والله تعبت :(

مساءكم \صباحكم فل يا عرايس
يارب تكونو باحسن حال

بنات انا فعلا تعببببببببببببت نفسيا مرررررررررررررررررره
انا كتبت موضوع قبل اسبوعين اسال فيه عن اعراض ازا كانت حمل او لا ازا تفتكروني...

انا كنت استعمل حبوب منع حمل ليا سنتين ووقفتها الشهر اللي فات...ودورتي منتظمه كل 28 يوم..
دحين دورتي متاخره لها 15 يوم.... في الاول قبل ما تتاخر الدوره كنت دااااايما احس بتعب وارهااااااااااااق و مافي طاقه و قرف وكللل شي... بس ما كنت احس مغص الدوره ابدا.... بعدين لمن جا موعد الدوره و تقريبا 4 او 5 ايام بعدها طبعا ما جات بس كنت احس احساس غريب في بطني كانو مشدوود او ما اعرف كيف اوصف... وظهري كان يوجعععني.... ولاحظت كمان انو لمن ابذل مجهود واشتغل في البيت او انزل السوق واتعب تنزل مني الله يكرمكم نقطه وحده بسسسس لونها بني مع ابيض... ولاحظت هادا الشي بس لمن ابذل مجهود واتعب... ولمن ارتاح تختفي.... هادي الحركه حصلتلي 3 مرات لاحظتها.. وقتها يكون ظهري مررره يوجعني و الالم الغريب هادا في بطني
اليوم الثامن كان عندي زواج... وتعرفو تحضير الزواج واللبس و و و... وكانت بطني احسها مشدوووووووده والالم الغريب هادا... ابدا مو الم دوره... حتى اخت زوجي لمن حكيتها قالتلي اكيد حمل...رحت اليوم 9 من تاخير الدوره للمستشفى وعملتلي الدكتوره تحليل دم و التراساوند مهبلي وطلع مافي حمل:|... وقالتلي كل شي فيكي سليم يمكن عشان كنتي تستعملي الحبوب فتره طويله... وما ادتني شي ينزل الدوره ولا شي بس قالتلي انو كل شي سليم وخلاص... ا

الغريب كلللل الاوجاع هديك اللي حسيتها اختفت... ووجع ظهري كمان اختفى .. والنقظ اختفت...ولا جات الدوره:hysterical:
اليوم ليا 15 يوم وهي متاخره ... ولا احس اعراضها ولا شي... وانا دورتي كانت منتطمه ما عمري سار ليا كدا

وانا عمري ما حملت... ولا اعرف ايش اللخبطات هادي... في وحده حصللها كدا طمنوني بليييييييييز....نفسيتي سارت زفت ومافي الا اوسوس يمين شمال

سووووووري طولت عليكم