قولولي انا صح والا لا

يابنات الله يوريني في خطيبي عجائب قدرته عاجلا غير اجل ملكنا وجلسنا تقريبا سنه نصها قضاها في دورات ممنوع يستخدم الجوال ثم صار بعدها يطلع نهايه الاسبوع كأنه عندي يوم عيد واحيانا مادي هو طلع والا لا لأنه مايرس ولا يكلم الا من بعد المغرب وهو يطلع الظهر وقلتله مانفع واستحي ادق انا عليه يدرون اهله ويضحكون عليه وانا اللي كنت اكلم امه واخته وابوة حسبي الله عليهم بإستمرار عشان اتقربلهم حتى اقول لايضحكون علي يقولون ماصدقت وناس كثير قالولي ياغبيه لاعاد تكلمينهم وصبرت وصبرت حتى زيارات مايجي ماعندة فلوس ويخاف من اهله واكتشفت ان اهله متعلقين فيه وشرانيين ومه يقولون هي سبب طلاق زوجات اخوانه 6 طلقوهم بسببها وهم ماهم جالسين معهم بالبيت وقال بيسكني فوق اهله وانا المسؤول عن اهلي وهو اصغرهم واخوانه الباقين 5 ساكنين بنفس الحي وكأنهم ماهعم اولادهم حتى اغراض مايجيبونلهم وقال مابجيب لك اغراض ناكل معهم قلت يمكن مايعجبني شي يسوونه استحي اقلهم بأسكت واذا رجعت بيتي كلت واخيرا حددنا الزواج وطلع استاجر واثثها ثم قال مالك راي الراي للي يمشي رايي وانا لقوامه لي وبدأيتكلم علي وكانت هاذي الحاله بين فتر وفترة تجيه ويخاصم ولكن في المرة الاخيرة زد كلامه علي وقال هذا النظام اللي تمشين عليه وسفريات مافيه لأني طلبته نسافر ماليزيا لأني دري اني بأجلس في لسعوديه ماعاد بأطلع منها وقال مااقدر قلت خلاص جبلي شقه لأني ابغى اعيش حالي حال المتزوجات ماابغى اجلس مخاصمه مع اهله وهي عشرة عمر ووحدة تقربله بعد الملكه سبتني وتكلمت فيه في مجلس حريم وهي اللي اختارتني وبعدين قبل الواج بفترة طلقني دعواتكم لي إن الله يعوضني خير منه في اقرب وقت عاجلا غير اجل وماذلك على الله بعزيز وينصرني فيه هو واهله لأنه حتى امي واقرب الناس صاروا يهزون ويضحكون عليه دعواتكم لي ذبحني التفكير لأني جهزت شنطتي كل مااشوفها قامي اموت من الهم واهلي يخاصموني يقولون انتي وش ذا الطلبت سفريات وكلام فاضي ويقولون قبل مؤدب وخلوق وانا ماوضحتلهم شي ادعوالي ربي يعوضني خير منه قبل العيد