معاناتي مع الموظفة اللي معاي,, تكفوووون دخلووا

مرحبا عرايس

بكتب معاناتي مع اللي معاي بالشغل وابي نصايحكم ومشورتكم

والله تعبت ونفسيتي كلما لها تصير تحت :'(


الله يسلمكم انا في العمل لحد الحين بمسمى متدربة ما ثبتوني,,

وحاليا في قسم انا مو من اختصاصي بس وش اسوي كل شي بيد الله,,

انا في مكتب معاي وحدة بس ,, وكبيرة

بس حركاتها حركات اطفال ومطلعه روووحي :'(


من اول ما دخلت الشغل,, اتصلت في خدامتها وقامت تصارخ ومادري شوو عاد انا الآمرة الناهيه وكلمن يدخل المكتب تقول ابي هدووء وتنغز لي,, مع اني ما اسوي فوضى,,

مرتين جت زميلتي لي كل مرة ما تتعدى نص ساعه وبالمرة الثالثة كانت مارة عشان نروح نفطر
قامت تصارخ وتقول لزميلتي انتي ما عندج شغل ترى ازعجتيني وممنوع التجمع
- مع ان هي ما تخلي احد الا وتجيبه المكتب طالعين داخلين لدرجة حتى ولد اختها يزورها عندنا وهو مو عندنا - وكذا مرة يجي في بالي اقولها مو انتي قلتي ممنوع التجمع

مرة من المرات بعد كنت اعدل شيلتي في الحمام وكان فيه وحدة من صوبها ولما جيت هي قامت تركض كأنها طفلة في الممرات وتقول فلانة انتي دخلتي الحمام وما نزلتي السيفون,, شنو هالوصاخة اللي فيكم تدخلون وما تنظفون الحمام ومنو اللي دخل وما سحب السيفون ومن هالكلام :(


تتكلم في تلفون المكتب كثييير كثيير وانا انزعج ,, من اول ما توصل لما تطلع التلفون ما تتركه!
وتحطه سبيكر وتضغط الحبات - انا هالحركة ما احبها ومالها داعي-
واذا تشوفني اتكلم في التلفون تحطه سبيكر وتضغط الحبات بصوت عالي وتتكلم بصوت عالي كأنها صفارة انذار

:( :'( غير الحركة اللي اموت ولا اسمعها,, متعودة تجيب لها اشياء خشنة تاكلها,, مثل تفاح وجزر وخس,, وتاكل فيهم وتطلع صوت يقررررررررررف قررررف مو طبيعي ,, وتسوي هالحركة بالعمد
لانوو مرة كانت تاكل بطريقة مقرفة ولما دخل المسؤوول ولا كأن في ثمها شي ولما طلع عادت الحركة!

تجيب لها جزر وخس وتفاح وملفوف بنفسجي وابيض ومادري شووو

وهذي كم مرة تجيب لها سلطة واشياء فيها دجاج او لحوم وتاكل من الصبح

وكم مرة قاعده تجيب لها سلطة فيها بصصصصصصل وتاكله من الصبح حتى 9 ما صارت,,

:'(امس جابت وبزيادة الريحة فاحت في المكان,, ولا عليها,,
رشيت عطر وحطيت بخور بعد ما فاد,,

انا مو مسؤولة عن هالتصرفات يعني مو هي تاكل وتخلي المكان خايس وانا اجي وراها احط عطور وبخور


انا علاقتي معاها مو قوية كلش كلش من معاملتها,, حدها تقول صباح الخير ومع السلامة,,

:'(امس ما استحملت وقمت كتبت ورقة وحطيتها على مكتبها,, لمنع الاحراج تمت كتابة الرسالة والرجاء عدم احضار اطعمه تحتوي على روائح قوية وتعلق في الممرات حيث انها لا تذهب بسهولة

تخيلوا اليوم لما جيت كانت شاقتها بالنص وحاطتها على مكتبي وزادت بحركاتها,,

ويا زعم طلعت راحت المكتب الثاني وانا ادري انها تعقر علي وتتكلم علي


قولوا لي شسوي معاها وانا ادري بتزيد في حركاتها

في البداية لما كنت اشكي من تصرفاتها لابوي وللي عندهم خبرة في العمل قالوا لي طنشيها لانج مو مثبته في الشغل ولا تسوي اي شي يأثر على التوظيف

بس انا مو قادرة عساني ما اتثبت اهم شي راحتي النفسية والتوظيف بيد الله :'(


ساعدوني تكفووووون :'(