••● تجمع أمهات وحوامل سلطنة عمان لشهر ذو الحجة 1431 ه ( 40 عاما,دمتي يآ عُمآن)●••

سيدة القوم;13620016:
يا ربي :'(
بس إذا تاخذي كلامي لا تكبري السالفة.. كلمي أخوك بروحه على جنب.. وقوليله ليش سويت هالحركة.. ولدي صغير وما يفهم وتكسر بخاطره كذي!!
في النهاية مثلما قلتي .. انتو خوان..
ويمكن زوجته توزه وتلعوز راسه عشان كذي تصرف هالتصرف..
إلا إذا هو مسويها مرات قبل..

الله يهديهم

Al Hanoof;13620014:
تعرفي شكل ولدى كان كانه طرار و جالس قدام بيتهم :'(

كسرة زجاج;13620046:
طيب لو رحتي انتي تيبيه وتقوليله بل عب انا مك
ونتي عاد بطريقتك وديه يشوف تلفزيون وله ترسمين انتي وياه
او اي شي اهم شي لايكون بروحه وحزين ...
تراه مب زين ع الاقل انه يلعب مع امه شي غير بيحس به
لان ولاد اخوك يلعبون بروحهم ما مع امهم

Um 3abadi;13620045:

الله يسلمك حبيبتي

قليل من المحلات عندهم تنزيلات

وصلنا الخميس الساعه 3 الفجر ...
الساعه 12 رحنا دبي مول .. لين الساعة 12 ونص بليل :lol:
انكسرت رجلي من المشي
بس لان كنا شلة كل وحده تريد من محل معين .. بس وناسة

انا شريت لي ملابس للحمل من premaman ..
ونعال الله يكرمكم من nose ..
وشوية تيشرتات من bershka و pull&bear ..

وطبعا ما خليت زوجي ونفس الشئ خليته يلم تيشيرتات مع ان حاط في باله اوين 3 تيشرتات يكفوني ..

في وايد اشياء عجبتني بس مشكلة المقاس ما احصل M واخاف اخذ S وبعد شهر ما اقدر البسهم ..

يوم الجمعة رحنا الغرير وفصلت لي عباة من سويت ليدي عندهم تشكيلات روعة
الشله الي معاي كل وحده فصلت على 3 و 4 ..
زوجي يقولي فصلي بعدج عروس بس كنت تعبانه مالي مزاج فصلت وحده بـ 2500 درهم

ودخلت باريس غاليري اخذت لفه فيه .. عجبتني نظارة بس ما اخذتها ..

وبعدها على دبي فيستفال .. اممم زوجي اشترى من هناك جينزات وانا اخذت فستان نعومي من MANGO ياخي مانجو مالهم غيييييير وايد كولكشن منوع عندهم ..

ŚũҝąЯ Ŋă3m;13620099:
هااااااااااي صبايا

كل عام وانتوا بخيييييير ..

حلوه الافتتاحية فدووو

Um 3abadi;13620077:

الهنوف

وسعي صدرج .. المهم شفتيها كيف تعامل يوسفاني .. طنشي حبيبتي .. مع انه ياهل حبيبي ماله ذنب

وعلى سالفة تغيير النفسية كنت مرة متضايقة من جلسة البيت ومن الوحام

احنا عندنا شقة ملك فالشارجة بس قلت لزوجي ما نروح الشقة خلي فندق ابي اغير
وبالفعل استانسنا

كسرة زجاج

بالنسبة لملابس اليهال انصحج بدبي مول
وايد محلات حلوة ومو موجودة عندنا .. تميزي اولادج باللبس .. طبعا في الغالي وفي المتوسط بس يستاهلوا

انا اخت زوجي انجنت تبي تاخذ لبيبي قلت لها بعدنا ما نعرف ولد ولا بنت انتظري تقولي ما اقدر ابي اخذ بس ما شجعتها واستسلمت

اخذت كتالوجات من المحلات عالاساس اعرف البيبي شو احتياجاته لان اول بيبي اوين لازم اتثقف

Al Hanoof;13620000:
تعرفي سيدة منظره هو الى كسر خاطري و خلاني اصيح

و اختى رايحة تجيبه و يقولها انا اريد العب معاهم بس ما اسوي شي و الله :'(:'(