بنتي منظورة .. شنو الحل

شوفي حبيبتي مقارنات بين الاطفال الي بسن وحدة هذا امر دائما يحصل وان كان امر نكره


يمكن تكون المراة تتكلم بحسن نية يعني انا مثلا وانا آكل اولادي دائما اتكلم بنفس طريقتها فلان اختك بتخلصه عليك واكل شوفها تاكل وووووو فيمكن هي تشجع بتها
انا اقول لش الي يخاف من الشئ يصيده فانتي عوذيها وحصنيها وتوكلي على ربش الي عطاش اياه قادر يحفظها لش
لاتدري بال لكلامها ولو تكلمت دائما قولي لها ذكري الله صلي على النبي يمكن تنحرج وتسكت ومرة ثانية ماتتكلم ولاتناظر


انت الان ركزي على اللي في بنتش عالجيها وسوي الها ادوية العين وماعليها شر الحلوووووووة

الله يشفيها ويحفظها لك

طيب اقري عليه سورة البقره


ودااااااااااااااااائما كل مغرب وفجر

حصني بنتك

بالمعوذات وقولي الدعاء الذي قاله الرسول عليه الصلاة والسلام
للحسن والحسين

والله يحفظها لك

الله يحفظها انشا الله
واقري عليه المعوذات ثلاث مرات في اليوم وانشا الله تصير زينه

نور الموالي هلا غناااتي مشكووورة

هي صح تشجع بنتها بس بعد يبين حبيبتي اذا الواحد يحسد وحاط باله على الشخص

حماتي ما تشيل عينها من بنتي طول ما اهي وياها في نفس المكان

وتطالع كل شي في بنتي وتقارن بنتها فيه ؟!!

ع العمووم تسلمين يا قلبي ع الدعوة ما قصرتيييييين




السنواايت مشكووورة يا عمري ما قصرتيين ^_^



اكليلة الحوراء تسلمين خية واني على طول اقرأ المعوذات مو مقصرة الحمد لله

wardat amal;13625670:





وعندها حرز دوم عليها

كيف مافهمت الكلمه؟


الله يحفظلك بنتك من كل شر

حاولي تاخذين من اثرها شي مثلا(نواه التمر اللي هي تاكله او باقي شاهي او قهوه من اللي هي شربته)
وصبي عليه مويه وغسلي بنتك منه يعني مكان الحبوب واقري عليها وان شاء الله ماتشوف شر
والله يحفظها لك..

حبيبتي مريوم ماتشوف شر انتي دايما حصنيها بالذات المغرب والفجر وافتحي بدارك سوره البقره وحصني نفسك وزوجك واذا شاكه فيها خذي من اثرها وتبخري فيها او اشربي بعدها بنفس الكاسه اللي شربت فيها او خذي نواة التمر حقها وتبخري وبخري بنتك فيها..ويارب ماتشوفوا شر..

اختي لا تحطين في بالش كلامها ترى بتتعبين

ولما تحسينها تطالع بنتش في كل شي بالعكس لبسيها وحريهاااااااا ازيد

واذا تكلمت في الوجه عطيها قولي اليها صلي على النبي وفي قلبش قولي عميت عيون الحساد عميت عيون شافتش ولا صلت على النبي <<<<< داايمااااااا اسويهاا وارددها

وشببيهما وخصوصا الصبح والمغرب

وما تشوف شر الوردة

يا عيوني ميومة ...
خيوتي دائما عوذيها وعندج حرز التاج اكتبيه وعلقيه عليها وبيحميها من الحسد ...
وبعد عندج تعويذة النبي للحسنين ..كل من تقول اليش شي قوليها في قلبش وراح يبتعد عنها الحسد ...والله يعينش


وهذي التعويذة ...
بسم الله الرحمن الرحيم ..
اللهم صلي على محمد وآل محمد .. اللهم ذا السلطان العظيم والمن القديم ذا الوجه الكريم ولي الكلمات التامات والدعوات المستجابات عاف ....... بن ........ من أنفس الجن وأعين الإنس

مكان النقط اول فراغ اسم الطفل والفراغ الثاني اسمج...وعن التجربة اني ولدي جبته صغنون حده ومن كمل ثلاث شهور فز مرة وحدة صار دبدوب شوي والكل من يشوفه يشهق فيه وصرت كلا اقول هالتعويذة وصدق خفت العين عنه ..وصار احسن

صباح الخير بنت ديرتي شخبارج؟؟
ماعليكم إنشاء الله لا شر ولا ضر
تر هذا بيت العوايل ترى عادي انا مريت بنفس التجربة بس سنقول الله كريم بس انتي عالجي بنتج ودوم اقري المعوذات وشبيبيها دائما وما عليكم شر
ام مريم

والله نفس المعانات
اللي تقول ولدي ما ياكل وولدش ياكل بس انتين ما ترضين اتاكلينه
والله ما اكذب عليج ما يرضى يفتح تمه للاكل
وللي تقول زين ولدج ينام اني ولدي ما ينام
واللي تقول واللي تناضر
والله ما اكذب عليج يتعبني من الصياح وينام متاخر ويقعد الصبح
الله يرحمني بامي وخواتي ياخدونه ويودونه وياهم بيت اهلي

دامها معاكي بنفس البيت خذي من اثرها وشربي بنتك
مثلا اعطيها مويه وبعد ماتشرب منها
شربي بنتك من نفس الكاسه

وربي يبعد عن بنتك العين

انا بنتي كانت مرررره هاديه

بس من كثر ماقالو بنتك هاديه انقلبت مره وحده

صارت شقيه
الله يهديها

واهم شي تحصنيها دايم

ترى العين حق

مااااتشوووووف شر مريوووومة
حاوولي كل ليلة تقرين عليهاااا المعوذات وسوره البقرة
وعليج بالرقية الشرعية
وان شاااء الله ماعليهااا شر

هلا خيتووو لاتتركين المعوذات والشب وانشالله تنقطع عنها العين يارب

وماعليها شر ميموووو الحلوة يارب

لو أقوول ليش عن معاناتي وي العين :'( وبالخصوص أولادي قلبش بعورش


الله يبعد عنا العين يارب ويحاسب الحساد

مثل ما قالوا الأخوات خلش مداومة على قراءة المعوذات ، وبرايي اذا انتين متأكدة انها تحسدها ، حاولي ان بنتش ما تحتك فيها كلش ولو صادف و تلاقيتون على طول قولي أني مشغولة باروح بقضي الشغلة الفلانية ، واخذي بنتش وياش ولو مرة شفتينها تمدح بنتش في شي ، اخذيها بالحيلة يعني وافقيها على اللي تقوله بس ضيفي كلمة ما شاء الله واللهم صل على محمد وآل محمد ، يعني مثلا لما تقول شعر بنتش حلو أو طويل قولي : ايه ما شالله حليان شعر بنتي يمكن تستحي شوي ومثل ما قلت ليش خلي احتاكاكش فيها على أضيق الحدود وما عليها شر الحلوة F:

ما عليها شر مريوم عورت قلبي

بس انتي عليج دايما تحصني روحج وبنتج من العين ودايما حطي صورة البقر

ربي يحفظها ويحفظ عيالنا من العين

ومن شر حاسد إذا حسد

لاحول ولا قوة إلا بالله

يالله مو معقوله
تقارن بينها وبين بنتها وهم لسى صغار وما يعرفون شي عن المقارنه
حرام عليها
كل ما سمعتيها تتكلم عن بنتج قوليلها ذكري الله
ولا تستحين
لانه الي ما يستحي منج لا تستحين منه....

ام إيمـــاان;13626230:
اختي لا تحطين في بالش كلامها ترى بتتعبين

ولما تحسينها تطالع بنتش في كل شي بالعكس لبسيها وحريهاااااااا ازيد

واذا تكلمت في الوجه عطيها قولي اليها صلي على النبي وفي قلبش قولي عميت عيون الحساد عميت عيون شافتش ولا صلت على النبي <<<<< داايمااااااا اسويهاا وارددها

وشببيهما وخصوصا الصبح والمغرب

وما تشوف شر الوردة

:thumbs_up:

مشكووورين يا بعد قلبي خواااتي ما تقصرووون ادري فيكم

واني بسوي كل اللي قلتو لي عليه وعلى الله

دعوااااااااااااتكم الصادقة لها