مخنوقة .. ومحطمة ..

السلام عليكم .. ترددت كثير قبل ما اكتب مشكلتي .. وان شاءالله الاقي لها حل :'(

يا بنات .. اليوم والله اني قعدت ابكي من الضيقة اللي بي .. :'( مادري وين اروح .. مادري من اشكي له :'( قبل شوي والله شوي واقعد اصرخ من القهر اللي بي :'( والسبب تطنيش زوجي لي .. وعدم المبالاة .. مادري وش اسميها :'( .. صار لي ثلاث سنين وزيادة متزوجة .. الحمدلله متفاهمين تقريباً .. ومرتاحين مع بعض .. لكن اللي يضايقني كثير .. انه مقصر معي من ناحية " الترفيه " .. والله ان حياتي حياة وحده عجوز عمرها سبعين سنه .. همي بس .. وش ابنظف اليوم .. وش اطبخ .. وش اكنس .. وش اكوي .. وش اغسل <<< هذا روتيني اليومي :'( .. مافيه مجال تغيير جو .. مافيه مجال طلعات وتمشيات ووناسة ...!!! :'(هو ماشاءالله ما قصر على عمره .. سفرات .. وسهرات .. وزيارات .. تقريباً يومياً :'( .. وانا بالبيت لحالي مع ولدي :'( .. روتيني اليومي .. انام الساعه وحده بالليل .. اصحى الضحى اسوي الغداء .. يجي الساعه 2 يتغداء .. الى الساعه 2 وثلث .. يروح ينام .. يصحى العصر يطلع الى الساعة 9 او 9 ونص بالليل .. يجي يتعشى ربع ساعة يروح ينام .. الساعه 5 الفجر يطلع الى الساعه 2 الظهر .. وعلى هالحالة يومياً .. واذا قلت له خلنا نطلع نتمشى اليوم .. قال : هذاك تطلعين <<< طبعاً يقصد اني اروح لبيت أهلي او بيت أهله مرة او مرتين بالاسبوع .. :'( واذا طلعنا كل شي بسرعه بسرعه .. يعني ما اتهنى بالطلعة معاه .. وما اشتري اللي خاطري فيه لأني عارفه اني اباخذ أرخص شي .. واذا رجعت للبيت تحسفت اني طلعت معه وطلبت منه شي .. :'( طبعاً بوكي فاضي .. الا من خمسين ريال او مية بالشهرين او الثلاث .. واذا طلبت منه فلوس ابطلع مع اختي اغير جو اشتري لي حاجه استانس فيها .. قال : مو لازم كل ما طلعتي تاخذين فلوس .. :'( طبعاً غير حرماني من السفر .. والله العظيم ما سافرت سفرة سياحة وتمشية الا يوم كان عمر ولدي 6 شهور .. وكانت خمس ايام .. :'( .. ورحت مرة للرياض على بالي ابتسوق للعيد وابستانس واثاريها كلها كذب * كذب .. وصلت العصر للرياض تسوقت وخلصت المغرب .. على بالي بيدور لنا سكن نرتاح ونتمشى ونتعشى .. ورب البيت مادريت الا بالطريق السريع راجعين :'( .. ليش طيب مالي حق استانس ؟ مالي حق اغير جو ؟ مثلي مثل حريم اخوانه ماشاءالله :'( .. والله يا بنات ان اخوانه يسافرون بحريمهم مرتين وثلاث بالسنة .. وانا لا .. وهو يسافر كل سنة مع اصدقاءه يغير جو او يسافر لحاله للطايف وانا مستكثر علي روحة للرياض يعني مو قصده الحالة المادية الحمدلله حالتنا زينة وكل سنة يسافر ويصرف ما يقل عن ألفين ريال .. :'( والحين لي تقريباً شهرين ماتعشيت معاه برى .. :'( .. مشكلتي اني انصدمت وتحطمت تحطيم كبير :'( متوقعه اني اذا تزوجت بكون مثل اللي توهم شباب بأول اعمارهم .. سفر وتمشية ووناسة :'( .. ياحسافة العمر والشباب اللي يروح على الضيقة والخنقة :'( لولا الله ثم ولدي كان صار لي تصرف ثاني معاه :'( مشكلتي هذي لي سنين اعاني منها ومحد يدري عنها لا أهلي ولا أهله :'( لأني مابي احد يدري عن اسرارنا .. بس خلاص اليوم وصلت حد ماقدر اصبر والله اني انفجرت بالبكاء من القهر .. شوي وأكلم ابوي اشكي له بس خفت عليه علشان عنده السكر :'( وخفت تكبر السالفة .. ياااااربي رحمتك .. ياااااربي تفرجها علي :'( تكفون عندكم حل .. اسعفوني وش اسوي بهالحاله ؟ وشلون افهمه باللي في خاطري ؟ وشلون اخليه يحس باللي انا أحس فيه ؟!!!!!!! :'(حاولت معاه بالكلام الزين والجلسة الهادية لكن بدون نتيجة .. ابي حل مضمون النتيجة واللي مرت بمثل حالتي وش سوت ؟!!! :'(