sarabooo;13616016:
وانتم طيبين وعلي الخير ملتمين
سؤال المخالفة " بديت نعرف شن معنها سؤال المخالفة :) "
لون الشعر علي الفيلو ...... حايرة فيه شن نديره مع انه خاطري نصبغه لون عسلي وفيه خصلات بيضاء وقهوي هافت لكن قالولي الاسود يطلع احلي علي الفيلو ومالقيتش تسريحات خلوة علي اللون الاشقر خاصة وانا نبي نلبس تاج ..؟؟ اللي تعرف تعاوني فيها المشكلة هدي يجازيها الف خير...لاني فتشت في الصور ومالقيتش تسريحات علي اللون الل ينبيه حلوات ... بشرتي مش بيضاء ولا سمراء عادية ....وسوال تاني لو سمحتو نبي صور علي صالة دانه ونور العين مالقيتش ولا صور ليهم وبكم اللي تعرف لاني مش قاعدة في ليبيا وبارك الله فيكم
اهلين اولا الف مبروك و ان شاءالله بهناك
ثانيا حبيبتي انا انحس لو الفيلو ابيض ممكن اديري الصبغة سوداء بس و الله من قال انه العروس لازم تقعد ع طبيعتها
انتي عروس واضحة اسمك عروس عروس لازم منهن حركات الصبغة و الميش و الحنة و كل ما تنقلع حنة بتحطي مكانها حنة لانه الانظار عليك يعني بتقعدي هك بلا تغير لعند ما تجيبي
و بعدين هي مش كلها حمامات الحكاية فيها طلوع و زيارات و مناسبات و افراح بيقعدوا الناس ايشوفوا فيك بعد الفرح و يقولوا كيف ما هي ما تغيرت بكل و كانها مش متزوجة هذي اسمها زينة و الزينة مطلوبة للزوج و لكي انتي شخصيا يعني لو مثلا اللون ابتاعك الطبيعي مش خايل عليك بكل و خطيبك شا يفك بيه لعند ما باطل اذا فاتحة طبعا بتقعدي بيه غيري و لو ما تبيش ميش ديري صبغة و انا صبغته بعد عرسي في عرسي كنت دايرة ميش و بعدها غيرت و توا ع العيد ان شاءالله بنقص شعري و ندير انيو لوك كيف ما يقولوا راهو الراجل ايمل يبي تغير صح هم ايقولك انحبو الطبيعه بس التغير مطلوب و بعد ما يشوفك صابغة و مغيرة ايقولوا و ين هالسماحة بالعربي و انا توا خاطري نصبغه و نميش حتي التميش اخري بس حاليا ما نقدرش بنكتفي بالقص و خلاص
ع فكرة توا في كريمات و شامبوات و بلسم لو دايرة في شعرك شنو ايساعدن ع ترطيبه و حيويته
و اسفه ع الاطالة بس اهو الواحد يقول رائيه و اختلاف الرأي لا يفسد للود قضية
قدرك كبير موضوع الصلات الي قلتيلي عليه و الله ما حصلت معلومات جديدة بس توا نسال
و رقم الطباخة توا نبعته ع الخاص و عندي العنوان بالتفصيل حاليا
