نصيحة للبنات الحلوات لاتنخدعووون

عزيزاتي البنات الحلوات وانا اقصد بهذا الكلام البنات اللي بعده بين 15_ 23 سنة. حبيباتي كل وحده فيكم خاطرها انها تتزوج صح ولا لأ؟؟؟؟؟؟؟

اكيد هيه تبون تتزوجون وتعرفون ليش تبون تتزوجون علشان الحب مب الزواج

انا بقولكم مثال:_ معاي انتم يالله

مثلا وحده بنت حلوه وكتكوته وبعدها تدرس تحلم بفارس الاحلام اللي يحبها ويفعل المستحيل من اجلها يكون هو البطل وهو الرجل الذي يسيطر على كيانها ورحها ويجعلها تطير في السحاب

وهذا التفكير تنميه اشياء وايد مثل التلفزيون وافلام الحب والافلام المكسيكيه اللي تعرض حق البنات المراهقات واللي بعدهم ما عرفوا الجنس الاخر انه الحب شي جميل وان المحبوبه تعيش في سعاده وحب وهدايه وطلعات وانه هو الحبيب المخلص وعاد يقصون علينا بأن البطله حلوه وكاشخه اربع وعشرين ساعه والبطل في اجمل زي وكاشخ ووسيم
وان هذا الاحساس اجمل احساس هي ما جربته وبصراحه الممنوع مرغوب
واي وحده في ماكنها بتفكر في نفس الشي وعاد الافلام الهنديه صوب ثاني البطل يضحي بحياته علشان حبيبته ويموت قدامها والبنات عبالهم هذا صدق ويأثر على عقولهم لدرجه في بنات ما يكملون تعليمهم عبالهم ان الريال اللي بتتزوجه هو الظهر اللي بتستند عليه وتعمد عليه وهو البطل المخلص الوفي اللي بتعيش معاه طول العمر وما تحسب حساب حق الزمن

وتظل الفكره مسيطره على الفتاه انها لازم تتزوج علشان الزواج هو الحل الوحيد والسبيل الوحيد انها تحب وتتكلم وتعيش مع رجل يحبها ويعشقها ويكون حلال وامام الناس وغير جي لا يجووووز

لذلك بيكون في بالها وتخيلها انسان من تفصيلها هي واول ما يتقدم لها رجل

تطير من الفرحه وتقول هذا هو وكأن ها الريال اللي تدور عليه من زمان

وتوافق عليه

وبعد جي تتزوج المسكينه وبعدين تدرون شو يصير


1_تفرح كم من يوم انها بصحبه رجل ملكها بروحها

2_تستانس انها متزوجه

3_تفرح بالهدايه اللي في بدايه الطريقه

4_تستمع ببعض الكلمات المعسوله

وبعد مضي شهر او اكثر


5_تشعر انها لم تحصل علي الذي تتمناه او انها حصلت على البعض

مثلا انها كانت تظن ان الزواج كله حب وعشق وفراق وغيره

6_ نسيت انها عليها انت تنجب الاطفال وتربيهم وهذا سوف ياخذ من وقتها الكثير ولن يبي لها سوي الوقت القليل لترعى طلبات زوجها

7_نسيت انها الان مسؤله على بيتها وزوجها واولادها اللي بيون في المستقبل

8_لديها كثير من الاشغال المنزليه

9_ولا تنسون بعض الخلافات الزوجيه والعائلية

وبعد ذلك تدرك انها كانت مخطئة وفي غفله واخر من يعلم ان الزواج ليس قصه حب او فلم هندي انه واقع


انا لا اعني ان الزواج خالي من الحب بل فيه حب حب الزوجه للزوج والعكس وليش فيه حب الافلام فيه حب عشره وموده ورحمه وفيه حب الابناء وحب العائلة .

ربما هذه الفتاه الذي تزوجت بهذا التفكير وهذه الطريقه تتأقلم وتسعد زوجها وربما لا يكون رجل صالحا او لا يتستطيان التفاهم فيأدي الامر بهما الي الطلاق



وبتالي انصح كل البنات كملو تعليمكم خلكم من الخرابيط وقصص الحب

والافلام لأنها مب واقعيه وفكروا بمستقبلكم واذا كنتي بعدج ما كملتي العشرين لا تتسرعين وتتزوجين الحين استمتعي بحياتج وبشبابج تري بعد الزواج الوحده بتسح عمرها خلا ص عجزت لانها بتكون مقيده ومسؤلياتها وايد لدرجه انها ممكن تنسي نفسها


في النهايه اتمني اني ما اكون طولت عليكم وما يكون موضوعي ازعجكم ولكم جزيل الشكر