(((( مشكلتي مشاكل ))))) ارجوكم ابي منكم مساعده

السلام عليكم والرحمه ..

خواتي عزيزاتي بكتب لي مشكلتي وادري انكم مابتقصرون ..

مشكلتي مع زوجي و مزاجي المتقلب ..

زوجي احبه واموت فيه وما اتخيل حياتي من غيره , وامه وابوه طيبين وساعات اكرههم مع انهم يعاملوني بمعامله زينه بس الابو ( عمي ابو زوجي ) يعامل زوجي مثل الدخيل في البيت ويطرده من البيت اكثر من مره وهو عارف ان حالتنه الماديه ماتسمح ان نسكن في شقه ( يبي يقهره بس ) وكل ما اسمع هالحجوه اسكت بس في داخلي ناااااااااار وماقدر اطلعها لأن ابو زوجي ومو حلوه اني اكون ضده واكلم زوجي وهو في حالة غضب من ابوه جذي راح اشب نااار بينهم ..

وعمتي ( ام زوجي ) هي طيبه وزينه بس فيها حركات تنرفزني ,.,

تصورو تجيني الشقه تطق الباب مرتين وعلى طوول تنزل المسكه تفتح الباب وغالبا مايكون مقفول والحمدلله ( يعني لو احنه مثلا قاعدين بملابس النوم او في موقف (..) او اي شي محرج عادي تدش لنه الشقه على طول والله انقهر ..

ومره صادني موقف الباب كان مادري عنه مفتوح وزوجي طلع وكنت في الغرفه بدخل الحمام كنت مغطيه نفسي بالفوطه وجان اشوفها فاتحه الباب وتدش وتناديني .. انه هني صادتني حررررره بسس للأسف ماقدر اطلعها.. في يوم كلمت زوجي ووش قال لي قال عادي مافيها شي لو دشت وانتي كنتي لافه جسمج بالفوطه الحمدلله ماشافتج وبعد بقولكم انربط لساني ..

انه من النوع اللي ماحب انشب نار حتى لو الغلط في غيري ..

ومشكلتي الثالثه مع زوجي .. صارت لنه مشاكل وايد ولازلت احبه ماقدر افارقه .. بس هو وايد يخاف عالفلوس .. ودايما يعايرني بالمصروف ان هو مو مقصر معاي ( هو صح مو مقصر معاي بس كل مااطلب من عنده فلوس يتغير وجهه كأن يعطيني بالغصب وانه ماحب آخذ من عنده بهالطريقه .. صرت أحاسب لكل فلس اصرفه بس عشان لا اطلب من عنده غير المصروف بس بعد مو ملحقه الفلوس بسرعه تخلص والله ساعات اقول اني ماباخذ من عنده خير شر بس احتاج لليهال والله المصروف يروح كله لليهال وانه لما افكر اشتري لي شنطه والا جوتي او اي شي بسيط ماتكفي الفلوس وكل مره اكنسل للغرض للشهر الياي وبعد يصفى المصروف .. صرت هامله روحي ابي اكشخ ابي البس ..

وغير اني لما اقول له نبي نطلع مكان شنو يقول لي يقول ليش هاللعبه بالفلوس بدال مانصرفهم عاللعب خليهم لوقت الضروره وانه هم اسكت هو صح كلامه بس من حقي ابي اطلع ابي اشوف الناس ابي اشم هوا ابي احس بوجودي ابيه يبادلني الشعور .. والله تعبت نفسيتي ومو عارفه اشلون اتصرف جربت معاه كل الطرق ان يتغير بس هو مو راضي , وهو مايعرف شنو الرومانسيه كل ما اعلمه يقول لي صعب علي اني اقولج احبج :'( ويقول لي انه جذي ماقدر اغير نفسي .. والله تعبت ساعات احس اني من غير زوج والله ومااشوفه وايد يا ان ياكل او نايم بس والباقي كله عنده شغل بره , وانه واثقه فيه ماعنده مني مناك ..

وانه للحين اعاني وقلبي احسه بيوقف في اي لحظه لما افكر في علاقتنه ان كانت تتسمى علاقه :'(

وغير عندي اشياء وايد في قلبي والله لو بكتب اللي في قلبي مابخلص ..

اتمنى اني الاقي منكم مساعده او راي او اي شي يحل مشكلتي ويبرد بخاطري .. ارجوكم قولو لي ان كنت غلطانه في شي مابزعل والله ..