الله يسعدكم ضروري تساعدوني ولدي مره تعبان

هلا خيو

من رأيي

تاخدينه عياده الاطفال او اخصائي للاطفال

ولا تجربين معاه اي دواء او خلطه

بدون استشارة الطبيب يمكن ما تناسبه الادويه اللي بتعطينها اياه

واذا بعدها لسخونه وياه شربيه ادول كل 6 ساعات

ولو ما نزلت اعطيه كل 4 ساعات

وما يشوف شر الكتكووت

شكرا حبيباتي الله يعطيكم العافيه على تقديم المساعده

الله يكون بعونك حبيبتي
وترى الحين المرض هاذا منتشر عند الكل صغار او كبار
انا بنتي بعمر ولدك تقريبا وللحين باقي مريضه بس فيه تحسن
انتي روحي لدكتور اطفال وخليه يصرف لك تحاميل للاستفراغ مره حلوه
عاد اسالي اذا تناسب ولدك
الله يشفيه لك واخذي احتياطك لا يعديك المرض

تقبلي مروري
F:F:F:

روحيي للطبيب اختي الحرارة العالية مع الاستفراغ لها دلالات كثيرة مو شرط تكون التهاب اللوزتين هذا تركيزه تخربط او بدأ يكون خامل او ينام كثير على طول للمستشفى اما اذا التهاب اللوزتين الحين وقتة خاصة مع تغيير الجو
تقدرين تنطيه ادول كل 4 ساعات و دواء الاستفراغ ما انصح فية لانة بيعمل مضاعفات كثيرة

الله يشفيلك ولدك ومايشوف شر انا مثلك مره تعب ولدي سخونه واستفراغ واسهال ووديته مستشفى ومافاد وبنفس الوقت وديته مستشفى ثاني اقول ماعندهم سالفه
واخر شي وديته لدكتور مازاد علي الادوية شيء قالي لازم تصبري مافي شي بسرعه والحرارة فعلا مع المضاد يبيلها48 ساعه لما تهدى وطلع عنده نزله معويه فانصحك توديه للدكتور وتصبري على العلاج محنا افضل من دكتور متخصص

ما عليه شر إن شاءالله
الله يطمنج عليه يارب

عطيه ليمون اسود مغلي بمويه وحليه بسكر وحطيه بكاسه وخليه يشربه
واذا استمر الاستفراغ نوموه بالمستشفى خطر يجيه جفاف
الف سلامة عليه

ماعليه شر
واذا استمرت حالته ضروووري تودينه لاخصائي يعطيه تعويض عن الترجيع لاتسكتين عنه

والله ياختي شكل ولدك فية اعظيم
ومايشوف شر إن شاءلله
انا عيالي كلهم كيذا ووديهم عند وحدة ترفعهم من ثلاث ترفيعة يوقف الترجيع والحرارة والاسهال يخف وانتي بكرامة
والدكاترة يشخصونة التهاب في الحلق وهاتي من هالادوية والمضاد وخافض الحرارة غير الثلج يحطونة علية علشان تنخفض حرارتة
وطبعاً من غير فايدة
بس من يوم صرت اشوف عيالي كيذا على طول عند الي ترفع والحمدلله ارتاح واشوف النتيجة بعيوني وعيالي يرتاحون ويرضعون
واتمنى اني افدتك

هلا اختي
مثل ما قالوا البنات احسن تاخدينه الى الطبيب مرة ومرتين اذا ما حسيتي بتحسن

بنتي كان عمرها 6 سنوات وصادها سخونه واستفراغ و4 مرات اوديها المستشفى في غضون يومين واتخيلي في المرة الرابعة حولوني الى السلمانية

وهناك اكتشفوا انه عندها االاتهاب السحائي واسبوعين نايمين في الحجر الحمد لله انه الله سلمها
ما ابي اخوفك الله يشافي ولدك ان شاء الله بس لا تغفلين عنه الحرارة مو زينة لمخ الطفل احسن روحي استشارة واخدي ادوية بدل الوصفات من اي احد

ومثل ما قالت الدكتورة ترى الحرارة الاستفراغ اسبابه كثيرة

الله يطمنك على ولدك ان شاء الله

شكرا لكم اخواتي الله يعطيكم العافيه والحمدلله صار احسن الحين

الله يسلم ولدك ويشفيه .. حبيبتي لا تخافي الأطفال في السن هاذي يمرضون بسرعة وخاصة بهذه العوارض .. انا اطفالي الاثنين يمرضوا كيف ولدك اضافة الي الاسهال الشديد لدرجة اقول انه فيهم شئ مو طبيعي بس والحمد لله تأخذ فترة وتمر صح بتكون صعبة على الطفل وعلى الأم بس هي بتأخذ وقتها وممكن يعطي الدكتور اشياء مساعدة ومسكنة لراحة الطفل لكن لا يستطيع القضاء عليها تماماً ولكن مع الوقت تزول وهذا عن تجربة وايضا من كلام اكثر من طبيب وخاصة الاسهال يقولو انه الأفضل انك ما توقفيه بأدوية بل الافضل الاشياء الطبية مثل مغلي الأرز والنشا والجزر وانا عندي الافضل واللي يعطيني نتيجة سريعة هو مغلي الارز... وايضاً لأنه البكتيريا المسببة للاسهال لو وقفتيه بتبقى ببطن الطفل وممكن تسبب له مضاعفات اخرى لكن لم يوقف لوحده تضمني انه كل البكتيريا راحت ... وبالنسبة للحرارة فأفضل شئ الكمادات اضافة الي خافض الحرارة البنادول وايضاً كبسولات الحرارة اللي من تحت وخاصة بالأطفال .. وانتي الاشياء هاذي لا بد انه تكون دائماً عندك متوفرة لانها ضرورية لكل طفل .. وبالنسبة للاستفراغ بيزول مع زوال باقي الأعراض وانا مرة اعطاني الطبيب دواء لايقافه بس ما انصحك تعطي ابنك اي دواء دون استشارة ..
والله يشفي كل طفل ويحميه ويخليه لأمه .. فهم حياتنا وفلذات اكبادنا

الله يشفيه ويعافية

مثل ولدي بالضبط كل ما أعطيه حليب يستفرغه كاااااااااااااااااااااااااااااااااااااااااامل وما يدش في بطنه شي ويتم يصيح يصيح ولا يسكت لأنه جوعان وإذا أرد أعطيه يرد يستفرغه بالكامل بدون ما يخلي شي في بطنه تيمت على هالحالة يمكن اسبوع أو أكثر..

وديته لعيادة دكتور حسين رحمة (عيادة الرسالة) أني ما أروح الا هناك..ودخلت على دكتور اسمه رفيق واجد تعامله حليو وعلاجه أحلى..عطاني دواء نسيت اسمه ومن ذاك اليوم ما زوع الحمد لله اللهم صلي على محمد وآل محمد..

أنصحش تروحين هناك وان شاء الله ما يجوف شر يا رب