حلوى الرمّان جديد ورائع .. من مطبخي فقط .. نور..*

حلوى الرمان :))
أكيد متشوقين تعرفو المقادير والطريقة :))

ولايهمكم
المقادير :
عصير رمان طازج
بكيتين كريمة دريب ويب بودرة
علبة قشطة بوك أو أي نوع آخر
لبن شمينت أو لبن عادي
حليب مكثف ومحلى
بكيتين جلي فراولة
صبغة لون طبيعي (ممكن الاستغناء عنها )
بسكويت أوريو
بودنج شوكلاته أو كريمة شوكلاته
الطريقة :
الطريقة
اول شيء بتجيبي كريمة بودرة وبدال ماتخفقيها مع الحليب أو الميا المتلجة بتخفقيها مع عصير الرمان وبنفس العيار تاع الحليب او الميا
المهم بس تجهزي الكريمة وتكون تمام
بتجيبي علبة قشطة وعلبة لبن شمينت ولو مافي استخدمي لبن عادي واخفقيهم منيح وزيديهم على الكريمة اللي عملناها بالرمان وزيدي كمان مقدار فنجان من الحليب المكثف المحلى
بعدين جيبي بكيتين جلي فراولة او اي نكهة تانية بس افضل الفراولة ومثلا لو بدها كاستين ميا حطيلها كاسة واحدة بس وبس تبرد بتضيفيها للمزيج
بعدين بتجيبي بسكوت أوريو بتفتفيه مع قشطة او حليب مكثف وبتفرديه بالصينية بعدين بتديري المزيج وبتحطيه بالتلاجة لحد ما تجمد وممكن بالفريزر لو مستعجلة عليها وبعدين بتزينيها ببودينج شوكلاته او كريمة شوكلاته ورمان واي اشي بيجي ببالك تزينيها فيه وصحة وعافية :))

نطحن الأوريو مع حليب مكثف ومحلى ..

منفرط الرمّان

وعصرته بهاي الأداة


عصير الرمان صار جاهز مشان نخفق فيه الكريمة بدال الماء المثلج او الحليب المثلج ..


الآن بعد ما خفقنا الكريمة مع الرمًان بنضيف اللبن والحليب المكثف والقشطة ..

الجلي بنضيف عليه نصف كمية الماء المطلوبة بالاساس وبعدين بنضيفه على المزيج وبنخليه بالتلاجة حوالي 8 ساعات مشان يجمد وممكن تحطيه بالفيزر لو مستعجلة شوية

صور أخرى للحلوى الجديدة واللذيذة ..