خوات زوجي الاربع لم يتزوجن

السلام عليكم

خواتي عضوات منتدى عروس انا حابه اشارككم قضيه امر فيها انا متزوجه ولله الحمد زوجي له اربع

خوات سبحان الله كلهم في سن زواج اصغرهم عمرها 29 سنة طبعا انا ما احب اسميها مشكله

لان هالشي ابتلاء من الله كلهم الى الان ربي ما كتب لهم زواج على منهم خلوقات وعلى قدر من

الجمال ظبعا كلهم مخلصين دراستهم ولا وحدة منهم متوظفه يعني جالسات بالبيت بس لهم

حياتهم الاجتماعيه وصداقاتهم يعني مش منعزلين عن الناس ام زوجي انسانه كبيرة في السن

طبعا هي مرة تحاتيهم لان مايخفى عليكم اي ام في العالم تتمنى ان بناتها يتزوجون ويروحون في

نصيبهم لدرجة يا بنات انها كانت تقولي انا ودي ازوج بناتي وربي ياخذ امانتي على طول

سبحان الله تقريبا كل قريباتهم اكبر منهم واصغر تزوجو وهم لا انا احيانا ابي اذكرهم عند ناس

علشان يخطبونهم بس تعرفون افكار بعض الناس المريضه اخاف يقولون هذي تبي تمشي خوات

زوجها طبعا زوجي مايبين لي هالشي وانا احس فيه شايل همهم زوجي عنده اثنين من اصحابه

مش متزوجين وخلوقين قلتله مرة ليه ما تلمح لاصدقائك عن خواتك قال قصدك ادلل على خواتي

مستحيل والله يابنات الى درجة ان ابوي قالي تبين اكلم اصدقائه وانا خفت يدري زوجي وتصير

مشكله ظبعا يابنات العمر يمشي ومجتمعنا المتخلف مايرحم وانا معاكم مو شرط ان الزواج هو

بيكون الامان والاستقرار ممكن الوحدة تتطلق وممكن الوحدة تترمل وترجع بيت اهلهاواحيانا افكر

اقول لهم اقروا سورة البقرة وداومو على صلاة الليل بس اخاف يزعلون ويتحسسون لانهم في سن حرج شوي طبعا مالي الا الدعاء لهم
انا لثقتي فيكم طرحت لكم موضوعي واتمنى القى الحل عندكم وجزيتم خيرا:L: