لمتنا السورية اهلا وسهلا فيكم لشهر ذو الحجة1431

حبيباتي سامحوني لانو المقدمة مختصرة لأنو لاب توبي خربان وعم يستخدم الاي فون وما بدي قلكن كيف طلعو عيوني وانا عم اكتب وما عارفة أتعامل معو متل اللاب توب بس كان لازم افتح الجز الجديد بس يرجع اللاب توب بعوضكن

حبايبي اتمنى انكم تستفيدوا من هالدعاء

من امس وانا اكتبه واعدل فيه

http://forums.3roos.com/showthread.php?t=577357


F:

السلام عليكم كل عام وانتو بخير شهر مبارك عجميع يسعد صباحك كاتي وان شاء الله ربي بيطعمك الحج انت وكل مشتهي لانه عن جد الحج رائع ويلي بيروح مرة بيصير قلبه معلق وبيتمنى يروح كل مرة نحن اخذنا زوجي على منى يوم الجمعة لنشوف التطورات تحركت مشاعرنا ههههه واشتهينا الحج والله حتى ابني يلي صف رابع رجع عم يقول المنظر ما عم يروح من بالي واشتهيت الحج على قد منى الله يعطيهم العافية ويجزيهم الخير مو صايرة حلوة وفيها تطورات خطيرة وتوسعات كتيرة بقا الله يطعمنا ويطعم كل مشتهي ويباركلنا بالعشر ويحسبنا مع الحجيج بالأجر

السلام عليكم ورحمة الله
اهلين كاتي وانتي بالف خير وسلاااامة يارب والجميع بهالشات الحلو وربي يسعدكم جميييع ويحقق مناكم يارب

له ياكاتي لعنة اللاب توبات وصلت لعندك ... مونو وسورية زواجهم مستعيرين اللاب توب وانتي خربان ,,, عارفة راح احصن لاب توبي خخخخخ
والله بخاف عليه ههههه مع ان في بالبيت لاب توب زوجي ولاب توب ابني محمود بس العيرة مابدّفي:D

وامين يارب نجتمع عند الكعبة الله يكرم كل مشتاق ومحب هالزيارة الحلوة
انا رديت مبارح على الماضي بس اتسكر الموضوع بس راح ارجع حط رابط اليوتيوب :o
منشان تتأكدي ابلة اني تلميذة نجيبة :p

هلا لولوة وعليكي السلام ورحمة الله ,,, وربي يجعله شهر مبارك عليكي كمان وعلى عيلتك ياقمر
واي ماشالله المشاعر تبع الحج كلها تغيرت حتى سمعنا انهم راح يشغلوا قطار منى ... الله يعطيهم العافية جهود جباارة بصراحة
وبالفعل الحج من اجمل شي عملته بحياتي وخاصة النفرة كان بغااية الروعة الله يكرمنا ويكرم الجميييع وربي يهدينا ويتقبل منا يارب

[YOUTUBE]_KEOlgAQ8gU[/YOUTUBE]

لؤلؤة الشام0;13620467:
السلام عليكم كل عام وانتو بخير شهر مبارك عجميع يسعد صباحك كاتي وان شاء الله ربي بيطعمك الحج انت وكل مشتهي لانه عن جد الحج رائع ويلي بيروح مرة بيصير قلبه معلق وبيتمنى يروح كل مرة نحن اخذنا زوجي على منى يوم الجمعة لنشوف التطورات تحركت مشاعرنا ههههه واشتهينا الحج والله حتى ابني يلي صف رابع رجع عم يقول المنظر ما عم يروح من بالي واشتهيت الحج على قد منى الله يعطيهم العافية ويجزيهم الخير مو صايرة حلوة وفيها تطورات خطيرة وتوسعات كتيرة بقا الله يطعمنا ويطعم كل مشتهي ويباركلنا بالعشر ويحسبنا مع الحجيج بالأجر

حبيبتي الله لا يحرمني هالدعوة شو مشتهية زور الكعبة زرتها أنا و صغيرة كم مرة بس ما متذكرة شي الله يكتبلي إياها عن قريب اجمعين ان بإذن الله

الدمشقية;13623227:
السلام عليكم ورحمة الله
اهلين كاتي وانتي بالف خير وسلاااامة يارب والجميع بهالشات الحلو وربي يسعدكم جميييع ويحقق مناكم يارب

له ياكاتي لعنة اللاب توبات وصلت لعندك ... مونو وسورية زواجهم مستعيرين اللاب توب وانتي خربان ,,, عارفة راح احصن لاب توبي خخخخخ
والله بخاف عليه ههههه مع ان في بالبيت لاب توب زوجي ولاب توب ابني محمود بس العيرة مابدّفي:D

وامين يارب نجتمع عند الكعبة الله يكرم كل مشتاق ومحب هالزيارة الحلوة
انا رديت مبارح على الماضي بس اتسكر الموضوع بس راح ارجع حط رابط اليوتيوب :o
منشان تتأكدي ابلة اني تلميذة نجيبة :p

شفتي يا دمشقية الحظ ولما خرب لاب توبي حكيت نفس الشي أكيد في حد داعي علينا ما في مجال بس قولي عندي بديل صحيح عم يطلع عيوني بس اهم شي انو يفي باللغرض لوقت ما اجيب لاب توبي هاليومين و الفيديو ما طلع عندي لازم تحطي يلي بعد اليساوي في خانة اليوتيوب يلي فوق بوكس الرد باقتباس اخر سطر من جهة اليمين هيك طلعت معلمة فاشلة

السلام عليكم ورحمة الله
كيفكم ياحلويين والله اشتقتلكم كتيييييييييييييييييير ومبروك علينا التجمع الجديد وان شاء الله عقبال لما منتجمع كلياتنا بالحج وعلى جبل عرفات آآآآآآآآآآآآآآآآآآآآآآآآآآآآآآآمين يارب العالمين
كاتس صمصومة قلبي كيفك وحشتيني الف سلامة على لاب توبك مافي لاب توب سالم ههههههههههههههه بس والله مو من عيني وعلى العموم بس تصلحيه حصنيه خخخخخخخخخ بوسة كبيرة لتالا العسل
لؤلؤة الشام وانتي بألف خير وان شاء الله العيد الجاية تكوني من حجاج بيت الله الحرام

دمشقية تقبري قلبي والله اشتقتلك وهالاسبوع ماكان يخلص لحتى شوفك
لولية الله يسعدك يارب ويخليلك امك وابوك وان شاء الله ربي ببيض وجهك وبتنسي تعبك والف مبروك لبنوتك وعقبال التالتة
وسلامي لكل البنات مون وشامية وبنوتة وسمورة وبيرل وان شاء الله ماكون نسيت حدا

يسعد مساكم ياحلوين وياغايبين

كاتس وبعدين يعني شو هالمصلح الفاشل ماكان يخلص اللاب توب وحشتيني
ومنشان انك معلمة فاشلة لا لا بس الغريب ان الفيديو ظاهر عندي .؟؟؟ هلأ بجرب مرة تانية وبشوف
طمنيني عنك اكيد ياعم تعزلي يابالسوق ... انا والله عم عزل ركن ركن ومبارح واليوم شالين دهان زوجي دهن وانا عملت حركة حلوة بالحيط عجبته
بقصد عملنا ورشة دهان ههههه وباقي شوية تنضيفات خفيفة وكل عام وانتو بخير
شو اخبار الحلو بالعيد جاهز ولا عمل ايدك ؟ انا عن نفسي اعتقد بل اجزم انه جاهز لان اصلا مافي حدا يجينا غير اختي الله يخليلي ياها يارب

وهلأ الفيديو طالع ؟ والله عم اعمل كوبي لبعد اليساوي وادرجه بخانة صغيرة مكتوب عليها يوتيوب

[YOUTUBE]_KEOlgAQ8gU[/YOUTUBE]

لولية الله يقويكي يارب ويبيض وجهك وهو ابيض دوووم ماشالله
والله يخليلك اهلك وان شالله بتمر الحفلة على احسن وجه وربي يديم الافراح عليكم يااارب
وماتنسي الصور على الفيس بوك

سورية بعيد الشر عن قلبك ... الله يخليلي ياكي يارب
انتو شايفين حالكم علينا يالله هانت الخميس قرب ههههه والجمعة ...وهيك ان شالله دوم النت شغال عندك

لولية يعطيكي الف عافية يا رب وان شاء الله بس تشوفي بنتك عم تضوي متل القمر بالحفلة رح تنسي كل تعبك و عقبال ما تشوفي بناتك في بيوت أزواجهن و تفضو لبعض انتي وابن عمك

سورية يا سورية وانا عم قول قلبي الو زمان ما دق مزبوط كاين صمصومة قلبو غايبة ما تبقي تبعدي عنا كتير وتالا بتبوسك و بتعضك كمان لأنو العضة محبة و ما مخلية مكان الا عضتني في. طمنيني كيف هدى خانوم مغلباكي ولا مرضية متل أمها و خالتها شو جبتيلا للعيد بموووووت على شغلات البنات الله يخليلنا إياهم.

دمشقية عيوني امتي مو الغلط من المصلح الغلط في جوزي صحيح استعجل و اخدو على التصليح بس ما عارف يروح يجيبو و عم يروح على البيت و بكسل يرجع يطلع خصوصي انو بعيد عن شغلو و عن بيتنا بس رح احكي لبابا هاليومين يروح يجيبلي اياه خصوصي هاليومين صارت معي شغلة عجيبة مع تالا بحكيها برد لحال. ومبارح نزلت أنا وخواتي على السوق وتركت تالا مع ماما وأخدنا راحتنا و كلهم اشتروا الا أنا لأني حابة أخد راي جوزي بحب زوئو كتير بس اخدت فكرة عن الموجود اما التعزيل بديت بغرفتي و غرفة تالا و نزلت الشتوي بقي المطبخ اليوم ما في شغل كتير لأني دايما واقفة في و بعزل و الي نزلة على السوق مع جوزي اليوم او بكرا و الي موعد مع الدكتورة كمان بكرا و عم فكر بهدية لجوزي و ما عم تيجيني ولا فكرة. حابة شوف شو عملتي حركة بالدهانات في بيتك بحب أفكارك كتير بتعجبني. اما الحلو كمان جاهز ما في مجال اعمل شي. يمكن الفيديو ما بين عندي لأني عم بشتغل على جهاز الاي فون ايمتى ارتاح منو قهرني

اما يا حبيباتي شوفو قصتي مع تالا قبل يومين البنت صبحت إسهال و استفراغ بعيد عنكن و صحبيتكن استنت للضهر وتالا على نفس الحال حملتها على اقرب دكتور أعطاني اعمللها فحوصات و عملتهن بنفس اليوم لأنو البنت ما عادت لا اكلت ولا شربت و عم تطلب الاكل وما عارفة تاكل واذا اكلت لقمة تستفرغها المهم كل الفحوصات طلعت سليمة و حكالي الدكتور البنت ما فيها شي و رحت على كمان دكتورة يلي دايما بعالجها عندها وفحصتها و استغربت انو ما في شي وتالا مقضياها نوم ولا اكل ولا شي استنيت لتاني يوم نفس الشي وما عادت قادرة ترفع راسها اخدناها أنا و جوزي على الإسعاف وما حد عرف شو فيها روحنا و صليت المغرب والله هداني افتح على الرقية الشرعية للعين و الحسد بصوت شيخ و حملت تالا وهي ما قادرة تتحرك و شغلت الجهاز و بدت تالا تصرخ و تبكي مع انها كانت مو قادرة تحكي و خلص القران من هون و تالا نامت من هون و أنا رجعت قرات الرقية على المي يلي بتشرب منها و صحيت كم مرة تشرب مي و الحمدلله ما استفرغتها و نامت لبعد ساعتين بسم الله ولا كانو في شي و بدها تطلع مشوار و تدور على شنتتها و ما كزبنا خبر و طلعناها و روحنا و طلبت اكل وما احلاها بإذن الله بعرف طولت عليكن لولا الشغلة صارت معي ولا كان ما صدقت أنا دائما بقرأ عليها بس ما كنت التزم بآيات الرقية نفسها و تزكرت كلام دمشقية افضل وقت للرقية هو بعد المغرب والحمدلله عن جد انو الناس بتحسد القط على عافيتو

مساء الخير

حبيباتي تفضلوا هون

مسا الخير عكل الحلوات شكلنا كلنا بدنا تعويذة مونو بس لنلاقي مونو بالاول شو صار معنا ماعم نعرف نجتمع ولا نحكي الله يجمعنا على خير الله يعطيكي العافية يادمشقية ورشة دهان مرة وحدة ههههههههه سورية الله يخليلك كتاكيتك وينعاد عليكم العيد كاتي الحلوة الله يقويكي عشغل العيد والشتا مع بعض تعب بس حلو هيك بحس انتظار العيد حلو بس بين الاهل طبعا مو بالغربة الله يفرجها عجميع والله يحفظلك تالة يارب ويحميها من كل مكروه ولا تنسي تحصنيها دايما متل ماكان الرسول عليه الصلاة والسلام يحصن الحسن والحسين رضي الله عنهم كان يقول اعيذكم بكلمات الله التامة من كل شيطان وهامة ومن كل عين لامة انا الحمد لله ماعندي تعزيل لاني وقت اجيت من الاجازة عزلت البيت كله بس حابة اعمل شوية بتيفورومعمول طبعا النا مو للضيافةهههههههههه لانه مافي حدا يجي يعايد علينا واذا عملت رح صورهم واكتبلكم المقادير