من 3 سنوات وما حملت

السلام عليكم والرحمه ..

شحالكن يا صبايا ؟F:

أنا عضوه يديده وان شاءالله تستفيدون مني وانا استفيد منكم :)

بنات انا الحمدالله معرسه من 4 سنوات الحين وعندي بنت الحين بتكمل 4 سنوات وانا حملت ولله الحمد الشهر الثاني لي من العرس على طول بدون علاج طبيعي ..

وفطمت بنتي وهيه عمرها سنه وسبع شهور ومن فطمتها فكرت اني احمل تميت تقريبا سنه وانا ما تعالجت عشان قلت يمكن احمل بعد السنه اللي كملتها رحت للدكتوره سوتلي فحوصات شامله قالتلي فيج الغدة الدرقية ( خمول فيها ) ووزني زاد تقريباً 25 كيلو وقالتلي نزلي من وزنج عشان تحملين حاولت ولا قدرت وايد الغدة تزيد من وزني ورحت عند دكتوره ثانيه عطتني كلوميد وابره تفجيريه ولله الحمد حملت بس تم اسبوع وسقطت( الحمدالله على كل شي) وعطتني ثاني مره كلوميد و ابره تفجيرية وماحملت وثالث مره عطتني كلوميد و ابره تفجيريه وماحملت .. وعلى فكره ريلي سوا فحص والحمدالله كل شي فيه سليم .

بنات ساعدوني ونصحوني شو اسوي :'(

بنتي الحين تقولي امي ليش انا ما عندي اخوان ولا خوات :( كلهم عندهم اخوان او اخوات وانا ما عندي .. الحمدالله على كل شي وانا راضيه بس اريد احمل :'(