قصة ولادتي؟؟!

كيفكم عرايس ..اليوم حابه أقول لكم عن قصة ولادتي وأبي تستفيدون من تجربتي ..أول شيء هذي الولادة الثالثة ..لأني والدة من قبل بنت وولد وكانت ولادتهم عادية البنت في مستشفى الولادة والولد في خاص وأخذت الإبرة وطبعاً ماأدري كيف جااااء بس الحمد لله ..عاد اليوم أبغى أحكيكم عن بداية حملي الثالث ..كنت طالعة مع زوجي مشوار شوي كذا حسيت بدوخة وغثياااان فظيع ..قلت لزوجي حاسة هذا غثيان حمل مع العلم إني آخذ موانع ..المهم زوجي ماصدق بس عشان يخلص من الحنة راح الصيدلية واشترى تحليل حمل رحت البيت وكانت المفاجأة إني حااااامل ..انصدمت مررره وما كنت أبغى أحمل ذحين وبكيت كثيرر وكان ودي ينزل ..لكن أنا بطبعي حنونة وسريعة التأقلم ..اتقبلت الواقع وصرت أعد الأيام عشان يجي البيبي..وهنا بدأت المفآجآت طلع عندي داء القطط وما اكتشفوه إلا في الشهر الثالث وبدأت رحلة العذاب والقلق :(وبعد المجموعة الكبيرة من التحاليل اكتشفوا إن التشخيص غلط وارتحت والحمد لله ..ثم في الشهر السادس جات لي ولادة مبكرة وقعدت أعاااااني من الطلق والألم وما أقوم من فراشي إلى نهاية الثامن ..ثم بدأ الألم يزداد صبرت لحد ما دخلت الشهر التاسع رحت مستشفى الولادة قالو الرحم مفتوح 4 سم ودخول ولادة لكن أنا رفضت وخرجت على مسؤليتي وحسيت الدكتورة مرة مهتمة إني ما أخرج لكن أصريت لأني حابة أولد في خاص ..خرجت من المستشفى ورحت للخاص فحصت وقالت 1 سم قلت لها أنا قالولي 4 سم قالت طيب روحي للعام أحسن لك ..طبعاًأنا ما فهمت الرسالة وخف الألم ورجعت البيت بعد اسبوعين يعني نص التاسع حسيت الحركة قلت مرررررة رحت مستشفى الولادة وهناك كانت النتيجة إنو فيه جلطات في المشيمة والغذاء في أي لحظة ينقطع عن الطفل وكنت مرتين أجي المستشفى على أساس التخطيط.. قفلت التاسع وثاني يوم لي في العاشر سمعت أخبار عن عيلتي مي كويسة فحسيت بألم شديد في معدتي ورحت المستشفى حقت الولادة قالت لازم افحص وبعدها قالت 4سم ولازم دخول رفضت وقلت لها من أول التاسع كذا وما ولدت ..قالت لأن الحبل السري ملفوف على راس الطفل عشان كذا احتمال كبير ما تولدي طبيعي ..أنا خفت مررررة خصوصاً أنه ما معاي أحد في المستشفى وزوجي راح البيت وما جبت أغراض النونو من البيت ..سويت أوراق الدخول ودقيت على زوجي قلت له راح ينوموني عشان خلصت التاسع بس ..ماقلت على أي شيء ..كنت خايفة مررة وطلعت فوق فكولي جيب المياه وبدأ الألم المميت والرحم يفتح وجلست على هذا الحال 6 ساعات والطفل مخنوق بالحبل السري ومو راضي ينزل في الحوض بعد كذا جات الدكتورة وساعدتني وقالت ابدأي دفي ..ومعاناة مع الدف الين طلع الراس قالت وقفي الين نفك الحبل عن رقبته ..وأنا متحمله الألم وبعدين قالت يلله دفي كملت أدف الين طلع كله أخذته تقولي شوفي درت راسي عنه قلت لها ماأبغى أشوفه ..أديه أي أحد وكنت أبكي بحاله هستيرية فأدتني مهدىء وجلست بعدها 3 ساعات ما أبغاه بعدين عادي أخذته ..مع العلم إني ماأخذت ولا مسكن يعني عشت الولادة بكل مراحلها بدون مسكنات والحمد لله طلع ولد زي القمر وسميته F:جسارF:وأحبه أكثر عيالي لكن أبغاكم تستفيدو من تجربتي بعدم الإعتراض على قضاء الله ..وعدم الثقة في المستشفيات الخااااصة أبداً..

وسامحوني على الإطالة:o