مشكلتي عدم تقبل اهل زوجي

السلام عليكم ورحمة الله وبركاتة
اخواتي انا احترت وعجزت عن التفكير لاني ماعرفت الحل او معنى اصح ماعرفت وش السبب في النفور واتمنى منكم مساعدتي على الاقل بس لو افهم السبب
مشكلتي مع اهل زوجي امة واخواتة
انا عن نفسي ماقصرت معهم اخدمهم بعيوني ولا عمري رديدت رد مو حلو لاي وحدة منهم احاول التمس لهم العذر لو غلطو علي بالكلام اقول مايقصدون واقلبها على الشي الزين
ولو يطلبون شي على طول احاول اوفرة لهم
بس المشكلة هم ماتقبلوني احس انهم مايبوني ليش ماادري خصوصاً إذا جو بناتها عندها (لانهم متزوجات كل فترة يجون عند امهم وينامون عندها )
يعني مستحيل يكلموني وينادوني
واذا انا ناديتهم لبيتي قالو خليها بعدين العطلة الجاية
وإذا انا كلمت وقلت بجي ازوركم يقولون الله يحييك بس من غير نفس واذا رحت عندهم تقولون يستنون الزلة بس علشان يهبون في وجهي ويتريقون علي ولا يعطوني وجة
والصراحة هالشي يضايقني لاني اعتبرهم زي اهلي وانا في غربة ماعرف احد الا هم