افيدوني بالله عليكم,,, طلبتكم لاتردوني على الله ثم عليكم..:(افيدني بالله عليكم,,

السلام عليكم ورحمه الله وبركاته


خواتي أنا في بنت من شهر 9-2010 تقريباً اضافتني بالايميل عن طريق ارسلت لها رساله بالغلط واضافتني وماحذفتها قالت عادي يعني مولازم احذفها وتعرفت عليها هي عمرها 24 وانا عمري 16 يعني أكبر مني بـ8 سنوات وهي من السعودية وانا من البحرين وتميت يعني أكلمها عاادي وكانت كثثثثثير طيبة معاي وحتى لو اغلط معاها بشيء كانت تعصب وبعدها تهدأ وترجع معاي أوكي وكانت دايم تحن تبي رقمي بس كنت أخاف تقول تبي تتأكد بأني بنت وفي شهر 2-2010 أعطيتها الرقم ولما اتصلت قلت لأختي ترد لو شاب اختي تتصرف معاه ولو بنت عادي بس اختي كلمتها وطلعت الحمدلله بنت وتكلمت معها بعدها وكانت تقول ليش ماتردين خايفه ترى والله انا بنت..بنات المشكلة صرت وايد متعلقة فيها..لدرجه صار يضايقني الأمر..فسرت الامر انه نقص مشاعر وحنان خصوصاً انا ابوي من ولدت على الدنيا تزوج وحده ثانية وخلاص قطعنا تقريباً انا الحين مو عاجبني تعلقي الشديد فيها مااني عارفة شلون تكون طبيعيه مشاعري اتجاهها ..للآمانة بنات ماافكر فيها كحبيبة او شيء لاكصديقة بس احس انه صداقة وتعلق مااني عارفة شلون افكر انا ماابي اصور روحي ملاك بريء جدامكم لانه في النهاية ابي اصلح وضعي ومابستفيد اذا زيفت الحقيقة هذي المرة الاول اللي افضفض فيها واتكلم فالموضوع حساس مااقدر افضفض فيه مع اياً كان..انا اصلي الفجر واداوم على كل صلواتي وكل يوم أقرأ لو صفحه من القرآن الحمدلله..بس اغار عليها ودايم اتهاوش معاها على طول يمكن من الاقيها على المسن اتهاوش معاها لانه تحسسني مرات باني جاهله مرة اكتب لها بكتابة المسن تقول لي ياحياتي احسك مرة بيبي! اقولها ليش تقولي بيبي انا مااحب احد يقول تقول عادي وانتي بعد دايم تقول لي ومرات تروح تلعب قيمزر وانا اكلمها اقولها اذا اكلمج لاتروحين القيمزر لانه تردين عليه متأخر تقول باي اقولها ليش تقول بروح القيمزر اقولها وانا اكلمج تقول انتي اصلاً ماتبين تكلميني قلت لها مشكورة وانا ماراح اكلمج تقول انتي تكبرين المشاكل وهي ماتسوى وحساسة زيادة عن اللزوم ..ومرات تحسسني بانها تحبني اذا بطلع تقول لي لالا لاتتطلعين بليز..وبنت تقولنا شلون تتحملون بعض الاتقول هي احبها ولو مااحبها كان ماتحملت تصرفاتها وطنشت عصبيتها من اول ماتعرفت عليها,, صرت مافهمها ماادري شسوي بعض الاحيان ادعو الله يجمعنا وبعض الاحيان ادعو بأذنه يخرج الله من قلبي هالحب,,لاتنصحوني ابعد عنها لانها اصلاً بعيدة ومو من دولتي,,انصحوني اي شيء غير البعد لانه اخاف اذا تركتها ااصادق وحده غيرها واتعلق فيها,انا ماابي اتجه للشباب وغيره لانه اخاف ربي ابي صداقة طاهرة ,, انا حاسه نفسي ناقصه حنان..انا عندي فكرة قلت لو اقولها بحذفك من المسن لمدة مثلاً 20 يوم لانه احنا دايم نتهاوش وبعدها ارجعك عشان اعرف اضبط امور واحاول شوي شوي في هالايام ابتعد عنها شرايكم قولوا لي ونصحوني ولاتخافون مابزعل واي شيء تقولونه ان شاء الله بسويه على فكرة صارلي سنة وشهر يمكن من اعرفها,, اول مره اكتب فيها مشكلتي يمكن اشوف كلمه تغير مجري حياتي.