بس ابى افضفض ممكن!!

[ALIGN=JUSTIFY]بسم الله الرحمن الرحيم



هاذي مب اول مره اشكي فيه حالي في هذه الصفحه , تصدقوون ما عندي احد اشكي له حالي ، و صح ان الشكوى لغير الله مذله .... لكن ما اقدر ضاق صدري من الهم ....

مشكلتي مع الوالده (( الله يهديها )) عندها مرض الوسواس مرض نفسي مزمن الله يعافي الجميع منه ... تصدقوون هذا المرض مو بس يضر صاحبه , بعد يضر اللي حوليه و يعشوون معه ، تتخيلون 24 ساعه من الهم و النكد بسبة الوسواس .... أنا و امي عايشيين بروحنا ما معانا أحد ، طبعا كل ما تجي خدامه تهرب !!!!! أظني عرفتوا السبب ....
تتخيلون اقوم من خاطري اسوي الشاي لامي وودي اسولف معها تقعد تحلفني ما حطيت شي بالشاااي و الا تطالعني اشربه قبلها ... بالله عليكم في ام بالدنيا تشك بضناها ... تعرفون ليش انا معاها بس و ما معنا احد ... كل أخواني ضاقوا من امي و تزوجوا و طلعوا ببيت بروحهم و لا يجونا الا كل سنه حسنه ....
و هذا المرض اللي فيها كل ما تكبر بالعمر يزيد معاها ... تتخيلون لما تطلع من غرفتها عندها بابيين تقفل البابيين و تقعد بس 10 دقايق تتاكد ان الباب مقفل و ا لا تقعد ماسكه مسكة الباب طخ طخ طخ , و الله لو الباب ينطق يقول لها : ارحمــــــــــني منك
وطبعا ربطة مفاتيح في جيبها و لما تغفل شوي و تنام ع الكنبه لما نطالع التلفزيون تقووم فزعاانه و تحلفني أني ما شليت مفتاحها و فتحت باب غرفتها ... تتخيلون تتهمني بالسرقه ...
أه شو اقووول انا متحمله لاني اعرف ان امي مريضه و هذا الشي مو بيئدها ... بس انا خلاااص ما عااد اقدر
والله العظيم أني كل يوم ابكي ما بقى مني شي , كيف انسان يعيش و هو يحس اللي حوليه شاكيين فيه والله لو اني خدااامه ممكن يكون عااادي لكن ان بنتها اللي ربتها .. و انا الوحيده اللي بقيت معاها و انا بيئدي اسكن عند اي واحد من اخواني ...
و ي طول الوقت تلمح لي اني مثقله عليها و متى اروح عنها ( هي من النوع اللي تحب تقعد لحالها) بس انا ما ودي اطلع من البيت و اروح عند اخواني لان لو اخواني عندهم عادي زوجاتهم ما يبغووني .. و كذا مره حصل هذا الشي ....
انا بس اقووول لكل شخص ممكن انه يعني من مرض الوسواس لازم يسبح و يذكر الله طول الوقت و لا يتغاضى عن ها المرض لانه يكبر مع الوقت....
بس ما اكون ثقلت عليكم و السموووووحه