كيف ألغي الكاميرا

عشان الكام طقي ابدأ وبعدين خيارات وبعدين لوحة التحكم وبعدين دشي device manager وبعدين بتجوفين imaging device فاختاريه وبعدين بيطلع لج تحته اسم الكام فطقي عليه رايت كلك (باليمين) واختاري disable وبس بتتعطل عندج الكام...

وعشان المحادثات تفضلي برنامج folder lock
http://go.3roos.com/veubzs0v08e

وباطرش لج على الخاص الشرح حق البرنامج...

تسلمين واذا ما زبط معي بتعبك معي لين اسويها تمام

الله يسلمج اختي وحاااااااضرين لج
ناطرة اعرف شنو صار وياج...

مالقيت الكلمة اللي بالانجليزي في لوحة التحكم وش اسوي

صوريلي اختي لوحة التحكم مالتج عشان اراويج شنو تختارين...

انا جهازي دل والصورة ماجات مزبوطةمعي

اوكي اختي شكل لوحة التحكم اهوه وحده من الصورتين صح؟!؟

اذا جذي فطقي على switch to classic view او classic view اللي موجود على اليسار فوق واذا جهازج عربي بتلقينه في نفس المكان بس في اليمين وبعدين بتتغير الصفحة وبتلقين device manager


واذا بعد ما لقيتيه قوليلي شنو نوع نظامج... هل اكس بي او فيستا او 7؟!؟

لوحة التحكم عندي مو نفس هذة بالضبط ومالقيت الكلمة فيها لابالعربي ولا الانجليزي
ادري طفشتك

لا عادي اختي ولا يهمج...
اوكي لوحة التحكم عندج بالعربي او الانجليزي؟!؟
وشنو نوع نظامج اكس بي او فيستا او 7؟!؟

جربي اختي طقي ابدأ (start) وبعدين تشغيل (run) وبعدين كتبي devmgmt.msc وطقي اوكي فبينفتح لج الdevice manager

خلاص اختي مو مشكلة ماعليك انت ماقصرتي معي جزاك الله خير بس عاد انا مو زابط معي شي وبصراحة مااعرف نظام جهازي بس هو مو وندز اكس بي القديم هو وندز7 اذا هذا قصدك

لا عادي اختي ولا يهمج وترا كل جهاز لازم فيه device manager فلا تحاتين بتلقينه :thumbs_up:
واي هذي اللي اقصده...

اوكي هلون شكل لوحة التحكم عندج؟!؟


اذا جذي فاختاري system and security وبعدين بتنفتح لج هالصفحة اللي بتلقين فيها device manager



ناطرة اعرف شنو صار وياج...

مزبوط اللوحة عندي نفس هذة وفتحت الخيار المطلوب بس كمان مالقيته شكلي جهازي مخبط خلاص ياقلبي ماعليك

ولا يهمج اختي
لاااازم يكون عندج هذي اساسيات الجهاز
جربي دشي system and security مرة ثانية في لوحة التحكم وبعدين دشي administrative tools وبعدين دشي computer manager
فبتنفتح لج صفحة فاختاري منها اللي موجود على الطرف "Device manager" نفس اللي مبين في الصورة



ويااااااااااا رب هالمرة تلقينه

فديتك ياقلبي بس ممكن تشرحيلي بالعربي عشان افهم اكثر وبجد سامحيني تعبتك معي حيل

لا عادي اختي ما في تعب...
المشكلة ما اعرف شنو اسامي الخيارات بالعربي :o بس device manager اسمه ادارة الاجهزة
اختي دشي هالموضوع في طريقة عشان تصورين الشاشة غير عن الطريقة الاعتيادية عن طريق اداة القطع
http://forums.3roos.com/showthread.php?t=563172

ابي اجوف لوحة التحكم عندج عشان اقدر اقولج شنو تدشين خطوة خطوة

خلاص ياقلبي انا بحاول واذا مازبط معي ماعليك وسامحيني ع التعب والقلق اللي سببته لك

لا عادي اختي ولا يهمج
device manager اسمه بالعربي ادارة الاجهزة
تفضلي ترجمت لج الاماكن :thumbs_up:
في لوحة التحكم دشي النظام والامن وبعدين تدشين ادوات ادارية وبعدين تدشين ادارة الكمبيوتر (مدير الكمبيوتر) وبعدين بتنفتح لج هالصفحة فاختاري ادارة الاجهزة


اذا لقيتيه خليه مفتوح وقوليلي عشان اقولج شتسوين واذا ما لقيتيه بس قوليلي اسماء الخيارات الموجودة في ادوات ادارية او النظام والامن عشان اقولج شنو تختارين..

ناطرتج

طيب اوكي فتحتها ولقيتها شنو اسوي الحين