تعالوا واسوني بطعم ولدي بكره تطعيمة 4 شهور

أ

أم علااااااوي

عروس نشيطة

01-11-2010 | 01:25 AM

سلاااااااااااااااااااام يا امهات

فعلاً أحتاج انكم تواسوني وتفيدوني بتجاربكم

بكره بعون الله بطعم ولدي 4 شهور ان شاء الله

وما اقدر اشوف ولدي تعبان او يتألم :(

و الله اني احاتي تطعيمته بكره واحاتي تطعيمة 6شهور
وسنه ونص و من اول ما طعمته اول مره واني احاتي الي
بعدها والي بعدها

وولدي صار له 3 ايام تعبان كحه و زكام و رحت فيه الى عيادة
الدكتور محمد الساعي و أمشي بأنتظام على العلاج والله يشفيه
وخبرته عن التطعيم واذا مريض يمكن ما يعطونه قال مجرد زكام و
كحه عادي اهم شئ مايكون مسخن

وبليييز لاتبخلون عليي بتجاربكم

هل التطعيمه هذه (4شهور) متعبه وتسبب صخونه؟

وشنو لازم اسوي علشان اتفادى التعب لولدي

اعرف اني اول ما اطعمه وارجع فيه البيت لازم اعطيه أدول
انا شريت له كابول من الصيدليه ابغي اشياء ثانيه تنصحوني

والله مو قادره انام احاتي بكره شلون

واكون شاكره لكم يالغاليات

.

... شذى الغربه ...

عروس ركن المطبخ و المائدة

01-11-2010 | 01:32 AM

لاتقلقي غاليتي ولا تخافي

انصحك تجيبي له بعد التطعيم مباشره علاج خافض للحراره

حتى لو تعب قليل هذا طبيعي

الله يوفقك ويحفظ لك ابنك يارب

ب

بنت الاجـــواد

عروس ذهبية

01-11-2010 | 01:40 AM

لاتخااافين المفروض تستانسين وانتي تشوفين احلى علاوي يكبر قدامك

ربي يحفظه لكم ويسعدك يارب

وعقبال يارب ماحس بنفس الشعور اللي وصفته

اضحكي وهو ياخذ الابره ههههههه

أ

أم علااااااوي

عروس نشيطة

01-11-2010 | 01:42 AM

اسيرة الغربه مشكوره حبيبتي على مرورج
اي اكيد بعطيه خافض للحراره انا شريت له
من الصيدليه والله يعين

بنت الاجواد حبيبتي مشكوره على مرورج
راح تحسين بنفش الشعور لما ان شاء الله
الله يعطيج وتطعمين ولدج وتشوفينه يرفرف
مثل الطير المذبوح على صدرج اثناء وبعد الابره
وبتقولين ام علااااااوي صدقت و ما اصعبها من لحظات

اكيد استانس ولدي قاعد يكبر ولله الحمد وبصحه وبعافيه
لكن ما اقدر اتحمل اشوفه يتألم ويتعب ويمرض أخ ياقلبي

.

..★شـــااانيل★..

مشرفة سابقة

01-11-2010 | 01:48 AM

بعد قلبي لا تحاتين
انا كنت مثلج خايفه من تطعيمة ال4 شهور
بس الحمد لله طلعت ما اتعب الياهل وايد
واول ما توصلي البيت عطيه بنادول
وان شاءالله ما راح يتعب....

أ

أم علااااااوي

عروس نشيطة

01-11-2010 | 01:49 AM

شانيل ياااارب يسمع منج يالغاليه
وان شاء الله فعلا ما يتعب ولدي
والله يخلي لج بيبيج يااارب

ب

بنت الغربيه22

عروس جديدة

01-11-2010 | 03:01 AM

لا تخافي ان شاء الله ما يتعب عليها واعطيه فيفادول وحطيله كمادات

ش

شجون إمرأة

عروس جديدة

01-11-2010 | 03:41 AM

نفس الشعور واني من كثر الخوف اهرب من هالموقف ومع الاسف هربت لما طعموا بنتي بعمر الشهرين

ومن الحين احاتي تطعيمه الاربع شهور فعلا موقف مزعجججججججج

%

%رونق آلكآدي%

عروس برونزية

01-11-2010 | 04:45 AM

والله نفس حالتي تطعيمة ولدي الشهرين بعد يومين وهذا انا ع اعصابي يارب ما تجيه سخونه ..

ي

يارا المحتارة

عروس رائعة

01-11-2010 | 05:25 AM

لا تخااافين
ان شاء الله ما يتعب

أ

أم علااااااوي

عروس نشيطة

01-11-2010 | 05:25 AM

مشكورين عزيزاتي عالردود
والله يعينا ويصبر عيالنا المساكين

وانا سمعت عن الابره المتطوره الي على قولتهم
يعطونها بالخاص وماتمرض الطفل وسالت عنها
باكثر من عياده وكانوا يستغربون لما اقول لهم
يسالوني من وين لج هالمعلومه اقول لهم من النت
خخخخخخ قالوا ماكو شئ اسمه ابره متطوره وكل الابر مثل الشئ
بس التوفيق من الله احيانا بعض الاطفال تتحمل واحيانا تتعب شوي

الله يعدي الامور على خير يارب

أ

أم علااااااوي

عروس نشيطة

02-11-2010 | 03:09 AM

رحت اليوم المستشفى
وشوفوا الاستهتار يقولون ماعندهم دكتور
يكشف عالاطفال وانا طاقه مشوار

بس تصدقون ارتحت وكاني ابغيها الفكه
هم وانزاح ومشيت على طول وانا احمد ربي
وعسى عن صلاح

خصوصا ان ولدي مريض

ولاتبخلون يا امهات بتجاربكم علينا

ج

جمال الزهره

عروس برونزية

02-11-2010 | 04:13 AM

اول ما ترجعين البيت عطيه أدول وامشي على كلام الدكتوره
هي بتقوللج كل 4 أو كل 6 ساعات تعطينــه
امشي على كلامها وما عليه شر البطل
وتعب التعطيم هذا شر لابد منــه

وبعد حاولي تخففي ملابس الطفل لا تلبسينـه اشياء ثقيله عشان لا تحره ازيد
ولو حسيتين حرارتــه ارتفعت شبحيه بماي فاتر مو بارد ولا ساخن
يعني ماي عادي , عشان يخفض الحراره
بس عموماً تطعيم 4 شهور ما يسبب سخونـه
يعني بالنسبة لي اعظم تطعيم كان سنــه ونص للحين

ع

عروس جنان

مشرفة سابقة

02-11-2010 | 08:21 AM

لا تخافي.. قبل لا تروحي المستشفى اعطيه خافض للحرارة
ولا ترضعيه بعد الابرة مباشرة.. انتظري ربع ساعة ع الاقل

ز

زوجي حبيب قلبي

عروس ماسية

02-11-2010 | 10:18 AM

خيتوو اني ما ابي اخوفج بس يوم اطعم ولدي تطعيمة 4 اشهر تعب وايد وضلت مخضرة ليه لما قربت اطعمه 6 اشهر
حتى الدكتورة تقول تعب هذي الابرة
بس يختلف من واحد الى الثاني
ان شاء الله ما يشوف شر
بس انتين مو تحاتين واجد لان مو زين للجاهل

ن

نور د

عروس جديدة

02-11-2010 | 10:23 AM

هههههههههههههههههه يعني انتي ماطعمتي يوم كنتي صغيرة مامرضتي كلنا مرينا بهشي شي طبيعي استغرب من هالخوف الزايد

u

um 3looy

عروس رائعة

02-11-2010 | 01:54 PM

هلا اختي لاتخافين ولاتحاتين اني امس مطعمه جسوم تطعيم اربع شهور
اول مارجعت على طول عطيته ادول وتم شوي وبعدها نام
صخن مسكين خليت له كمادات على رجوله وعلى راسه وتم يزنزن شوي

واليوم الحمد لله اشوف الحرارة بدت تخف وصار احسن

انتين اهم شي لاتحاتين وتذكري انه كلنا مرينا بمثل الشي والتطعيم افضل للطفل بيمرض يوم يومين لكن بتضل معاه مناعه عن الامراض الخطيرة
وماعليه شر

ر

رمآد آنثى

عروس مشاركة

02-11-2010 | 02:06 PM

ذكرتيني بتطعيمه بنتي الشهرين مااااااااتت من البكي فديتهااااا

واحاتي ابره الاربع شهور لكن في النهايه لصحتهم والله يعافيهم من كل مرض

قالولي اول لاتعطينها حليب الا بعد نص ساعه وعطوني خافض حراره كل 6 ساعات

أ

أم علااااااوي

عروس نشيطة

03-11-2010 | 12:45 AM

مشكورات عزيزات عالردود
والله يخلي لكم بيبياتكم ويحفظهم من كل شئ

والله يعينا على هالشر الي لابد منه

والله اني احاول اقنع نفسي انه شئ لصالحه واحسن له
بس مجرد اذكر شلون يتالم من الابره اكره التطعيم

الله يمسح عليه ان شاء الله ولا يحس بتعب هالابر
والله يعينا لما يكملون الابر وكل ما كبر الطفل وصار
يتحرك ويفهم تصعب الامور اكثر واكثر

أ

أم علااااااوي

عروس نشيطة

13-11-2010 | 03:49 AM

تخيلوا اني للحين ما طعمت ولدي :(
وحزباااااااااانه للتطعيم
وقلت بطعمه خاص يمكن اريح له
وانثدمت بالمبلغ الي يأخذونه
ب55دينار ومثلها مثل التطعيمه
العاديه يعني كلش ما يسوى
اني توقعت أكثرها 30 دينار