رفيجتي تحس انها قتلت نفس

السلام عليكم ورحمة الله وبركاته

لي رفيجه ممرضه صار لها يمكن 14 سنه تشتغل
قبل اسبوع صار لها موقف في المستشفى وللحين مو قادره تنام ولا تاكل

البنت راحت داومت اكتشفت انها مداومه لحالها وعندها اكثر من 30 حاله

كلمت المشرفه وجابو لها 2 يساعدونها من قسم ثاني

بس هالثنتين جدد وما لهم خبره بالهقسم

البنت تقول صرت احاول اشتغل على مرضاي واساعد الممرضات الثانيات عشان يخلصوا شغل المرضى الثانيين لانهم جدد ومش عارفين الحالات

وصار يدخل لنا من الاسعاف مرضى ومر الوقت بسرعه

بعدها قامت عشان تشيك مره ثانيه على مرضاها

وحده من المرضى طلبت منها انها تسحب لها الافرازات المخاطيه اللي في فمها وقالت لها طيب اجيب قفازات وارجع لك

ومع الزحمه ما قدرت تروح لها

وراحت لها بعد ساعتين لقت الحرمه ماتت

كلمت الدكتوره بسرعه وحاولوا يسعفونها بس المريضه ماتت خلاص

وهي الحين حاسه بالذنب وتحس انها السبب في موتها

البنت حالتها صعبه تقول الوم نفسي والا الوم المستشفى اللي ما وفر لنا ممرضات
حتى المرضى اللي فيهم امراض معديه يكونوا مخلوطين مع المرضى الثانيين

ويكون مسئول عنهم شخص واحد

البنت حاطه اللوم على نفسها اكثر

بنات انا مو قادره اوصل المعلومه لاني ما عشت اللي عاشته بس هذا اللي فهمته منها ودي اهديها بس مب عارفه

البنت ما شاء الله عليها شاطره وشغيله وعندها ضمير وهذا اللي مخليها ما تنام

ودي اساعدها بنات