انا دائما ادور بالمنتدى عن افكار للتنظيم والترتيب وكثير استفدت من المنتدى
وحبيت افيد البنات الي مثلي تحب اغراضها قدام عينها على طول عشان ماتضيع وقت وهي تدور :confused:
بهذه الفكره استفدت من ابواب دولاب الملابس بطريقه مرتبه ومخفيه بنفس الوقت
وبكلات بنتي واغراضي من خواتم وسلاسل واحزمه تكون بمتناول اليد :cool:
ان شاء الله تعجبكم الافكار ........... وادعولي ربي يفرج علينا بسبب ظروف عمل زوجي الي مخليتني اترك بيتي حاليا حتى تفرج
هذا اول شئ الي هو واحد من ابواب دولاب الملابس
هنا بشكل اوضح واقرب
واستخدمت كرتون قوي وزينته وجلدته
والي فيها الاساور هذه الرول حقت القصدير او المناديل لما تخلص وجلدتها بنفس التجليده
والي تحت السيديهات الي ما ابغاها وكنت بجلدها كمان بس تكاسلت :D
اما الي تحت بتضحكو علي اذا عرفتو حق ايش :) بس الحاجه ام الاختراع خخخخخخ
هذه ياطويلات العمر حقت البهارات :p وجات ببالي فكرة اني استفيد منها للخواتم والبكلات الصغار و المطاطات واي شئ يخطر ببالكم اهم شئ والحلو فيها انك ممكن تتحكمي بكل وحده عشان كذا رفعت وحده فيهم عشان توضح
وكمان كنت بجلدها بنفس التجليده بس تكاسلت :o
وان شاء الله اغراض بنتي لما نرجع لبيتنا ان شاء الله بسوي نفس الفكره بدولابها عشان تتعود على تنظيم اغراضها
وهذا باب ثاني من الدولاب خليته للأحزمه
وسويت نفسه بباب ثالث للسلاسل الطوال عشان ما تتشابك
هذه فكره ثانيه لقمصان النوم اكيد معروفه بس حبيت احطها
الاكياس الصغيره
والكور الفواحه او المخده (الكور اخذتها من لايف ستايل وفيها ريحه )
وقطع مسك صغيره دخلتها بأكياس جدا صغيره (حجم نص او ربع كف اليد ) بس الصوره كبيره لكن الاغراض صغيره جدا
وهنا بعد ماحطيتها داخل كل كيس قميص نوم او طقم داخلي ومعاه نوع من المعطر وعلقتها داخل الدولاب
اما الاخيره فقط حركه لأستغلال بعض الحمامات الصغيره
وهذا عندي كان حمام الضيوف وعليه صابون سائل وصابون عادي وعطر وشغلات ثانيه للزينه مع طقم المناشف الصغيره
ان شاء الله موضوعي خفيف وحلو ومفيد
وما ابغى منكم غير تدعولي لأن عن جد وحشني بيتي ........اقصد مملكتي الخاصه ..... لأن حتى لو كان صغير اسمه مملكة المرأه