طبق الكشك العصري

ده بقي أول طبق لية انزله علي المنتدي فمعلش اعزروني ان كان اسلوبي ركيك و ن غير صور
طبق كشك مصري عصري

اول حاجة المكونات
2 م كبيرة دقيق
علبة زبادي
زيت
3 كوب شوربة دسمة (بط او وز او حمام)
شوية رز او فريك قد معلقتين كبار
صدر فرخه مسلوق ومقطع نساير
بصلة مقطعة طرنشات للتزين
الطريقة بقي سهلة جدا و مش هاتخد اكتر من 10 دقائق

1-اول حاجة نضيف الدقيق علي الزبادي ونسيبة شويه يخمر
2-عقبال ما يخمر نغلي الشوربة ع النار ونسقط فيها الفريك
3-لما تغلي ويستوي الفريك او الرز نصب عليه خليط الزبادي والدقيق ونقلب بسرعة عشان مايكلكعش وبعدين نضع عليه نساير الفرخة ونستمر في التقليب لحد ما يتقل (علي نار هادية )
4-اول مانحس انه تقل نصبه في أطباق الغرف
4-نحمر البصلة المقطعة طرنشات لحد مايبقي لونها دهبي ونزين بيها الطبق .