السلام عليكم عرايسنا الف مبروك وانشاء الله ربى يتمم عليكم بالخير
انى طبعا مش عروسه لكن عندى مناسبه قريبه و حبيت ناخد رايكم فى شويت حاجات لنه انتو اكيد اتجهزو لعراسكم و عندكم فكره على نبيه
المهم ما نطولش عليكم لنه وقتكم من دهب عارفه نبى نعرف احسن زمزامات و هل اسماء المنور اتجى للعراس و لى تعرف ارقامهم يا ريت تقولى و الصالات شنو افضل صاله لمناسبت اسبوع
و ما نبيهاش اكبيره لنه ناسى مش هالبه متع حوالى 200 و بالهى قولولى على شوكلاته تمشى مع جو السبوع ولى حضرت اسبوع و كان مميز يا ريت تقولى على الافكار اى مدارينها فيه بالله ساعدونى انى ماعنديش خوات لكن انتو خواتى وانى صاحبت الصغار و بنتى صغيره ما نقدرش نطلع اندور فى الصلات كلهم او الزمزامات والله ما نعرف كيف نوصلهم بالله عليكم عيلت راجلى كلهم يدو عليا انى ما درتش اسبوع لنى تعبت بعد ما جبت و درت عمليه و رقت هالبه مرات فى المستشفى ما يقدروش الضروف الله يسامحهم نبى انديره اسبوع كبيييييييييييييير باش يسكرو فمهم عليا درتها قضايا و حلول انى سامحونى لكن من غيضى انى مريضه وهما يخمامو فى السبوع :mad::'(
اعطونى افكار وعلى فكره هو اسبوع بنوته بالله ردوا عليا لو حتى بفكره :L:
عرابس طرابلس بالله تعالو نبيكم
أ
31-10-2010 | 01:33 AM
أ
31-10-2010 | 01:44 AM
وشنو رايكم نلبس عربى و له قفطان كبير و له نلبسهم الاتنين واما واحد قبل التانى العربى قبل او القفطان كترت عليكم لكن انتو املى الوحيد
ق
31-10-2010 | 02:25 PM
مساء الخير
أول شئ الحمد لله على سلامتك وان شاء الله البنوتة تتربى في عزك وعز بوها وتشوفيها عروسة وأم صالحة يا رب
ثانياً اختي أميرة انا من رأيي تلبسي عربي يعني بدلة صغيرة وبعدين تلبسي قفطان او انك تقعدي لابسة عربي حتى هي حلوة,
الاسبوع اللي فات حضرت أسبوع في صالة علاء الدين وكان الثيم كله على لون السماوي لانه البيبي ولد والزمزامات ما شاء الله عليهم قاموها الحفلة واسمهم فرقة المحبة ولو تبي رقم تليفونهم نبعتهولك في رسالة,أما عن الشكلاطة فيه محل في شارع ميزران بجنب محل الرقيعي لتجهيزات الكوافير فيه شكلاطة حلوة وتقدري تشريها وهي مزينة وواتية.
وربي يعاونك ويكون معاك
أول شئ الحمد لله على سلامتك وان شاء الله البنوتة تتربى في عزك وعز بوها وتشوفيها عروسة وأم صالحة يا رب
ثانياً اختي أميرة انا من رأيي تلبسي عربي يعني بدلة صغيرة وبعدين تلبسي قفطان او انك تقعدي لابسة عربي حتى هي حلوة,
الاسبوع اللي فات حضرت أسبوع في صالة علاء الدين وكان الثيم كله على لون السماوي لانه البيبي ولد والزمزامات ما شاء الله عليهم قاموها الحفلة واسمهم فرقة المحبة ولو تبي رقم تليفونهم نبعتهولك في رسالة,أما عن الشكلاطة فيه محل في شارع ميزران بجنب محل الرقيعي لتجهيزات الكوافير فيه شكلاطة حلوة وتقدري تشريها وهي مزينة وواتية.
وربي يعاونك ويكون معاك