاه بس يخلونه يطلب من المطعم وأهما أللي يلعبون بالسوني مالته وأهوا ماخذ دور المتفرج طبعا انا اطل من الدريشه واشوف هالشي جدام عيني وصارت صرفيه علي البيت يوميا أييون هاليهال فو ق 10 وينطلب منهم فوق 13 دينار هم اقول عادي بس اللي موعادي أنه البيت أنضغط مولاقين مصرف للبيت و أنه يكون من فلوس والدتي أو فلوس اختي العوده ومعش مطلقات يمشيلها والدتي المره المريضه اللي بدال مانشتري لها بمعاشها لبس صحيح انا مومقصره علي امي كل مانزل معاشي أبديها علي بس معاشها حتي لو تتصدق فيه لا معاش والدتي ومعاش اختي العوده بأيدها اهي... المهم انا طفرت قلت مايصير جذيه اليهال لو يبونه حتي نادوه عندهم يلعبون معاه لأن لما يطلع لهم بالشارع مايحاجونه ومانبيك تلعب معانا واذا يوا عنده بالبيت بس اطلب من المطعم ونقعد عندك ونلعب بالسوني مالتك تحجيت نصحت طبعا علي طول ماتتحمل مني حجوه تغلط وتسب فيني وتقعد أدعي علي موشغلج مالج شغل وهابتلي بهبه يديده وقفوا حياتكم لاتشترون لاتسوون شي لمصلحتكم بس اهتموا بولدي وبنتي اهما المستقبل انتم لاتشترون لاتلبسون واهتموا بصحتكم س هذا المطلوب عشان بنتي وولدي لأن انتم بتعنسون وباجر ولدي وبنتي بيلمونكم انا ماسكت لاقالت هالحجي اقولها بنت وولدج علي عيني وراسي من فوق بس الأهتمام فيهم من محبتنا ورحمتنا لهم ولكن ماراح اقصر علي نفسي شي طبعا علي طوول أتثور ثايرتها وتقعد تغلط وتسب وتهاوش وصارت تكرهني كره موطبيعي تخيلي مره قاعده ألاعب بنتها لعب عادي وجنه البنيه علي بكرفايتها ماكانت بحضني كانت جان تقولي تدرين لو يصير في بنتي راح أقتلج أنا انصدمت وأخذتها علي أبو أنه غشمره وقعدت ابتسم قلت الله لايقول ماتوصل للذبح واذا غيري ذبحها تذبحينه سكتت أهنيه هم انا عرفت موعارفه تخش كرهها لي وألحين.. تبي البيت بأسم أخت العوده لأن البيت بأسمي واسم امي لأنه مسيطره عليها بطريقه ماتتصورين وتقول ابي اختي تكتب وصيه عند المحامي يصير البيت لعيالها باجر طبعا اختي موافقه ومأيدتها وعندها وكاله عامه عني وعن والدتي واختي العوده شقولج مادري شلون اوصفلج شخصيتها فقيره فقيره حيييييييييل لاعبه بحسبتها لعب عكس اختي طبعا عوبه ولسانها طوويل ولاتخاف من أحد ولاتحشم أحد وفوق هذا بثت الكره بقلب أختي الفقيره وانا طبعا فوق كل اللي تسويه ماأكرها ولااكره اختي العوده ادعيلهم اكثر ماأدعي لنفسي وألحين علي أدناة الدون طلعي برا البيت هذا موبيتج أقولها شلون مو بيتي تقول انتي ماتدفعين معاش خدامه ولاتدفعين شي بالبيت مع اني والله العظيم عسي مايدش شهر رمضان من توظفت ارووح أشتري للبيت شغلات يديده المواعين اليديده أي اله تخص المطبخ يديده وفوق هذا كل مانزل معاشي أجيل باأللي اقدر عليه لأن بالأخير معاشي ظعيف و مايسمح معاشي 200 دينار فوق ماكان أكثر من400 دينار لأن علي قرض وادفع لسايق اللي يوديني دوامي 50 وباجي المعاش يروح علي البيت وعلي تلفوني وعلي اشتراك النت وحقي وطبعا معاشها أقوي من معاشي بوايد تروح تصرف معاشها كله عليها وعلي عيالا ومن حقها بس لاخلص يت أخذت معاش والدتي المريضه واختي العوده اختي العوده مطلقه ويعورني قلبي اقولها حراام عليج مايجوز تقولي ماحد اخذ منج شي وانتي عازله نفسج و كافي مخليه عيالي عندكم يونسون وحدتكم ويخلونكم ناس طبيعيه وفي البيت حس ياهل وألحين عسي ماأعترض علي شي يغث أو تصرف يرفع الضغط تقولي طلعي من البيت أنتي لوعندج كرامه أطلعين من البيت بنيه اطلع وين اروح لأن أنا واختي العوده واختي الوسطيه شرينا البيت وكلنا قطينا نفس المبلغ اللهم أهي قطت زياده ألف لأن معاشها اكثر منا كلنا وصايره تمن علي أداناة الدون موعاجبج طلعي برا عيالي الداشين وانتي الطالعه تخيلي الحين انا خايفه من شنو خايفه عقب عين امي تسويها صج وتطردني من البيت قوليلي شسوي شلون اتصرف مع هالاخت وتقترحين علي الغي الوكاله طبعا أقولج شغله أخيره أي خلاف بيني وبينها تمسك ولدها وتقعد تقوله حجي قوي عني ترا هذي لما كانت بالثانويه سوت وسوت وسوالف مالها معني والياهل يعايرني كل شوي طبعا بس بقول شغله ترا اختي ماكانت جذيه وكانت حيل حنونه معاي بس من تزوجت واهي معفوسه فوق تحت أحيانا أشك أنه بعيد عن ذمتي ريلها يوزها علي أو أهي تشكيله مادري لان تصرفها غريب معاي هالفتره لأن أنا فيني مرض مزمن قبل لاتعبت تقعد تبجي وتصارخ واذا رفضت اروح لطبيب قامت تلطم وتبجي وتسحبني للطبيب وترفض تاكل الحين اذا قلت مريضه يرسم علي ويها أبتسامه ذاك اليوم ياني ألم بسيط والله أنصدمت قامت تبتسم وراحت دشت دارها ونامت عكس اختي العوده احسها تظايقت علي وايد والله العظيم انزلت دمعتي خواتي والله العظيم احبهم واموت عليهم وامنيتي من الله القاهم بأحسن حال بس أختي قامت تخليني أنفر منها بسبب تصرفها الهمجي معاي ونطرتها علي بأي كلمه أن كانت بقصد ولامن غير قصد علي طوول تهب بويهي وتقعد تعايرني بالمرض وتعايرني بأي شي يكدر خاطري تخيلي مره طالعه المغرب بالصاله تدعي علي انا وأمي أنه نموت تقول أمي صايره هم عليها لأن مرض امي خله أختي العوده ملازمتها تقريبا طوول اليوم وانا بعد اساعدها علي أمي ولما نقولها ساعدينا علي امي تقول انا ماطالعت بعيالي عشان اطالع بأمج واهي من النوع الأعتماد الكلي علي اختي العوده روحي ييبي نفنوفي من الخياط روحي ييبي لولدي اغراض من المكتبه روحي ييبي لبنتي كذا لما تعبت امي خفت الخدمه عنها شوي فقامت تدعي علي انا وأمي ... تخيلي فوق هذا بس أشوف دمعتها أو أدري أنها بحاجة فلووس أو بمشكله أول المساعدين لها أنا وأهي العكس لما تشوفني ابجي أو بمشكله ماتحاول تواسيني لو بكلمه...وسلامتج