ممكن تعطوني خبرتكم في سالفة عبادي

هلا خيوو ام عبادي

اتوقع عادي هالشي في واجد جهال ... اول مايدخلون الرووضه يكونون خجولين مع انهم يمكن بره في بيوتهم كلش طبعهم غير ...

ااذا هو في البيت يتكلم ويكتب ويسولف لا تخافين وعرفي انها فترة وبتعدي
لو كان في البيت نفس الشي كنت بقول ليش انه اكيد في خلل ..

وبت بت خالتي نفس الشي ديك بعد ويش اقول ليش
لو تشوفينها يوم الجمعه شرررررررر ماشاء الله عليها ومبلتعه درجة اولى
وفي الروضه العكس تماما : تقول امها في الروضة كله ساكته وحتى الجهال يضربونها ماتسوي ليهم شي
واذا هي بره الروضة تسوي البلاوي ..

وبصراحة قهرني كلام المدرسة مادري المديرة شنو ماعنده ثقه في نفسه ..؟!!!!
جاهل هو مو كبير عمره 20 سنة ..


انتين حاولي بعد تكلمينه بينش وبينه
يمكن في الروضة شي مو حابنه ومن جذي يتصرف هالشكل ومو حاب يقول لاحد
اخذي بالسياسة ؟
وصدق بسالش اللعام كان جذي او غير ؟؟؟ لما كان في الروضة القبليه

ام عبادي
اول شيء الله يطمن قلبش على ضناش
يمكن يكون تصرف ولدش عادي , يعني في اولاد في البيت عادي لكن
في المدرسة شخصية ثانية . وهذي مشكلتي مع ولدي كل ما يشوفوني
مدرساته يشتكون من هدوءه الزايد , اقول لهم تعالوا البيت شوفوه ما تعرفونه
كله مناقز وحركة ما شاء الله ما يقعد . اهم شي ان في البيت تصرفه عادي
ويمكن للحين ما تأقلم على الوضع الجديد ( روضة واخت صغيرة الله يخليها)

لا تخافين عليه بعده صغير وايد يهال المكان عليهم غير يستحون وانتى بعد اساليه يمكن المدرسة مصارخة على احد قدامة وخاف او يمكن واحد من الاطفال ضربه او الروضة ما حباها كلشي يجوز . ومدام ان فى البيت عادى لاتحاتينا . الله يخليه ويا اخته .

لا تخافين ولا تحاتين اذكر مرت عليي طفلة في الروضة تمت طول السنة ماتتكلم لا ويا الأطفال ولا المعلمة لدرجة ان كنا نسوي ليها الامتحانات والتقييمات عن طريق التلفون يعني تكون قاعدة ويا امها في البيت والمعلمة تتصل فيها وتسألها وكانت تجاوب عادي :!!: ، يمكن ولدش نفس الشي مو قادر يتأقلم ويا جو الروضة خاصة انه في مستوى أول يعني ابتعاده عنش واختلاطه بغرباء ومكان غير مألوف يعتبر تجربة صعبة بالنسبة ليه وغير جدي توش والدة ويمكن الغيرة لاعبة دور في الموضوع ، المطلوب منش الحين تعززين ثقته في نفسه ولما ينطق كلمة خطأ كرريها على مسامعه من غير ما تضحكين ونبهي الأهل لهالشي وبعد ضاعفي جرعات الدلال والاهتمام وانشالله ما فيه الا كل خير وطمنينا على الحلو F:

اي صح ام عبادي نسيت اقوول ليش
انتين ماعلمتين ولدش انش تضربينه اذا سوه شي من لما هو صغير والمفرووض الحين ماتضربينه بتاتا وخصوصا انه صارت عنده اخت
يعني لو قبل كنتين تضربينه يمكن الموضوع عادي
بس الحين كلش غير لانه بحس بغيره كبيييييييييييييييرة وبغار منها اكثر اذا شافش اتغيرتين عليه بسببهافحاسبي من هالسالفة وتعرفين الجهال اذا غاروو مشكلة

والله يخليهم ليش

um 3looy;13576008:
هلا خيوو ام عبادي

اتوقع عادي هالشي في واجد جهال ... اول مايدخلون الرووضه يكونون خجولين مع انهم يمكن بره في بيوتهم كلش طبعهم غير ...

ااذا هو في البيت يتكلم ويكتب ويسولف لا تخافين وعرفي انها فترة وبتعدي
لو كان في البيت نفس الشي كنت بقول ليش انه اكيد في خلل ..

وبت بت خالتي نفس الشي ديك بعد ويش اقول ليش
لو تشوفينها يوم الجمعه شرررررررر ماشاء الله عليها ومبلتعه درجة اولى
وفي الروضه العكس تماما : تقول امها في الروضة كله ساكته وحتى الجهال يضربونها ماتسوي ليهم شي
واذا هي بره الروضة تسوي البلاوي ..

وبصراحة قهرني كلام المدرسة مادري المديرة شنو ماعنده ثقه في نفسه ..؟!!!!
جاهل هو مو كبير عمره 20 سنة ..


انتين حاولي بعد تكلمينه بينش وبينه
يمكن في الروضة شي مو حابنه ومن جذي يتصرف هالشكل ومو حاب يقول لاحد
اخذي بالسياسة ؟
وصدق بسالش اللعام كان جذي او غير ؟؟؟ لما كان في الروضة القبليه

:thumbs_up::thumbs_up::thumbs_up:

بوح الكلمات;13576595:
لا تخافين ولا تحاتين اذكر مرت عليي طفلة في الروضة تمت طول السنة ماتتكلم لا ويا الأطفال ولا المعلمة لدرجة ان كنا نسوي ليها الامتحانات والتقييمات عن طريق التلفون يعني تكون قاعدة ويا امها في البيت والمعلمة تتصل فيها وتسألها وكانت تجاوب عادي :!!: ، يمكن ولدش نفس الشي مو قادر يتأقلم ويا جو الروضة خاصة انه في مستوى أول يعني ابتعاده عنش واختلاطه بغرباء ومكان غير مألوف يعتبر تجربة صعبة بالنسبة ليه وغير جدي توش والدة ويمكن الغيرة لاعبة دور في الموضوع ، المطلوب منش الحين تعززين ثقته في نفسه ولما ينطق كلمة خطأ كرريها على مسامعه من غير ما تضحكين ونبهي الأهل لهالشي وبعد ضاعفي جرعات الدلال والاهتمام وانشالله ما فيه الا كل خير وطمنينا على الحلو F:

تسلمون خواتي على الردود
والله ريحتون قلبي وطمنتوني

ام علاوي اتصدقين انه اللعام في الروضة كان المدرسة تقول انه عادي ويا الجهال
اني بعد اقول يمكن المدرسة مرة صارخت علية وهو الحين خايف منها
لانة هالروضة وايد متشددين
يعني يعلمون الطفل يعتمد على نفسة في هالسن هو وايد زين انه يعلمونة الاعتماد على النفس
وخصوصوا ويا عبادي
لانة وايد اعتمادي في سالفة الاكل
ووايد كنت مضايقة في بدايةو دخولة الروضة انه تباه بروحه يفتح الاكل وياكل وهو مايرضى لازم احد يجي يقول لة اكل ولا اشرب عصير
ويمكن هي عصبت علية مرة عن هالسالفة ومن جدي خايف منهاااا
على اني جم مرة اتكلم وياها احسها وايد احليوة وطيوبة بس بعد مايندرى اشلون تتعامل ويا الجهال

وعن سالفة الضرب والله ماتتوقعين اشلون قلبي يعورني علية لانة صاير يعاند واجد وتعرفين اشلون يتغير الوضع لما الوحدة تكون توها والدة من جدي اعصابي ماتتحمل واطر اني امد يدي علي اني مابرر لنفسي ادري غلطانة
وقد مااقدر اجود اعصابي
:(

لا تخافين عادي كلشش
اني ولدي بصراحة هادئ حتى في البيت بس هداار درجة اولى
لكنه راح سنتين روضة وطول هالسنتين وهو لحاله ما يتكلم الا اذا سالوه وبصوت واطي ويترافق وية جهال بس على خفيف يعني مو اجتماعي ومدرسته واجد تشكى منه ان يكتب بطيئ وهو مو بطيئ بس ما يكتب في الروضة زين ما ادري ليش!! وكنت واجد مضايقة من هالشي واحاتي المدرسة واجد احسه اذا ظل جدي بيأثر على مستواه بس الحين في المدرسة اشوفه اهون من قبل والحمد لله والله يهديه ويكون دائما للاحسن
اني ولدي راح الروضة وعمره 4 انتين فرق ولدش لحين صغير وتوه مستوى اول واكيد بعدين بيطور وطلبي من المدرسة تهتم فيه اكثر عشان يحبهاا ويترافق وياها ويتكلم وياها
ترى اني سويت هالشي وحتى قمت اخذ وسايل وانشطة جاهز اخليه يوديهم لمعلمته وكان يستانس وااجد ويتشجع ان يتلكم وية المعلمة بروحه من غير ما تكون سالته او شي واشتري هدية يوديها الى المعلمة احس هالشي يطور منه وطبعا اخذ حلاوة واطلب منهم يخلون صدوقي يوزعه عالجهال بالصف عشان يتشجع ويتحرك ويتقرب من الجهال

وسالفة الضرررررب غلط غلط يا ام عبدالله لو كنتين من قبل تضربينه بنقولل ما على اما الحين يوم ولدتين وصار عنده اخت لاااااااا اكبر غلط خيوو
والله يهديه ان شاء الله

حبيبة جيمي;13578406:
لا تخافين عادي كلشش
اني ولدي بصراحة هادئ حتى في البيت بس هداار درجة اولى
لكنه راح سنتين روضة وطول هالسنتين وهو لحاله ما يتكلم الا اذا سالوه وبصوت واطي ويترافق وية جهال بس على خفيف يعني مو اجتماعي ومدرسته واجد تشكى منه ان يكتب بطيئ وهو مو بطيئ بس ما يكتب في الروضة زين ما ادري ليش!! وكنت واجد مضايقة من هالشي واحاتي المدرسة واجد احسه اذا ظل جدي بيأثر على مستواه بس الحين في المدرسة اشوفه اهون من قبل والحمد لله والله يهديه ويكون دائما للاحسن
اني ولدي راح الروضة وعمره 4 انتين فرق ولدش لحين صغير وتوه مستوى اول واكيد بعدين بيطور وطلبي من المدرسة تهتم فيه اكثر عشان يحبهاا ويترافق وياها ويتكلم وياها
ترى اني سويت هالشي وحتى قمت اخذ وسايل وانشطة جاهز اخليه يوديهم لمعلمته وكان يستانس وااجد ويتشجع ان يتلكم وية المعلمة بروحه من غير ما تكون سالته او شي واشتري هدية يوديها الى المعلمة احس هالشي يطور منه وطبعا اخذ حلاوة واطلب منهم يخلون صدوقي يوزعه عالجهال بالصف عشان يتشجع ويتحرك ويتقرب من الجهال

وسالفة الضرررررب غلط غلط يا ام عبدالله لو كنتين من قبل تضربينه بنقولل ما على اما الحين يوم ولدتين وصار عنده اخت لاااااااا اكبر غلط خيوو
والله يهديه ان شاء الله

هلا حبيبة جيمي
اني بعد واجد قمت احاتي سالفة المدرسة وحتى تقيمة هالسنة
هو فعلا روضة بس مابتحمل لو جاب لي تقيمة اقل من الي وياه
ووايد عجبتني سالفة الحلاوة والهدية للمعلمة احسها راح تكسر الحاجز بينة وبين المعلمة والاطفال راح اطبقها ان شاء الله
مشكورة خيوو على المرورF:

ام عــلاوووي;13579186:

اول شي الله يخلي عبادي واخته ..

تاثرت من كتابتش للحدث كثييير ..

وأنا اتوقع انو في عدة عوامل خلته متغير ومنكمش ع نفسه ..!!

لكن الوقت ما فات ..

بعده قدامش وتقدرين تصلحين الاخطااء ..

ويرجع طبيعي واحسن من قبل بعد ..!

،

* اول شي التغير من روضه الى روضه...

والانتقال من عالم بداء يتأقلم عليه ..

الى عالم جديد مره ثانيه !!

صعب علينا كا كبار فمابالش بطفل ..!

،

* وثاني شي الظروف الا محيطه فيه !

كان الاهتمام كله له وصار في احد يشاركه المشاعر والدلاال ..

والاهتمام وكل شي وبالعكس صار مصدر ازعاج ..

ويحصل عقاب اياًكان سببه ..

الكبير يحس بالغيره كيف الطفل ما يتجاوز 3 سنوات ؟؟؟

...

واكبر غلط الضحك ع طفل مش مع الطفل ..

بجذي تحدين من قوة شخصيته وتاثرين عليه !

وتبعديينه عن الكل وتدخلونه بعزله ..

علشان هيك نبهي ع الكل من اليوم ..

انو نضحك مع الطفل ما نضحك عليه او نستفز الطفل ،

لانه بجذي راح نخلي ثقه بنفسه مهزووووووزه ..!

وهذا الشعوور كثير مؤلم ..

لانو علمياا ومن ما طلعت عليه ..

انو إن افتقاد الطفل للحب مع إهمال الآخرين له،

وعدم احترامهم وتقديرهم له يترتب عليه انسحاب الطفل من المجتمع !

يعني ينعزل شوي شوي ..

وهذا الا حاصل الى عبادي ..!

...

من رأيي / المتوواضع ..

تحاولين تعززين ثقته بنفسه ..

عن طريق اول خطوه من خلال اختيار شي بنفسه ..

وفرض راايه ..!

وتحترمين راايه لو شنو ما كان ..

اي لبسه يبي يلبسها بكيفه .. اي لعبه يبي يشتريها وو

عطيه حرية الاختيار وعطي شخصية حرية الانطلاق ..!

،

ومن جانب اخر من خلال مدرسته بالروضه !!

اشتري هديه يحبها او يتمناهاا هالفتره ..

وعطيها المدرسه تعطيهاا عباادي لاي سبب كان !

مع شوويت مدح وتخبره انه شاطر ومثالي وو ..

من كلام التعزيز والتحفيز له !

علشان هيك حصل الهديه هذي منها ...

،

الفكره بسيطه بس راح تترك اثر كبيير بنفسية الطفل ..

وخصووصا قدام اقرانه من الاطفال ..!

..

وبالنهاايه...

اتمنى ما اكون ثقلت عليج بردي !

واتمنى اكون افدتج بالي عندي ..

وبأنتظار تطورات عبادي للاحسن يارب !

الله يخليه هو والكتكوته يارب ..

وتعدي هالامور بخير ..!

هلا ام علاوي
خيوو ماتتوقعين اني اقراء ردش دموعي صارت على خدي
لانة واني وايد متحسسة من سالفة اني كنت مهتمة في عبادي اخر اهتمام والحين صارت وحدة جديدة تشاركة هالاهتمام وهالشي وايد معورني قلبي علية

وسالفة الضحك خلاص بخلي حد حق هالشي وبنبة على الكل محد ينتقدة بالضحك علية
وفعلا سالفة الروضة اني كنت خايفة من التغير لكن غصب عني لانة الروضة الي فيها سكرت وانتقلوا لمكان ابعد من جدي طلعته منها
وكنت متوقعة انه بيتغير علية المكان بس ماتوقعت بياثر علية الى هالدرجة
تسلمين خيووو على المرورF:

كسر خاطري عدل
تقولين انتين قريبه واجد منه
كلمه وش اسوي في الروضه خليه يسدح يومه في البيت كامل وتابعي وراه يمكن اساعهده مناقشتش للموضوع وياه احاول اغير في روحه بطريقه غير مباشره
الله يهديه وتبلغين فيه

لا تخافين انشاء مرحلة وتعدي يمكن بعده ما يتاقلم وي الجهال او يمكن جاهل فشاله او المعملة حمقت عليه قعدي وياه واسليه ولا تتحسسين بشي واما عن الكلام عادي كلش وطبيعي لان بت اخوي صار اليها جدي ما كانت تتكلم عدل وحتى قالو اليه ما بتكلم وحولوها المركز على السلمانية وقال اليها الدكتور خليها تتخلط بالاطفال وبتكلم وفعلا ودتها الروضة وتكلمت الحين في صفة الرابع ولساتها ويش طوله

ماعندي خبره فلذالك مااقدر افيدك

**ام عبادي القمر**;13578039:
تسلمون خواتي على الردود
والله ريحتون قلبي وطمنتوني

ام علاوي اتصدقين انه اللعام في الروضة كان المدرسة تقول انه عادي ويا الجهال
اني بعد اقول يمكن المدرسة مرة صارخت علية وهو الحين خايف منها
لانة هالروضة وايد متشددين
يعني يعلمون الطفل يعتمد على نفسة في هالسن هو وايد زين انه يعلمونة الاعتماد على النفس
وخصوصوا ويا عبادي
لانة وايد اعتمادي في سالفة الاكل
ووايد كنت مضايقة في بدايةو دخولة الروضة انه تباه بروحه يفتح الاكل وياكل وهو مايرضى لازم احد يجي يقول لة اكل ولا اشرب عصير
ويمكن هي عصبت علية مرة عن هالسالفة ومن جدي خايف منهاااا
على اني جم مرة اتكلم وياها احسها وايد احليوة وطيوبة بس بعد مايندرى اشلون تتعامل ويا الجهال

وعن سالفة الضرب والله ماتتوقعين اشلون قلبي يعورني علية لانة صاير يعاند واجد وتعرفين اشلون يتغير الوضع لما الوحدة تكون توها والدة من جدي اعصابي ماتتحمل واطر اني امد يدي علي اني مابرر لنفسي ادري غلطانة
وقد مااقدر اجود اعصابي
:(

بس خيوو عورتين قلبي عليه .. الله يخليه ليكم انشالله ... ومثل ماانتين عودتينه خلاص انه ماتضربينه من قبل لاتجيبين كوثر واصلي وياه نفس الطريقة ولاتغيرينها ... عشان لايتعقد .. وهدي أعصابش وشوي شوي عليه ... وماشاء الله عليه اني شفته مرة يوم يجي البيت يلعب وي علووي عادي ويسولف وياه
وحتى علوي لما يروح بيت ابوش ويجي يقول لي لعبت وي عبوود .. يعني هو عادي وي الجهال بس يمكن متعقد من هالروضة لانه المعلمة مصارخه عليه او مو عاجبنه الوضع وتوه شهر وشي ما أخذ ع الوضع للحين
وعجبتني فكرة ام علاوي انش تودين للمعلمه هدية وتخلينها تعطيه اياه عشان يتشجع .. ويحب المعلمة اكثر وكلها فترة وبتعدي انشالله ..

واذا في البيت اتكلم وقال بالغلط كلمات معكووسة مثل ماقالت ام علااوي اتضحكوو وياه مو عليه
عشان لايحز في خاطره
واني بعد اسوي وي علوي جذي .. والحين هو بروحه يقول كلمات مخربطة وبروحه يضحك على روحه ولا يطنز على روحه بعد

والله يخليه ليكم ولاتفكرين واجد في السالفة ... F:

هلا و مرحبا ام عبادي
ولدي صغير .. بس عندي خبرة بسيطة من الحياة !


* اول نقطة بالنسبة لعبادي و عدم تكلمه في الروضة
ع الاغلب سببها انتقاله من الروضة الاولى الى هذه الروضة
يعني تأقلم جديد و حياة جديدة و هذا طبيعي ياخذ وقت حق التأقلم !

* رفضه للكتابة مع ان يكتب معاج .. ع الاغلب سبب فرق الاسلوب بينكم الثنتين !!
يعني انتي ما شاء الله تحضنينه و تغمرينه بالحنان في كل خطوة و هذا شي بحد ذاته يشجعه على الكتابة
ع العكس من طريقة الملعمة مهما كانت ممتازة اكيد مو مثلج + احتمال كبيرة انها معصبة عليه و هذا مخلنه يرفض الكتابة !


* بعد ما جبتي الصغنونة حسيتي يعاند .. طيب ليش يعاند ؟؟
ع الاغلب المسكين حاس ان مكانته هذه الطفلة بتاخذها و مو عارف يعبر عن نفسه غير بالعناد !!
نصيحتي لج خليه يشاركج في تربيتج لها .. يعني مثلا عبادي جيب الفوطة لاختك .. عبادي ويش نلبسها اليوم ؟؟ و هيك اشياء بتحسسه بانه اخوها الكبير و بيخاف عليها + ان لا توجهين اهتمامج كله للصغيرة يعني وقت ما هي نايمة لعبي معاه سولفي معاه و هيك اشياء
لا تنسين ان الصغيرة لو تركتينها ساعة او ساعتين ما بتحس بشي عكس البطل اللي بيحز بنفسه لانه اكبر و افهم !


* نصيحتي لج و انتي عارفتنها و متاكدة منها لانها اسلوبج في التربية .. لا للضرب مهما كان الفعل !!


و ربي يهديه و يخليه لج ان شاء الله

ما شاء الله الامهات ما قصروا وكل اللي بقوله شفته في ردودهم

الله يخليه لكم واخته ان شاء الله

ويهديهم

مشكورين خواتي ماقصرتون
الله يرحم والديكم ويخلي لكم كتاكيتكم ان شاء الله

اليوم كنت ناوية اتصل للمدرسة واقول لها فكرت حبيبة جيمي انه يودي حلاوة ويوزعة على الجهال
اكتشتفت انها اتصلت قبل لزوجي كانت تبي تكلمني
المهم قالت لي شي فرحني ولله الحمد
تقول جيتش امس جت بالفايدة
تقول لما قلتين لي انه في البيت يكتب عااادي
قلت بقعد وياه قعدة بروحة بشوفة
فقامت تشجعة وتقول لة يلا اكتب 1 و2 اذا كتبت بخليهم يصفقون الليك وبعطيك حلاوة وجدي يعني اتبعت ويا اسلوب التشجيع
وكتب الليها من 1 اللين ال10 على السبورة
وعطتة هدية اليوم جاي فيها
لانة سوى 1 و2 تلصيق بالاعواد
وواجد استانست عدل
وهو بعد كان مستانس
اقول الليها ريحتين بالي والله
تقول هي لانة العدد واجد عندها في الصف تقول مخلين وياها 29 طفل
مو قادرة تعرف كل واحد ومستواه لانة العدد كبير عليها
حتى يوم شافتة ماشاء الله يعرف وكتب عاادي
قالت الى الادارة انتون ظلمتوني بعدد الجهال وخليتوني اظلم الجهال بعد
واتفقت وياها ان بكرة بيودي حلاوة وبتخلية يوزعهاا على الي ويا في الصف وان شاء الله مايخلص هالكورس الا متعود وصاير عاادي
مشكورين خواتي ربي مايحطكم في هالموقف ان شاء الله
وان شاء الله دائما بالكم مطمن على فلذات اكبادكم