استفسارات وتساؤلات الامهات عن كل شيئ)الجزء السادس(

تصدقى لسة فاتحة وقلت هعمل انا الجزء السادس سبقتينى يا مومو ههههههههه
المهم انا بنتى عنها 3 اسابيع ينفع البسها كولون فى العيد عليه بالطو فرو ولا مفيش مقاسها ولو فيه اجيبه ماركة ايه؟؟؟؟؟؟؟

هههه يا بنتي دا الموضوع بتاعي ما ينفعش اسيبه يتقفل من غير ما اعمل الجزء الجديد دا انا مش مصدقة انه بقى 6 اجزاء عقبال ما يبقوا 100 جزء بنوتك حتلاقي مقاسها عند مزر كير او سيرجنت ماجور
ه

dr_hienar;13660263:
تصدقى لسة فاتحة وقلت هعمل انا الجزء السادس سبقتينى يا مومو ههههههههه
المهم انا بنتى عنها 3 اسابيع ينفع البسها كولون فى العيد عليه بالطو فرو ولا مفيش مقاسها ولو فيه اجيبه ماركة ايه؟؟؟؟؟؟؟

بصي انا رأيي انك مش لازم تجيبي كولون نيو بورن عشان كده مش هايقضي كتير ، فهاتيه اللي هو من 0-6 اول مقاس يعني وبيكفي فترة كبيرة وابقي بعد ما تلبسيها الطول الزيادة ده بقي شديه لتحت واتنيه تحت رجليها ولبسيها فوقه الشراب او الشوز فمش هيبان وهايبقي كأنه قدها بالظبط، كنت بعمل كده ومازلت.

ماشى يا جميل طيب هو فيه فروع لاتش اند ام غير فى سيتى ستارز؟


والكولون الشتوى ماركته ايه وبكام وفين ؟؟
معلش استحملينى

سارة برايت ودودو بنت من الزمن ده الله يسلمكم يا قمرات


سارة افندي الف مبروك علي الحمل يا جميلة ، وربنا يخليكي علي كلامك، وفعلا انا رحتله بيها تاني يوم لأن كان عدي عليها 24 ساعة من غير ما يتغير الوضع ولا يقل حتي وكان شكلها صعبان عليا اوي، المهم اول ما شافها قال ايه اللي عمل فيكي كده بس وباسها ولاعبها شوية وشدها من ودنها وهو بيسألها كده بس طبعا مش شد يعني :):):)، وسألني انا بقي هو النقط طلعت في جسمها كله مرة واحدة ولا كانت في مكان واحد وبعد شوية ظهرت في اماكن تانية، قلتله لا كله مرة واحدة الجسم والوش بس كانت اخف من كده وزادت بقي بعدها بحاجة بسيطة، فقاللي هكتبلها دوا للحساسية دي ومقلقش منها وقاللي معلش هي سخنت اكيد بعدها صح، عشان الموضوع ده بيرفع الحرارة شوية، قلتله طيب هو مش بيضايقها او مش بيسبب حكة، قاللي لأ خالص، قلتله هي عاملة زي حساسية الفاكهة كده، قاللي لأ مختلفة لن بتاعة الفاكهة بتعمل حكة، المهم وقاللي كده يبقي الحقن دي وكتبلي بقي اسم المركب يعني اللي مش مفروض تاخد منه خالص طول سنتين بيقولي، فقلتله يعني جسمها ممكن يتغير بعد كده ويقبله عادي، قاللي اه ممكن مش شرط يبقي طول حياتها يعني، وقاللي احتفظي بالورقة دي كويس اوي بقي واوعي تاخد اي حاجة فيه الدوا ده.

وفعلا الحمدلله اخدت الدوا يمكن بعد جرعة واحدة ابتدي يقل ودلوقتي شبه مش باين اهو الحمدلله.

الكولون الشتوى ماركة هوبي حلوة اوىىى بنات قولولي بقى بتدوا ولادكوا نوع حدييد ايه

كتكوته انتى كنتى رديبيتى عليا بس مكتبتش قوليلي بقى الجرعه الوقائيه والعلاجيه بردو والنوع

dr_hienar;13660634:
ماشى يا جميل طيب هو فيه فروع لاتش اند ام غير فى سيتى ستارز؟


والكولون الشتوى ماركته ايه وبكام وفين ؟؟
معلش استحملينى

فيه كزاروني احسن نوع بيبقي ب 24 وممكن تلاقيه اغلي في محلات معينة، وفيه هوبي حلو اوي بردو ب 22 تقريبا وده اللي انا بجيبه.
دول التقال اللي ينفعوا الشتا وفيه بقي انواع تانية خفيفة صيفي.

ويلا اه صح كده يعني 4 شهور ويوم يعني اول الخامس تمام كده تبتدي الاكل بقي معاه ان شاء الله، وفعلا الجرعة كتيرة اوي يا عيني، ده انا لما هي اخدت نصها كل 12 سالعة كانت خلاص نايمة عالطول.

بنت من الزمن ده;13660679:
الكولون الشتوى ماركة هوبي حلوة اوىىى بنات قولولي بقى بتدوا ولادكوا نوع حدييد ايه

كتكوته انتى كنتى رديبيتى عليا بس مكتبتش قوليلي بقى الجرعه الوقائيه والعلاجيه بردو والنوع

انتي جربتيه يا دودو فعلا حلو اوي ومريحني اوي، الحديد هيدروفيررين، وبيتاخد 5 نقط كل يوم اللي هي تعتبر ربع قطارة بس خليكي بقي بالنقط عشان ادق يعني والعلاجية بقي انتي عايزاها ليه، اظن هتختلف حسب نسبة الانيميما لو فيه لا قدر الله يعني بتحدد ساعتها، يعني جوجو بقت دلوقتي تاخد 10 نقط الصبح و10 زيهم بالليل :(

جربت الشرابات العاديه منه بس شفت الكولوناات في محل اطفال عجبونى اوى بس طبعاا بنااات وهو ال 5 نقط متعرفيش كام سم وممكن احطوا على المياة او اللبن ولا لا والكالسيوم انتى بتدى هاى كال صح والفيدروب مستمرة عليه ليه هو الهاى كال مفيهوش فيتامين د ولا ايهوبتدى اد ايه منه معلش انا خلاصث مسافرة بكرة وعايزة بقى افهم كويس عشان اجييب والدكتور مش راضي يكتب حديد فقلت اسالكوا بقى عشان اجيب لاعايزة اديله جرعه وقائيهوالدكتور كان في مرة طلب تحليل دم بس انا معملتش وطنشت هبقى اعمل ف الكوييت بقى

مبرووووووووك علينا الجزء الكديد:)

كتكوتة هيدروفيرين دا كان محمد بياخدة وهوا 3 شهور تقريبا او 4 عشان كان انيمك برضة و كان باين تحسي ان شفايفة بيضا كدا
و كان مرة واحدة قطارة
و بعدين ياعينى مستحملهوش و كان بيرجع منة و بعي قسمت القطارة على مرتين بئة مرة الصبح ومرة بليل

دلوفتى الحديد اللى بيخدة اسمة فيتافيرول و بياخد 2ونص سانتى

مع البيديكال
و وقفت الفيدورب من نفسي كدا مش عارفة بئة كدا صح ولا اية
بكرة ان شاء الله محمد هطعمة تطعيم ال 9 شهور
عبارةعن نقط شلل الاطفال و فيتامين أ باين
عشان ف الدفتر مكتوب الحصبة باين:confused:
اللى طعم يقووولى:)

اخبار لبس العيد اية معاكو

لا اروح هنزل ان شاء الله لبس دودو

هيا فين بيبيو يا جماعة بقالها فترة مش باينة
يارب تكون بخير

انا اكلت دودو جيلى فراولة
الحمد لله مش حصل حاجة
بس هوا عادى ولا اية

المهم كاتبلها فنستيل 6نقط مرتين في اليوم البت مابتصحاش خالص لا صبح ولا بليل وبقعد اشيل واحط فيها واهزها كده مش راضيه تصحى وتبقى جعانه ياعيني واجي ارضعها وهي نايمه الاقيها بترضع ياحبيبي ومش عارفه تصحى تاكل وهي نايمه واحطها تاني عالسرير انا قلقانه عليها:'( اوي هي الجرعه كده يابنات زياده ولا ايه طمنوني ربنا يخليكوا احسن يادوبك تفوق من الجرعه الاولي يكون معاد الجرعه التانيه جه وتنام تان

حبيبتى جرعه الفينيستيل لسنها 6 نقط مرو واحده بالليل قبل ماتنام

بنات حور عندها اسهال مش بلحق اغيرلها تعمل تانى محدش يعرف ااكلها ايه عشان الاسهال ده هو الحمد لله من غير سخونيه ولا حاجه اسهال بس هى كدة ممكن تكون بتسنن؟؟!!

الف سلامه عليها يا ام حور
متقلقيش ان شاء الله خير لو عايزة دوا للاسهال اديها
antinal susp
ملعقه صغيرة 3 مرات يوميا
واهتمى بالسوايل كتير بعد كل مرة اسهال

بنت من الزمن ده;13660846:
جربت الشرابات العاديه منه بس شفت الكولوناات في محل اطفال عجبونى اوى بس طبعاا بنااات وهو ال 5 نقط متعرفيش كام سم وممكن احطوا على المياة او اللبن ولا لا والكالسيوم انتى بتدى هاى كال صح والفيدروب مستمرة عليه ليه هو الهاى كال مفيهوش فيتامين د ولا ايهوبتدى اد ايه منه معلش انا خلاصث مسافرة بكرة وعايزة بقى افهم كويس عشان اجييب والدكتور مش راضي يكتب حديد فقلت اسالكوا بقى عشان اجيب لاعايزة اديله جرعه وقائيهوالدكتور كان في مرة طلب تحليل دم بس انا معملتش وطنشت هبقى اعمل ف الكوييت بقى

لأ الهاي كال كالسيوم بس، وكمان ما هي القطارة بتبقي جاية مع الدوا وهتدي بيها مش هتحتاجي قطارة خارجية يعني مش بالسم ده حاجة بسيطة خالص هو الكالسيوم بس اللي يعتبر اكترهم.
انا قمت جبت الروشتات كلها عشان انا نسياة عشان اشوف هو كتبه من امتي بالظبط، الحديد من السادس يعني كانت خلصت السادس والفيتامين كتبه كان عندها 3 شهور والهاي كال بقي متلخبطة مكتوب امتي بس خليه بردو من السادس تقريبا وده 5 سم
الشرابات اه حلوة اوي بردو وبتعيش وانا جايبة لنفسي كمان منها :D:D

m@hy;13660852:
مبرووووووووك علينا الجزء الكديد:)

كتكوتة هيدروفيرين دا كان محمد بياخدة وهوا 3 شهور تقريبا او 4 عشان كان انيمك برضة و كان باين تحسي ان شفايفة بيضا كدا
و كان مرة واحدة قطارة
و بعدين ياعينى مستحملهوش و كان بيرجع منة و بعي قسمت القطارة على مرتين بئة مرة الصبح ومرة بليل

دلوفتى الحديد اللى بيخدة اسمة فيتافيرول و بياخد 2ونص سانتى

مع البيديكال
و وقفت الفيدورب من نفسي كدا مش عارفة بئة كدا صح ولا اية
بكرة ان شاء الله محمد هطعمة تطعيم ال 9 شهور
عبارةعن نقط شلل الاطفال و فيتامين أ باين
عشان ف الدفتر مكتوب الحصبة باين:confused:
اللى طعم يقووولى:)

m@hy;13660875:
اخبار لبس العيد اية معاكو

لا اروح هنزل ان شاء الله لبس دودو

m@hy;13660895:
هيا فين بيبيو يا جماعة بقالها فترة مش باينة
يارب تكون بخير

انا اكلت دودو جيلى فراولة
الحمد لله مش حصل حاجة
بس هوا عادى ولا اية

ماهي كنتي تحطهوله مع حاجة لما لقيته بيرجع منه ممكن يكون طعمه غريب بالنسبة ، انا كده كده مش بديهولها لوحدها بحطه مع الكالسيوم والفيتامين وكلهم مرة واحدة يا اما بالقطارة او علي اللبن او اي حاجة بتشربها ولقيت كده اسهل لأنها بقت بترفض وتغلبني تاخد اي دوا.

خدي اللينك ده بتاع الملابس:
http://forums.3roos.com/showthread.php?t=528151&page=83

الجيلي كان عمي وهدي بردو قالوا عليه بس مجربتوش، والتطعيم انا دايما بسمع انه نقط في البق بس مفهوش حقن.

الف سلامة على جوجو وعلى عليكى يا ايمى
دفيها كويس في البرد دة

بنات آدم كلها كام يوم ويتم 3 شهور ابتدى اكلة سيرلاك واشربة عصاير فرش ولا لسة شوية

لا ياحبيبتى خليها احسن لما يتم اربع شهوور ويدخل ف الخامس

ماهى طب انتى البيديكال بتدى كام سم

CuTie KaTkOoTa;13660702:
ويلا اه صح كده يعني 4 شهور ويوم يعني اول الخامس تمام كده تبتدي الاكل بقي معاه ان شاء الله، وفعلا الجرعة كتيرة اوي يا عيني، ده انا لما هي اخدت نصها كل 12 سالعة كانت خلاص نايمة عالطول.


انتي جربتيه يا دودو فعلا حلو اوي ومريحني اوي، الحديد هيدروفيررين، وبيتاخد 5 نقط كل يوم اللي هي تعتبر ربع قطارة بس خليكي بقي بالنقط عشان ادق يعني والعلاجية بقي انتي عايزاها ليه، اظن هتختلف حسب نسبة الانيميما لو فيه لا قدر الله يعني بتحدد ساعتها، يعني جوجو بقت دلوقتي تاخد 10 نقط الصبح و10 زيهم بالليل :(

يعني بعد عشرين يوم طيب اشتريله طبق ومعلقه وكبايه ولا لسه شويه
طيب واول اكل ممكن اديهوله ايه عاوزه ابدا اجهز نفسي بقي واجيبله سيريلاك ايه واول ماياكل ياخد كام وجبه في اليوم معلش ياكتكت انا خنقاكي بس انتي عارفه معندناش عيال قبل 15 سنه
وطبعا لو سالت الكبار هايقولولي كلام من القرن ال19