المفاشر في المنتدى !

الصراحة أنا يومياً أتصفح هالمنتدى و ما لاحظت هالشئ ، أحس الأخوات ءلي يعرضون مواضيعهم جداً متواضعين وطبعاً من أسلوبهم في كتابة الموضوع بس إذا انتي ملاحظة ذي الشي على بعض الأخوات ما أقول إلا أن الله يهديهم

الله يهدي الجميع

وهذا الشي موجود بــ كل مكان مو بس بالمنتدى

عادي يا قلبي
كل وحدة عندها أغراض تحب تعرضها
ويمكن هي نفسها العضوة ما تقصد هي طبعها كذا
وكل واحد حر
وعني ما صدفت هيك مواضيع

بصراحه انا ما لاحظت اللي تقولينه على الاقسام اللي اشوفها .. !!

يمكن انتي تدخلين منتدى خاص مثلاً بالسفر والسياحة .. فشئ اكيد انك تشوفين كل وحده تحط صور رحلتها وتمدح المكان الفلاني ........... الخ من الاشياء اللي شافتها واعجبتها وحبت انها تفيد خواتها في المنتدى ..!!!

بالأخير .. كل وحده لها وجهة نظرها وحكمها على اقسام المنتدى ..

:)

عادي اختي بالعكس حليو انه كل وحدة تراوينه أشياء تخصها مثل شنط أو عبايات أو سفراتها إلى لندن أو غير لندن

أحس الشي عادي وما نقدر نعتبره مفوشر ولا شي..

عادي حبيبتي مااحس كدا
بلعكس المنتدى يجنن والعضوات اللي يحطون خبراتهم والمواضيع اللي يحطوها اتجنن ورائعه مافيها ابد المفاشر
واحنا استفدنا كثير منهم ومن خبراتهم ورحلاتهم و و و وانا شخصيا استفدت الكثثثثثثثثثثثثثثثثثثثثثثثثثثثثثثثثثير
والله جد يعني منتدى ولا اروع <<<<<<<<وجهه نظر

الصراحه على اني يديده بس شفت هالفئه قليله جدا في المنتدى ^^
وانا حاليا موقفه مشاركاتي عشان محد يقول عني اني افوشر ^^

عادى خيو ما فيها شى
البنات في المنتدى واجد حلوين

اسمحيلي اختي

ماشفت هالشيء موجود هنا بتاتا :-#

بالعكس البنات هنا عسولات والله وقمة التواضع :thumbs_up:

ومن ناحية يورونا المشتريات بالعكس كلنا بنات ونحب السوالف هذي :adore: ناخذ افكار بعض ونشووف اراء بعض في مشترياتنا بالعكس الدعوه ماهي فشار بالمره :|

وحتى اللي تقولين عنها جميع مشترياتها من لندن , عادي كانت بلندن وقضت لمولودها من هناك وين المشكله ؟:worn_out:


عالعموم انا من قبل لا اسجل متابعة للمنتدى وماشفت شي زي كذا وهذا اللي خلاني اتحمس واسجل ;)

انا ماقصد قسم السياحة لا اقصد في مواضيع اخرى بالعكس قسم السياحة حلو ان الوحده اذا سافرت اتفيدنا !! انا تره من زمان و اتابع كل شي في المنتدى و دخولي متكررر فألاحظ اللي ما تلاحظونه و انا ماقصد مثلا في قسم المشتريات لا هذي القسم يستدعي هلون لكن اقصد شي انتوا ما اكتشفتوه يمكن

و تره باقولكم شي بعد تره اللي يقول سويت و سويت و فعلت تره ذي المفاشر عيل المفاشر شنو تفسيره في نظركم ؟!!! يعني وحده بتقول شي سوته للإستفدة معليه لكن على كل شاردة ووارده قالت و انشرت شنو ذي معناه عندكم؟؟

اتفق معاج و يمكن الأغلبية ما يشوف ذي مفاشر لأنها اصبحت عادة متأصلة في المنتدى !

Rmosa;13686388:
عادي حبيبتي مااحس كدا
بلعكس المنتدى يجنن والعضوات اللي يحطون خبراتهم والمواضيع اللي يحطوها اتجنن ورائعه مافيها ابد المفاشر
واحنا استفدنا كثير منهم ومن خبراتهم ورحلاتهم و و و وانا شخصيا استفدت الكثثثثثثثثثثثثثثثثثثثثثثثثثثثثثثثثثير
والله جد يعني منتدى ولا اروع <<<<<<<<وجهه نظر

:thumbs_up::thumbs_up:وانا مع كلام الاخت صح لساانج:thumbs_up::thumbs_up:

أختي لا تاخذين الأمور بحساسية
الأنسان لما (يفوشر) أو يظهر ما لديه
أمام اصدقائه في المدرسة او الجامعة
فهنا يتضايق منه الغير لكن في المنتديات يختلف الأمر
أذا أحدى العضوات
يمكن أنا أو أنتي أو غيرنا كتبنا أو عرضنا ذلك للفائدة و المتعة
و للتسلية ...
حلو الوحدة منا تشوف أشياء جديدة يمكن في يوم من الايام تحتاجة
ويمكن اليوم ما نقدر نشترية أو ما نحتاجة بكرة نسال عنة ونلاقية في منتدانا الغالي
و اللي أستعرضت عطوراتها او سيارتها عليها بالعافية
تبي اتشاركنا وناستها و فرحتها ....
جميع ردود العضوات اثبتت حسن النية و أن هذا الشي ما يضايقهم
فسبحان الله فنحن نحكم على الظاهر و النيات في القلوب التي لا يعلمها ألا الخالق
المنتدى من أحسن المنتديات التي مررت بها ما شالله ترابط و أخوة و فوائد
لا توجد تكتلات بل الكل حبايب:L: ...

شو يعني مفاشر ؟! :)

لي عودة !

في اغلب المنتديات البنات يعرضون اغراضهم وخبراتهم من عطور من ميك اب مو كل وحده صورت اغراضها تتفاخر بالعكس تفيد وتستفيد بس يمكن فيه بعضهم بزياده الله يعين

الريح الباردة;13690761:
انا ماقصد قسم السياحة لا اقصد في مواضيع اخرى بالعكس قسم السياحة حلو ان الوحده اذا سافرت اتفيدنا !! انا تره من زمان و اتابع كل شي في المنتدى و دخولي متكررر فألاحظ اللي ما تلاحظونه و انا ماقصد مثلا في قسم المشتريات لا هذي القسم يستدعي هلون لكن اقصد شي انتوا ما اكتشفتوه يمكن

و تره باقولكم شي بعد تره اللي يقول سويت و سويت و فعلت تره ذي المفاشر عيل المفاشر شنو تفسيره في نظركم ؟!!! يعني وحده بتقول شي سوته للإستفدة معليه لكن على كل شاردة ووارده قالت و انشرت شنو ذي معناه عندكم؟؟

اي قسم تقصدين ؟؟؟
بالعكس المنتدى تبادل خبرات لا تتحسسين حبوبه

خيو هذا المفوشر في معضم البنات يعني شي مو جديد او مشكورة

كلهم قاالولك انا ماشفت هالشي ,,, انا شفت مو بس في منتدنا في كثير منتديات ,,, تتفوشر يعني تتفشخر يعني نافخه ريشه على البنات ,,,

وحراااااام في بعض العضوات تتفرج على الصور وهي ماتقدر توصل للندن ولاتقدر تشتري شنطه ماركه ولا تركب السياره الفلانيه ,,,

وتنقهر وتقعد تتحسر على حاله ولا تروح لزوجها وتقوله شوف الناس وين يروحون او وش يشترون ,,, وتصير حسد ومشاكل بين الناس ,,,

انا عن نفسي شخصيا احب ادخل هالمواضيع عشان اخذ فكره مثلا عن ملابس الاطفال او عن اغراض واثاث وغرف البيوت وكذا ,,,

مشكوره اختي على الموضوع ,,, ولك مني الف تحيه ,,, والله يهدي الجميع